انت عمري بقلم امل مصطفى ج٣
الحزن غير معالمه اقترب منه بسرعه وضمه بلهفه أجمد يا أدهم صدقني هتلاقيها و هترجع لحضنك تاني
أدهم بوجع ضاعت مني يا مراد ضاعت ومش لاقي ليها أثر قلبي بيوجعني قوي مش قادر اتحمل روحي بتروح
مني حاسس بخنقه بتوقف قلبي أنا بمر بتجربة أحمد خسارة اللي بنحبه مش سهل
كل المشاعر المؤلمه اتجمعت في قلبي هموت من الفكر مش عارف هي مع مين يا تري بيعاملوها حلو ولا بتتهان يا تري بتبكي من الخوف
و بتنتظرني اخلصها ولا وضع يده علي قلبه ولا حد انتهك حرمة جسمها اغمض بقوة وهو لا يستطيع تحمل الفكرة
مراد والقلق ينهش قلبه والله بكرة ترجع سليمه وبصحه و نجيب حقها كامل من اللي أذاها
أدهم بقسوة ترجع بس واعرف مين فكر مجرد تفكير وأنا اخليه يندم علي اليوم اللي اتولد فيه و يتمني الموت ومش يطوله
*****
عاد مراد للداخل وجد غاده تقف علي الباب وهي تسأله
فين أدهم يا مراد
مراد ::بخوف من فقد صديقه الوحيد أدهم حالته صعبه خايف يحصل له حاجه زي أحمد
هتفت بخوف بعد الشر عليه ما تقولش كده
تمتم بحزن مش بياكل ولا بينام و لا بيهدى عمال يلف زي المجنون اللي عقله طار منه
تحدثت بلهفه أم علي ولدها طب خليه يكلمني ولا أخرج أنا
هز رأسه بتأكيد لا أخرجي أنت أحسن
خرجت غاده ونادت أبنها الذي يتحدث في الهاتف بعصبيه وغضب شديد
اغلق الخط وتوجه لها خير يا أمي في حاجه
مدت يدها بالطعام أنا كنت جايبه لك حاجه تاكلها عشان تقدر توقف على رجليك
هتف برفض لا مش عايز عمرك شفتي ميت بياكل
غاده:: بفزع بعد الشر عليك يا حبيبي
وضع يده علي قلبه وهو يردف أنا ميت يا أمي ميت من يوم ما ضاعت مني وأنا موجود
بس هي اللي خلتني بعافر ولسه واقف على رجلي كل ده
إحساسي أنها محتاجة وجودي هو اللي مقويني
وإلا كان فاتك بتدعي لي بالرحمه
تحتضنه برعب بعد الشر عليك يا عمري هو أنا ليه غيرك أنت و أختك أوعي تقول كده ثاني
تنهد بتعب من افزاعها وقسوة كلماته علي قلبها واقترب منها يمسح دموعها سامحيني يا حبيبتي غصب عني سامحيني
***************
هناك علي بوابة السرايا
سمع الغفير صوت أنثوي يلقي السلام
وقف ينظر مكان الصوت وجد خيمه سوداء أمامه لا تظهر معالم من ترتديها لذلك سألها بريبه
وعليكم السلام عايزه حاجه
الصوت بضعف وكلمات تكاد تسمع
ممكن أقابل فهد بيه
الغفير معلش هو مش فاضي دلوقت
