خداع انثى بقلم دودو محمد ج٤
حرك رأسه بالرفض وقال بعدم تصديق
رائد :- انت كداب رقيه عايشه انت بتقول كده علشان بتكرهها انا هتجوز رقيه وهعيش معاها العمر كله برضاك او غصب عنك
صفعه بقوه على وجهه وقال بغضب
مدحت :- قولتلك رقيه ماااااتت فوق لنفسك ولحياتك بقى فرحك خلاص بعد يومين لازم تطلع من الحاله اللى انت فيها دى بقى
هدر به بغضب وقال
رائد :- قولتلك انت كداب انا هتجوز رقيه ومش هتجوز غيرها
وفى ذلك الوقت جاءت سهير تركض واخذت رائد بحضنها ونظرت لمدحت بترجى وقالت
-ابوس ايدك براحه عليه انت مسمعتش الدكتور قال ايه اهدا عليه شويه هو غصب عنه يا مدحت
نظر لها بغضب وقال
مدحت :- عقلى ابنك يا سهير مش عايزين فضايح قصاد الناس كلهم عارفين ان الفرح كمان يومين واكبر الشخصيات دى هتحضر الفرح
اومأت رأسها بدموع وقالت
سهير :- حاضر يا اخويا بس روح انت دلوقتى وانا هتكلم معاه
نظر لهم بغضب وقال
مدحت :- عيله تجيب الهم وتركهم ودلف غرفته
ربت على ظهره بحنو وقالت من بين شهقاتها
سهير :- كده برضه يا رائد توجع قلب امك عليك بالشكل ده ابوس ايدك يا حبيبى اسمع كلام ابوك وبلاش مشاكل وانا اوعدك هجوزك رقيه بعد الفرح على طول ما الراجل ليه مثنى وثلاث ورباع وده حقك محدش يقدر يقولك حاجه
ابتعد عنها بغضب ونظر لها بضيق وتركها وصعد على غرفته
تنهدت بحزن وانهمرت دموعها بشده واتجهت إلى غرفتها
……………………………………………………….
بالمشفى
ارتدت رقيه ملابسها بمساعدة الممرضه وجلست على السرير تنتظر دكتور اسامه وفى ذلك الوقت انفتح الباب ودلفوا شخصين يرتدى ملابس الطبيب ويضعوا كمامه على فمهم واقتربوا من رقيه وقال
-اتفضلى معانا يا انسه علشان الدكتور طالب شوية تحاليل
نظرت لهم بأستغراب وقالت
رقيه :- ت ت تحاليل ايه دى ودكتور مين اللى طالبهم
رد عليها سريعا وقال
-تحاليل مهمه لحالتك اتفضلى يلا معانا علشان الوقت
نهضت من على السرير بصعوبه وتحركت بأتجاه الباب
نظر إلى زميله وقال
-ساعد الانسه رقيه علشان تتحرك اسرع
تراجعت إلى الخلف وقالت بتوتر
رقيه :- ا ا انت عرفت أسمى ازاى م م محدش هنا يعرف أسمى الحقيقى ايه
نظر إلى صديقه بتوتر وقال
-ها ا ا الدكتور هو اللى قال لينا اسمك يلا يا انسه مافيش وقت
