خداع انثى بقلم دودو محمد ج٤
تكلم بنبره هادئه وقال
-أهدى يا رقيه ده عمره وانتهى محدش ليه فى نفسه حاجه ادعيله بالرحمه
قالت من بين شهقاتها بصراخ
رقيه :- ربنا يرحمك يا ماجد كنت احن الناس عليا ربنا يرحمك ويغفر ليك ياررررب
نظر لها بشفقه وقال بنبره حنونه
-المهم دلوقتى ناويه تعملى ايه الشرطه بدور عليكى علشان تحقق معاكى واعتقد ان القضيه متعقده شويه لان عدم وجودك طول الوقت ده يعتبر هروب ولازم ادله قويه
ابتسمت بحزن وقالت بتهكم
رقيه :-يعنى فيه ادله اكتر من كده انا وشى كله حروق وجسمى كمان
رد عليها سريعا وقال
-ودى ادله ضدك مش فى مصلحتك ده بيثبت انك كنتى موجوده فى موقع الجريمه او بمعنى أصح ارتكبتى الجريمه وهربتى
نظرت له بقلق وقالت
رقيه :- طيب الحل ايه دلوقتى انا مظلومه ومعملتش حاجه
اومأ رأسه بتفهم وقال
-عارف يا رقيه بس الشرطه ليها الادله وبس بصى انا هفكرك تعملى ايه واقولك بس وجودك هنا دلوقتى فيه خطر عليكى من رجالة مدحت ده ومن الشرطه لازم تكونى فى مكان آمن من ده
نظرت له بأستغراب وقالت
رقيه :- مكان آمن من هنا !! فين بس انا معرفش حد اروح عنده
تكلم بعدم فهم وقال بتساؤل
-ازاى يعنى ؟ ملكيش اهل اب اهل ام اى حد من قرايبك تختفى عندهم اليومين دول
نظرت له بحزن وقالت
رقيه :- لا عندى طبعا بس اهل بابا من الصعيد وهما مش معترفين بيا اصلا علشان بابا اتجوز ماما غصب عنهم واهل ماما غضبانين من موضوع حصل زمان وامى كانت مظلومه فيه ومن يومها وهما قاطعين علاقتهم بيا
نظر لها بأسف وقال
-انا اسف مكنتش اعرف والله طيب الحل ايه دلوقتى
تنهدت بضيق وقالت
رقيه :- مش عارفه يا دكتور سيبها على ربنا وهى هتفرج
أبتسم لها وقال بنبره حنونه
-ونعم بالله طيب بصى انا كان عندى شقه متجهزه وكل حاجه وكان المفروض اتجوز فيها بس حصل مشاكل بينا وبين اهل العروسه ومحصلش نصيب للجوازه ممكن تيجى تعيشى فيها اليومين دول لحد ما نشوف هنعمل ايه فى مشكلتك دى
نظرت له باحراج وقالت
رقيه :- لا طبعا يا دكتور مينفعش اعيش فى شقتك خلى حاجتك جديده زى ما هى ومتشغلش بالك بيا
رد عليها سريعا وقال
-يعنى ايه خلى حاجتك جديده زى ما هى ما الحاجه موجوده فى الشقه فوق بعض وجودك هيأثر عليها ازاى مش فاهم اسمعى بس الكلام ولازم تمشى من هنا فى اسرع وقت
