خداع انثى بقلم دودو محمد ج٤
نظرت له بحزن وقالت
امينه:- قول ان الدكتور كان عايز يبلغك ان انا مش همشي على رجلى تانى قول الحقيقه يا ماجد
اقترب منها وقال سريعا
ماجد :- لا لا لا يا خالتى الدكتور مقالش كده هو قال بس انك تخدى فتره على ما تعرفى تمشى على رجلك تانى انما انتى كويسه وزى الفل
نظرت له بحزن وقالت
امينه :- مش فارقه كتير اهى راحت زى اللى راحوا انا عايزه ارجع بيتى
اومأ رأسه لها بالموافقه وقال
ماجد :- حاضر هسأل الدكتور واشوف هيقول ايه ارتاحي شويه يا خالتى وانا هروح مشوار وارجعلك تانى
تكلمت بنبره مختنقه وقالت
امينه:- لو رايح لولادى قولهم واحشتوا امكم قول ليهم ان امكم خلاص لا بقى ليها حولا ولا قوه قولهم امكم بقت جسم بس محتاج اللى يشيل ويحط فيها وان بقيت وحيده اوى من غيرهم متنساش يا ماجد تقول ليهم الكلام ده
اومأ رأسه بحزن وقال
ماجد :- حاضر يا خالتى هقولهم الكلام ده مش هنسي وتركهم وغادر المكان.
…………………………………………………….
بالفيلا
استيقظ رائد من نومه على صوت الهاتف الخاص به نظر به وزفر بضيق والقى الهاتف على السرير ونهض دلف المرحاض وبعد عدة دقائق خرج وارتدى ملابسه وهبط سريعا إلى الاسفل وجد والدته تجلس على الاريكه اتجه إليها وقال
-صباح الخير يا ماما
نظرت له بحب وقالت بنبره حنونه
سهير :- صباح النور يا ابنى مشوفتش رقيه يا رائد من امبارح مش فى الفيلا وانا قلقانه عليها اوى
حرك رأسه بضيق وقال
رائد :- متقلقيش يا ماما رقيه عند ناس قرايبها يومين وهترجع المهم دلوقتى فين بابا عايزه
ردت عليه بنبره هادئه وقالت
سهير :- ابوك من الصبح بدرى خرج وقال عنده مشوار مهم
زفر بضيق وقال بغضب
رائد :- ماشى يا ماما انا رايح الشركه يارب الاقيه هناك سلام وتركها وغادر الفيلا وصعد سيارته وادارها وتحرك بها سريعا وذهب إلى الشركه وبعد وقت وقف امام الشركه وصعد إلى الأعلى واتجه إلى مكتب والده وطرق على الباب ودلف إلى الداخل وجده يجلس امام مكتبه الخشبى نظر له بغضب وقال
مدحت:-خير موضوع ايه ده اللى يخليك تدخل مكتبى بالشكل ده
اقترب منه ووقف امام المكتب وقال بنبره مختنقه
رائد :- بابا انا مش عايز الخطوبه دى مش بحب البنت دى ولا بطيقها
نظر له بغضب ونهض من على مقعده واقترب منه وقال
مدحت:- مش عايز ايه!؟
