ايوب وغرام رحمة السيد ج٢
أكد ظافر دون تردد وكأنه كان يجهز كلماته مسبقًا:
-ايوه، ونجول إننا ناويين نتچوز بعد فترة، دي الحاچة الوحيدة اللي هتخلي الناس تبررلك لو چوز أمك نفذ اللي جاله، بس مش هنجول لچدي دلوجتي وهنمهدله.
غمغمت مسرعة بتوهان وعقلها ممزق في التفكير في نواحي شتى:
-لا أكيد في حل، أنا وأنت وسمية هنجول إنه كداب وإن دا ماحصلش.
هز رأسه موافقًا وهو يتابع بجدية يسايرها:
-ماشي، اعتبرينا جولنا، واعتبريني كمان ياستي مسحت الصور من تليفونه مع إنه صعب، هجطع لسانه كمان عشان مايتكلمش؟
أردفت مستنكرة بشدة:
-والناس ليه هتصدجه ومش هتصدجنا ؟ كلامنا جصاد كلامه.
هز كتفاه معًا وراح يسرد لها بجدية:
-مش كل الناس هتصدجه هو واللي معاه، ومش كلهم هيصدجونا، في ناس هتصدج وناس لا، وناس هتشك، دي طبيعة البشر، ومچرد ترديدهم اصلًا لكلامه دا مش في صالحي ولا في صالحك.
صمت برهة ثم أضاف حين لوح له عدم الاقتناع من بقاع ملامحها:
-وكمان لو حد شافك أصلًا وأنتي طالعة وشافني، هيأكدوا على كلامه، وأحنا في غنى عن كل دا.
انبلجت السخرية من عمق ملامحها الشريدة:
-اه فنجوم نتچوز ؟ بالبساطة دي ؟!
لامس الضيق مكمن جوارحه، فكم يمقت أن يشعر أنه يفرض نفسه على أحدهم ويقنعه بالقرب منه!
ولكنه كبحه بمهارة واستطرد بجفاف:
-دا مچرد كتب كتاب يا ليلى، وبعد فترة لما الموضوع دا يموت لو عايزة نتطلج هنتطلج.
تمزعت نبرتها بالحسرة وهي تردد:
-أنت الموضوع بالنسبالك عادي إيه يعني تتجوز وتطلج، لكن أنا لا، أنا هاتتحسب عليا چوازة.
-وأنتي ليه اعتبرتي إننا خلاص أكيد هنتطلج؟ مش يمكن يچد چديد.
رفعت حاجبها الأيسر مستنكرة، فلم يصعب عليه قراءة ذلك الاستنكار بين سطور عينيها، فإلتقطت زفيرًا قويًا قبل أن يتفوه بنبرة رجولية رخيمة:
-أنا عارف إن كان في سوء تفاهم بينا والتعامل بيني وبينك ماكنش أحسن حاچة، لكن أنتي لازم تعذريني أنا ماكنتش أعرف إن چوز أمك هو اللي ورطك.
ابتسم ابتسامة صغيرة جذابة وأكمل بنبرة ذات مغزى:
-أنا مش وحش على فكره وأتحب.
أدارت وجهها عنه بحرج، ثم تمتمت بضياع:
-صعب صدجني صعب.
قرر ترك خيط وهمي من الحرية لها حيث قال بلا مبالاة مدروسة:
-روحي اتكلمي مع والدتك وشوفوا الأنسب ليكي، بس صدجيني دا أنسب حل، أنا لو عليا في الأول وفي الأخر راچل، أنتي هتتأثري بكلام الناس أكتر مني وأنتي عارفة مچتمعنا مابيرحمش.
