انت عمري بقلم امل مصطفى ج٣

وقف امامهم بحقد و شماته وهو يري هذا القلق بعيون الجميع
خير يا احفاد المنشاوي بيت أيه اللي رايدين تفتشوه
تحدث فهد بقسوة بيتك يا حمدان زيك زي اي بيت بالبلد لأزم يتفتش

تحدث بغضب وصوت عالي يظهر أن المنشاوي الكبير نسي يربي احفاده إزاي يتكلموا مع الكبار

رد فهد بحدة لا علمنا نحترم الكبار لما يكونوا محترمين وقصر معندناش وقت للحكي ده

صرخ حمدان بغضب مافيش رجل تدخل بيتي واللي يفكر يهوب من البوابه يبقي يتشاهد علي روحه

سحب أدهم زناد سلاحه وهو يتحدث بسخريه يبقي تتشاهد علي روحك أنا مش باقي علي حد خالص

تحدث ابراهيم بحنان مش محتاج كل السلاح ده يا فهد يا ولدي البيت بيتك وتدخله في أي وقت

سيبه يا بوي يدخل يدور دول ناس قلوبهم محروجه علي بنتهم

نظر له والده بغضب ما أنا جلبي اتحرج جبلهم علي ولدي خليهم يجربوا من نفس الكأس

رفع فهد سلاحه هو الأخر و شاور لباقي الرجال ادخلوا واللي يجف في طريقكم طخوه

ووجه حديثه لإبراهيم بلغ الحريم يا حاج ابراهيم يخدوا ساتر و أتمني تسامحني علي اللي بيحصل ده

ابراهيم بأسف حجك يا ولدي اتفضلوا

جذب أبيه عن طريقهم هو و إحدى أبناء العائله الذين لا يريدوا ان تشتعل النار بينهم وبين تلك العائلة بينما

يتابعهم حمدان وهو يضحك بسخريه فهو يعلم جيدا انهم لم يجدوا غير ج*ثه هامده وهذا ما يشفي غليله

منهم ولا يهمه شيء أخر حتي لو ابادوا كل عائلته ما يهمه الأن أنه اخذ ثأر ابنه و اراحه بقبره لذلك استسلم لكلام ابنه وهو ينتظر لحظه انكسارهم عندما يعلموا موتها

قلب أدهم والرجال المنزل لم يعثروا لها علي أثر

خرج الجميع بإحباط شديد فهذا كان اخر أمل لهم في عودتها

********
في اليوم التالي
اكتشف ابراهيم حركه غريبه بالمنزل نزل بسرعه حتي يعرف ماذا يحدث

وجد رجال أغراب هتف بتعجب

مين دول يا أبوي واللي مقعدهم و سطينا وإحنا معانا حريم

ما لكش صالح ده بيتي و أجيب فيه ال أنا رايده مش كفايه اللي عملته امبارح وخليت احفاد المنشاوي يدهسوا

حرمة بيوتنا وأنت واجف كيف النطع شوفت كيف الرجال اللي مش بتسيب حجها ولا بيهمها مين ما يكون

والله أنا بحسد المنشاوي علي خلفته الزينه كلهم رجال كيف الأسود مش خلفتي العار حتي ما قدرت تجبلي

حفيد واد يعوض خيبتي فيك

نكس ابراهيم رأسه وهو يهتف عندك حق يا أبويا علشان كده أنا اخذ مراتي وبنتي وأمشي قبل ما نار الغضب تطولهم