خداع انثى بقلم دودو محمد ج٤

اقترب منها وامسكها من ملابسها وهدر بها بغضب وقال
مدحت :- بت انتى نسيتى نفسك ولا ايه

ردت عليه بغضب وقالت
رقيه :- لا منستش نفسي وعارفها كويس اوى ومش محتاجه حد يعرفني انا ايه

صر على أسنانه بغضب وقال
مدحت :-ماشى عايزه تعيشى هنا انا موافق بس من هنا لحد ما الانتخابات تخلص مافيش خروج من هنا

نظرت له بصدمه وقالت
رقيه :- يعنى ايه كلامك ده انا مش فى حبس علشان تمنع خروجى من هنا انا حره اخرج وادخل وقت ما احب انت ليك بس الانتخابات

نظر لها بغضب وقال بنبره صارمه
مدحت :-هو ده اخر كلام عندى عايزه تعيشى هنا يبقى مافيش خروج نهائى يا اما كده يا هتيجى تعيشى فى الفيلا ورجلك فوق رقبتك ونظر إلى رجاله وقال بأمر
-زى ما سمعتوا كده هتقفوا تحت البيت ومش هتسمحوا ليها تتحرك خطوه واحده بره عتبة البيت ونظر لها مره آخره وقال
-لو عايزه تشوفى الوش التانى بتاعى اكسري كلامى يا رقيه واستحملى بقى بس مش عايزك تنسي ان مستقبل اخواتك فى أيدى انا وكل ما تكونى مطيعه كل ما هتنقذى اخواتك من الحبس اللى هما فيه دلوقتى وتركها وغادر المكان

دفعت الباب خلفه بقوه واسندت ظهرها على الباب وانهمرت دموعها بغزاره على وجهها وقالت بصراخ
رقيه :- ياااااارب مليش غيرك يارب انت المنتقم الجبار وظلت تبكى
…………………………………………………….
بالمشفى

دلف الطبيب إلى غرفة امينه واقترب منها وقام بفحصها ونظر إلى ماجد وقال

-ممكن تتفضل معايا لو سمحت

نظر إلى مياده بأستغراب وتحرك إلى الخارج خلف الطبيب ونظر له بقلق وقال
ماجد :- خير يا دكتور

نظر له بأسف وقال
-الاشعه اللى عملتها مدام امينه ظهرت وللاسف النتيجه مش كويسه انا لاحظة ان مدام امينه مش حاسه برجليها خالص وشكيت ان يكون حصل ليها شلل بالجزء النصفى وعلشان كده طلبت انها تعمل الاشعه وبالفعل تم تأكيد التشخيص وهى حاليا صعب تمشى على رجليها تانى بس طبعا مش هنييأس احنا هنمشى معاها على العلاج وننتظر النتيجه عن اذنك

نظر له ووقف بمكانه يستوعب ما قاله له الطبيب وتحرك ببطئ إلى الداخل نظرت له بقلق وقالت بتساؤل
مياده:- قالك ايه يا ماجد طمنى

نظر لها بضيق وقال
ماجد :- ها ولا حاجه قال ان خالتى زى الفل ومفيهاش حاجه بس يعنى هتقعد فتره صغننه كده على كرسى متحرك على ما العلاج يعمل مفعول معاها