ساكن الضريح بقلم ميادة مأمون ج٦

الفصل السابع والثلاثون ❈-❈-❈ اليوم هو يوم زيارة الطبيب، أو بمعنى أصح العريس المتطفل. وقفت شذى بداخل غرفة طهي الطعام بأمر من خالتها تصنع بعض الحلوى وتساعدها في إعداد الطعام. جلست الحاجة مجيدة بجانب شقيقتها يتحدثون وهم ينظفون بعض الخضروات. -عايزكي بقى النهاردة تبقى واردة مفتحه كده الراجل جاي مخصوص عشان يشوفك ويقعد معاكي، رؤية شرعيه يعني يا بت. غمزت ماجدة لأبنتها الواجمة بطرف عينها و اومئت لأختها -حاضر يا مجيدة بس انا مش فاهمه يعني هو مستعجل على ايه، مش قولنا يصبر لحد ما افك الجبس. -يا بت ما مالك قالك ان الزيارة دي للتعارف و بس و الله لو حصل قبول، كان بها ماحصلش خلاص عادي ولا كأن حاجه حصلت. و عندها تركت شذى ما بيدها و جلست بجانبهم مرتسمة على وجهها علامات الغضب. لتردف خالتها : -وانتي مالك انتي كمان يا آخرة صبري، سيبتي اللي في ايدك وقعدتي يعني. كورت شذى كفها تحت وجنتها وتنهدت -مالك مسافر بكره للمؤتمر، و مش راضي ياخدني معاه. هذه المره تحدثت والدتها -طب ومش راضي ياخدك ليه هو مش قال ان المؤتمر في اسوان، بصراحه انا شايفها فرصة انكم تقربو من بعض اكتر، و تغيرو جو المشاكل و المشاحنات ده بقي. -بس هو بيقول انه هيبقى مشغول جداً، ومش هيبقى فايق لتغير جو وانه يفسحني و كده يعني. -و انتي رديتي عليه قولتي له ايه. -مارديتش انا سكت بس بصراحه مش عايزاه يسافر و يسبني وعايزه اروح معاه. -طلاما بيقولك انه هيبقى مشغول يبقى بلاش تزني عليه، و تزعليه منك تاني يا بنت اختي. -طيب -الله رايحة على فين يا شذى. -خلاص انا خلصت اللي انتو طلبتوه مني هاروح احضر نفسي انا كمان قبل الدكتور وضيفه ما يجو. ❈-❈-❈ وفي تمام السادسه مساء حضر مالك ومعه الدكتور عبد الرحمن. جلسو الرجال سوياً مع إلقاء التحية الترحيب من الشيخ حسان عليه.... -يا الف مرحب بيك يا دكتور دا انت نورتنا النهارده. -الله يخليك يا حج متشكر اوي. هتف مالك بمرح -اول مره اشوف واحد جاي يتقدم لعروسه و هو حاطط رجلها في الجبس. ضحك الرجال على مزحته و اردف الدكتور عبد الرحمن. -و الله دا شئ يشرفني اني اناسب ناس زيكم يا شيخ حسان. - الشرف لينا احنا، بس بردو حضرتك حقك تقعد و تتكلم مع ام شذى زي ما انت عايز، و هي كمان لو عندها حاجة عايزة تقولها يبقى حضرتك تسمعها براحتك. -روح يا مالك هات خالتك و تعالي. ذهب إليهم حتى تستند عليه و يأخذها لتجلس مع ذلك العريس، نبهتها ابنتها بنظرة من عيناها، فاشدت على يدها برفق. -ماجدة هامسة لأبنتها -ماتخفيش انا داخلة دلوقتي اطفشه. -انتو بتتهامسو وبتقولو ايه. كانت هذه كلمة مالك الواقف منتبه لهمسهم. امالت شذى رأسها للجهه الاخري وابتسمت له -هاه احنا لا ابداً مش بنقول حاجه. ربتت ماجدة على يده لتحثه على الذهاب بها إليهم. -يلا يا مالك هو احنا هانقعد نتكلم هنا، ونسيب الراجل قاعد برة. -مستعجله قوي يا اختي، طب يا ست ماجدة اتفضلي اسندي عليا ويلا بينا. ❈-❈-❈ ولجو سوياً عليهم واجلسها على الاريكة في مقابل ذلك الطبيب. و بعد أن تبادلوا السلام بينهم، استأذن مالك و والده و تركوهم يجلسون سوياً. ظلت ناظرة للأسفل وقد طغى عليها حيائها، تلك التي كانت تنتوي توبيخه و طرده من حياتها الذي يريد أن يقتحمها دون ارادتها. كانت تبحث عن الكلمات أسفل قدميها، وكأن القطه ابتلعت لسانها. -ازيك يا مدام ماجدة. خرج همسها كفتاه عشرينية يغلب عليها خجلها. -الحمد لله ازيك انت يا دكتور. ابتسم على خجلها واردف. -انا كويس الحمد لله بس بصراحه انا مندهش من خجلك ده، بتحسيسني اننا لسه شباب صغيرين. نظرت اليه شزراً، و هنا تشجعت ورفعت وجهها مزمجرة مما يقوله. -وحضرتك كل ما بتقابل واحدة ست بتحسسها بحسنها، ايه قلة الزوق دي يا دكتور. تفاجئ بردها وتلجلج في كلماته... -أنا ااا اسف انا ماقصدتش كده خالص انا بس كنت... -كنت ايه يا دكتور، انت من قبل ما تتكلم في حاجه احب اقولك ان طلبك مرفوض. -طب استني بس، هو احنا لسه قولنا حاجه عشان ترفضي او توافقي، من فضلك اسمعيني للأخر و بعد كده يبقى ليكي حرية الرأي. -اتفضل قول اللي انت عايزه اما نشوف اخرتها. -بصي يا ست ماجدة انا يمكن اكون في نظرك رجل مراهق بيفكر في اسعاد نفسه بأنانية، لكن الحقيقة بقى غير كده خالص. التمست نبرة الحزن في كلماته، و هتفت.. - هو حضرتك ليه اتغير صوتك و بقي حزين كده. - ابتسامه خفيفه لمحتها على ثغره قبل أن تختفي سريعاً. -لأني ببساطة تعبت في حياتي و عايز ارتاح وبصراحه حسيت اني هلاقي راحتي معاكي انتي. -انا مش فاهمه حاجه ممكن حضرتك توضحلي اكتر. -حاضر هاوضحلك بصي يا ست ماجدة انا راجل عشت تقريباً عمري كله لوحدي بعد ما اخواتي اتجوزو، فضلت مع امي لحد ما قضاء ربنا اذن و سابتني لوحدي، بعدها اتقابلت مع زوجتي الأولى في اليونان، وحصل بينا قبول و حبيتها و اتجوزنا، رجعت معايا هنا و بعد مدة قليلة من جوزانا خلفت ليا ولدين توأم، و بعدها بدئت بينا المشاكل لحد ما الحياة بدئت تبقى مستحيلة ما بينا، خيرتها بين طلاقها مني و انها تسيب الولاد، لكن في يوم رجعت من شغلي، لاقتها اختفت بيهم، عرفت بعد كده انها اخدت الولاد واتحامت في السفارة بتاعتها و سافرت بيهم على بلدها. و بعد كده رجعت ابقى لوحدي تاني لحد دلوقتي، بس بقى من ساعة ما شوفتك وانا حسيت ان هاعوض كل اللي مريت بيه مع انسانه هادية وجميلة ومناسبه ليا زي حضرتك كده، ساكته ليه عايز اسمع ردك. كانت تسمعه بكل حواسها التمست هذا القلق المسيطر على حياته تنهدت بحزن ثم هتفت. -ارد اقول ايه بس يا دكتور، اقول لحضرتك اني مش ناقصني هم أو حزن، انا عندي مشاكل في حياتي تكفيني اللي باقي من عمري، ومش ناقصة حد يزود همومي. -هههههه لاء يا ستي اطمني انا مش جاي ازود همومك ولا حاجه، انا جاي احط ايدي في ايدك و ندور على السعادة اللي فاضل من عمرنا سوي. -بس حضرتك ماتعرفش حاجة عني. -زي ما حاكتلك كل حاجه عن حياتي، احكيلي انتي كمان. تبدلت حالتها من الرفض الي رضا النفس قليلاً و بدئت تحكي له كل شئ عن حياتها السابقة. ❈-❈-❈ اما بالخارج جلس بجانبها يعبث في هاتفه في صمت وفي مقابلته كانت تجلس والدته، بينما تركهم والدهم وذهب لصلاة المغرب. لتهمس والدته -ربنا يثبت أقدامك يا دكتور، و توافقي يا ماجدة ياختي رب. همست شذى وهي تلوي ثغرها -ربنا ما يسمع منك يا خالتو يا رب. التفت لها زوجها مالك الذي استمع الي همسها جيداً، و همس لها ساخراًِ -سمعتك على فكره نظرت له شزراً تقذفه بسهام ناريه فهي فيها ما يكفيها مما يسببه لها من حزن. -عادي يعني ما تسمعني، هو من امتى وانت بتوافقني الرأي في اي حاجه بقولها. - كويس انك عارفه ان كل اللي بتقوليه دا غلط. قررت أن تتغاضي عن موضوع والدتها لتغير الحديث الي حوار سفره. -على فكره بقى انا مش بتكلم معاك، خليك في تحضير مدوناتك الطبية و سفرك ده. اغلق هاتفه و نظر اليه بطرف عينه مخفضاً صوته. -ممكن تبطلي تلمحي بالكلام ده، لاني مهما تعملي بردو مش هتسافري معايا تمام. رمقته بنظرة جانبيه محاولة اخفاء حزنها.. -و مين قالك اني عايزة اسافر معاك ما تسافر يا اخي ولا تقعد الموضوع كله مايهمنيش و هنا تدخلت الحاجة مجيدة ملفته نظرهم.. - بس انت و هي الله يخرب بيتكم انتو مش واخدين بالكم ان في واحد غريب في البيت، اخرسو بقى. همت شذى واقفه لتذهب من أمامهم. -حاضر يا خالتو اديني سكت اهو اقولك انا هاقوم ادخل اقعد في المطبخ احسن لحد الراجل ده ما يمشي بقى. سريعاً ما اختفت من أمامهم، لتهمس له والدته و هو يراقب طيفها. -مش عايز تاخدها معاك ليه؟ التفت الي والدته و اغمض عينيه مستنشقاً نفس طويل. -لو اخدتها معايا هاتتحبس في الفندق، انا الأسبوع ده هبقي مشغول جداً ومش فاضي ليها، مش رايح فسحه يا أمي. -يبقى تعرفها دا وتحاول تاخدها بعد ما ترجع من السفر و تعوضها بقى بفسحة حلوة، يلا مستني ايه قوم ادخلها وقولها كلمه حلوه. كيف يفعل ذلك وهو يعلم جيداً مدى المه منها، رفع رأسه لوالدته و هتف. -سيبك منها دلوقتي يا أمي، وخلينا في دكتور عبدالرحمن اللي طول جوه ده، الراجل ده نسي نفسه ولا ايه، دا بينه ناوي يبات هنا. ضحكه خفيفه بانت على وجهها و همست. يا واد سيبه قاعد يمكن ربنا يهديها، و تديك موافقتها الليلة. هب واقفاً رابتاً على كتفها بمشاكسة: لاء يا ستي انا بقول كفاية عليهم كده، دول قربو يجيبو عيال في الوقت ده كله. -ههههههه خد يا واد استنى يا مالك. لم يلتفت إليها و ولج إليهم من ذلك الباب الزجاجي المفتوح على مصرعيه أمامهم. -انت نورتنا النهاردة يا دكتور. قال كلمته و هو يجلس على المقعد الجانبي لمقعد خالته التي لمح على وجهها الدموع التي تغرق وجنتيها. -خير هو في حاجة ولا ايه. هتف الطبيب بجدية. -لا لاء ابداً مافيش حاجة كل الحكايه اني حكيت للمدام كل حاجة عني، و للأسف ذكرتها بالماضي الأليم بالنسبة ليها، و اللي من وجهة نظري مايهمنيش في اي حاجة. رفعت عيناها لتقابل عيناه الممتلئة بالحب، فأومئت له بالموافقة دون ارادتها. ❈-❈-❈ رحل الطبيب و جلسو سوياً يتسامرون في الحديث، ويعرفون مدى انطباعها عن هذه المقابله، لتقول شقيقتها. الحاجة مجيدة -يعني انتي قدرتي تكوني رائي عنه في المقابلة دي. نظرت ماجده الي ابنتها المتحديه لها وقالت - ماقدرش اقول اني كونت رأيى بالسرعه دي، بس اقدر اقول اني حاسة براحه و متقبلة للمقابلة دي. شذي بتحدي وصوت مرتفع -يعني ايه يا ماما يعني هتوافقي و تتجوزي الراجل ده انتي مش قولتي انك هاترفضيه. توارت عينيها عن النظر لابنتها و همست بخجل -مش مهم موافقتي من رفضي انا دلوقتي ، المهم رأيه هو يا شذى. وقفت من مخضعها مندهشة مما القته والدتها في جعبتها، ما الذي حدث لها في هذه المقابلة، و لماذا تبدل رأيها من النقيض الي نقيض اخر بهذه السرعة، لن تحظى بأي اجابه ترضيها الان، لذا فضلت الهروب من أمامهم جميعاً متجهه الي بيتها. لتهم والدتها بالنداء عليها حتى ترجعها. -شذى استني انتِ رايحة على فين لوحدك كده. أسرعت في خطاها هاتفه: مروحه اظن مافيهاش حاجه دي. جرت من أمامهم تحت نظرات هذا المستشاط غيظاً منها، ليتتبع اثرها ملقي عليهم السلام. -طب يلا اسلم عليكم انا كمان عشان بكره هسافر بدري، و الحق اروح اسلم على ابويا في المسجد. اومؤو اََليه جميعاً بالسلام و تبادل القبلات معهم، مستمع الي إرشادات والدته جيداً. -تخلي بالك من نفسك، و تدفي روحك كويس، و تلبس فالنتين عكس بعض عشان تحمي نفسك من البرد. ابتسم لها وامسك جبينها بين راحتي يده ليقبل رأسها بكل حب. -حاضر يا ست الكل انتي تأمري، يلا السلام عليكم. اردفوا اليه -و عليكم السلام. ❈-❈-❈ لحق بها قبل أن تبرح ساحة الشارع الرئيسيه، و إذا به يقبض على راحة يدها بتملك. شهقت من الخضة، و حاولت جذب يدها من قبضته فزجرها بنظرة جامدة الجمتها لتصمت. و حين وصلو الي بيتهم فتح الباب و زجها للداخل بدفعه قوية من يده. كادت ان تسقط على وجهها لذا اندفعت فيه صارخة. -اه حاسب هتوقعني على وشي. القى بمفتاحه على الطاوله، و بدء في تعنيفها كالعادة. -لما تبقى قاعدة في اي مكان و معاكي جوزك يا هانم يا محترمه، اوعي تقومي من مكانك وتحاولي تمشي و ماتعمليش ليه اي اعتبار كده. -لا و الله يعني كنت عايزني اقعد و يتحرق دمى لحد ما حضرتك تتكرم و تتعطف عليا و تقوم مش كده. -تمام هو كده، و الله يا شذى لو عرفت انك عملتي اي مشاكل، و انا مش هنا لهتشوفي عقابك بجد لما ارجع من السفر. -هاتعمل ايه يعني انت اصلاً مش قولت انك هتسافر لوحدك خلاص بقى مالكش دعوه بيا - يا سلام اومال ليا دعوه بمين انا، اولاً لازم تحترمي غيابي زي وجودي بالظبط، وحسك عينك اعرف انك عملتي مشكلة مع والدتي او والدتك. رفعت وشاح وجهها بعنف و جلست على الاريكة مكوره يديها أسفل وجنتها و اردفت بهدوء حزين. -اطمن انا مش هاخرج من البيت اصلاً. مد خطاه و جلس بجانبها، مريحاً رأسه على حافة الاريكة من خلفه. -و مين قالك اصلاً اني هاسيبك تقعدي هنا لوحدك، انتي هاتحضري نفسك و الصبح قبل ما امشي هاوديكي البيت التاني، و هاتقعدي هناك لحد ما ارجع. -لأ معلش بقى انا اسفه مش هانفذ و لا كلمة من اللي انت قولتها دي، انا مش هاسيب بيتي و اروح اقعد عندهم، و ترجع تقولي اتخانقتي و عملتي مشاكل ليه. و هو انتي يعني ماينفعش تقعدي من غير مشاكل يا شذى، حرام عليكي بقى انا مابقتش طايق خناقك كل شويه، و صوتك العالي ده رمقته بنظرة طويله صامته و هبت واقفه، و بخطوات سريعة اتجهت لتصعد الي الأعلى، و هي تصيح. اديك هاترتاح مني اسبوع بحاله، افرح بقى و ريح دماغك بعيد عني. التوي ثغره و هم بالوقوف هو الاخر، لكن ليرحل عن البيت بأكمله. ❈-❈-❈ و كأن خطاه تأخذه الي مكانه المعهود، حضر الي الضريح ليودع صديقه و رفيق دربه مثلما عُهد على ذلك، صلى فرده و جلس بجانبه يقرء في كتاب الله العزيز، و ينتظر والده الي ان يفرغ من صلاته، و يتحدث مع صاحبه هامساً. -مابقتش قادر من كتر المشاكل معاها يا حُسين، تعبت من جنانها ده، هي عارفه و واثقه اني بحبها، بس شقاوتها و صوتها العالي دول هما سبب المشاكل بينا، ربنا يهديها ليا. شعر بيدٍ تربت على كتفه، لتطمئنه بأنه بجانبه فالتفت لصاحبها مبتسماً. -حرماً يا ابويا. -جمعاً يا حبيبي ان شاء الله بتكلم نفسك و لا بتسلم على صاحبك كالعادة يا دكتور. -ان جيت للحق الاتنين يا حج، قولت اجي اقعد هنا و اصلي ركعتين لله، و اسلم عليك لاني هاسافر بكره بدري. - تروح و ترجع لينا بالسلامه يا حبيبي، بس انت ماعملتش اللي قولت عليه يعني. رفع عينه له ليحاول فهم ما يدور برأسه. -تقصد ايه يا حج؟ -قصدي انك جيتني و انت حزين و قعدت تقولي انك هطلقها وتخليها تحت عينك بعد كده عشان تبقى مطمن عليها، بحكم انها بنت خالتك وعشان مالهمش سند، و قولت ماشي بس اللي انا شايفه، انك ماعملتش حاجة من دي. احنى رأسه صامت أمام ابيه، ليندهش و يهتف بضجر. -ارفع راسك يا مالك، انا ماتعودتش اشوفك مكسور كده يا بني. جحظت عينه و سريعاً ما رد علي ابيه. لاء يا ابويا انا مافيش حاجه كسراني، و شذي زي الفل، انا بس كل الحكاية..... -بتقول كلام مش مفهوم وعمال تتلجلج ليه يا دكتور. -عشان بحبها يا ابويا، ايوا حبيتها حبيت فيها برائتها و طفولتها حتى جنانها، بقيت بخاف عليها زي ما تكون بنتي مش بس مراتي يا ابويا. فاجئه برده القاطع لينفض يده برجفه عن كتفه وينظر اليه لبرهة ليست بقصيرة. عم السكون بينهم و كل منهم مندهش على حاله، ليعيد والده الحديث محاولاً جذبه من متاهته التي ادخل نفسه بها. - بص يا مالك انا مش هاقولك انك غلطان في اختيارك، بس هاقولك ان الحب عمره ما كان ضعف يا بني الحب طول عمره بيقوي صاحبه، اهم حاجة انه يكون للي يستهاله. وهنا رفع رأسه ليجيب ابيه سريعاً في الرد. -صدقني يا ابويا، شذى هي اللي تستاهل قلبي و انا واثق انها بتحبني قد ما بحبها ويمكن اكتر كمان، و أن كان على تهورها و صوتها العالي فسنها الصغير و اللي شافته من عيلة ابوها يشفعو ليها يا حاج. ابتسم الشيخ حسان ساخراً و همس له و هو يربت على قدمه. -وبقيت تدور ليها على أعذار كمان يا شيخ مالك على العموم ما تكملش دي حياتك وانت حر فيها، انا المهم عندي و اللي اتمناه في حياتي أن اشوفك مبسوط و متهني في عيشتك يا بني و قبل اي حاجه انك تكون محافظ على تفوقك في مركزك و شغلك يا دكتور. رد اليه الابتسامه و انحني على يده ليقبلها قائلاً... ربنا يخليك ليا يا حج و مايحرمنيش من دعواتك ابداً -هههههههه طب يا سيدي ربنا يريح بالك و يرضى عنك و يرزقك بالذرية الصالحة اللي تملي عليا انا و امك البيت. ضحك مالك لوالده و تملكته السعادة أثر تلك الدعوة التي اراحت باله بعض الشئ. ❈-❈-❈ عاد الي بيته و على وجهه ابتسامة الرضا، لقد أراح كلام والده ذهنه بعض الشئ، على الاقل قلل من غضبه وقلقه الذي كان يخشى ان يتفاقم للأسوأ بينه وبين زوجته، و عليه الان ان يريح ذهنها هي تجاه والده. كان الهدوء يعم البيت، على ما يبدو أنها لم تترجل الي الاسفل من وقت خروجه منه، صعد الدرجات بروية و هو كله يقين بأن لا يحزنها هذه الليلة، علي الاقل حتى لا يذهب و يتركها حزينة. فتح باب غرفة نومهم المظلمة بالكامل، اتجه الي زر المصباح الموضوع بجانب الفراش وانار ضوءه الخافت حتى لا يزعجها، لكنه تفاجئ بعدم وجودها فيه، ارتعب قلبه عليها و انتفض في مكانه، هماً بالذهاب للخارج مفتشاً عنها بجميع الغرف وهو يناديها. شذي انتي فين ردي عليا روحتي فين يا شذيييييي. كانت ممدده بحوض الاستحمام تنعم بحمام دافئ يريح اعصابها من كل هذا الارق الذي قد ملئ رأسها، و على ما يبدو أنها من كثرة الراحة الذهنية التي تحصلت عليها، قد غفيت و لازمها النوم. لتنتفض جاحظة العينين أثر سماع صياحته المدوية كاقذائف تنزل فوق رأسها، غير مبشرة بأي خير. هبت واقفه من الحوض نافضة لقطرات المياة التي تسترسل على جسدها الناعم العاري تماماً والمرتجف أيضاً من تلك الرهبه التي تملكتها، و لا تعرف السبب... وقفت مسهمه وسط المياه لاتقوى على التحرك وكأن قدميها متيبسه في ارضٍ جامدة، فقط عينها جاحظة نحو الباب الذي يرتج أثر دقه عليه ومقبضه الذي يهتز صعوداً وهبوطاً، وهي تسمع صياحه المندفع من الخارج بأسمها. -شذى انتي جوه.. افتحي الباب ده قافله على نفسك ليه، بقولك ردي عليا لأكسر الباب يا شذيييييي خرج صوتها أخيراً بنبرة متحشرجه مرتجفه أثر صراخه عليها. -حاضر حاضر تنفس الصعداء و هو يقف بالخارج عندما سمع صوتها حاول أن يسيطير على قلقه واخفض صوته عندما التمس خوفها. -انتي قافله على نفسك ليه افتحي الباب و اخرجي من عندك. لفت جسدها داخل هذا الشرشف الكبير وعضت على شفتها السفلى بخجل، ان خرجت هكذا الان سيظن انها تفعل ذلك عمداً لتغويه إليها، وقفت خلف الباب الموصود لا تدري ماذا تفعل الان، تلك الطائشة لا تتعلم ابداً من أخطائها، ماذا سيظن بها و يقول عليها و هي على حالتها هذه، خرج صوتها مرتجفاً خائفاً وتسمرت مكانها تضع اذناها على الباب وهي تهتف كفأر مذعور... -اطلع بره الاوضه الاول. -انتي عايزة تجنيني اخرجي بقولك من عندك. هكذا جائها رده القوي مصطحباً بركله من قدمه، لتزيد من رجفتها بالداخل. -بطل زعيق يا مالك انت بتخوفني ليه انا كويسه مافيش حاجه فيا. أخيراً ما هدئت روعونته، وضع جبينه على الباب هامساً لها ساخراً منها في ذات الوقت. -بتخوفني ليه! اخرجي طمنيني عليكي. -طب لو سمحت اخرج من الاوضه انا انا...... علم انها خجله منه، طبعاً و كيف يسهو عن تلك العادة السيئة التي قد بدء يعتاد عليها هو الاخر. فقرر ان يشاكسها بمرح. -انتي ايه كنتي بتاخدي شاور ونسيتي لبسك كالعادة مش كده. تنهدت بقلة حيله نافخه زفيرها بضجر، لقد علم بفعلتها وقضي الأمر. -ايوة ارتحت ، يلا اخرج من الاوضه بقى عشان البس. -طب ماتخرجي عادي يعني انا جوزك مش حد غريب. ضمت حاجبيها بغضب، وعزمت على أن لا تنوله ما يفطن في باله، اذا كان هو يزعجها فهي ستطير النوم من رأسه هذه الليله. -مش هاخرج و انت موجود في الاوضه اطلع بره بقى الجو برد وانا عايزه البس. تصنمت منصته خلف الباب الخشبي، تستمع الي صوته و حين لم يأتيها الرد فتحت الباب بروية لتتأكد من عدم وجوده، مشطت الغرفه بأكملها لتجده، و عندما لاحظت خلوها ترجلت من المرحاض تتغنج منتصره وهي تهمس. ال اخرج وانا كده وانت موجود ال دا بعينك، عشان تبقى تسافر لوحدك كويس. و بلحظه وجدت قدمها لا تلمس الأرض وهي محموله بين يديه ليصيح بانتصار عليها. دا بعينك انتي يا قلبي اني اسيبك النهارده، طب وحياة خوفي عليكي ما هاسيبك يا شذى. الفصل الثامن والثلاثون ❈-❈-❈ انه اليوم الخامس له بعيداَ عنها، تعودت في غيابه ان تستيقظ على رنة هاتفه، و تنام بعد أن يغلق معاها. لكن في هذا اليوم قد ارقها النوم و لم تنعم بالراحة بعد أن هاتفها ليلاً، فهى في الآونة الاخيرة مزاجها كان متقلب، واليوم تشعر بالغثيان دون أن يلمس الطعام فمها. و تريد الا تبرح فراشها ثانية واحدة، نائمة معظم الوقت يتملكها الوهن و لا تعرف السبب. لتلج عليها خالتها مرتابة من رقدتها المستميتة هذه. -بت يا شذى ما تقومي يا بت احنا بقينا الضحى، قومي فوقي كده الا هو جوزك اتصل بيكي ولا لسه. فتحت عينها نصف فاتحه ليغلب عليها النعاس مره اخرى. -التليفون كان بيرن بس انا مش عارفه هو و لا مش هو يا خالتو. -يخيبك يعني التلفون رن وانتي ماردتيش يا خايبة، يوه انتي مالك يا بت مفستكه كده. رفعت رأسها محاوله الاعتدال ليتغلب عليها الوهن و ترقد مره اخرى. -مش عارفه يا خالتو انا تعبانه من امبارح باليل، و معدتي بتوجعني، و حاسه اني عايزة انام قوي. شهقت الحاجة مجيدة بفرحة غريبة، و ازعنت انها تعرف السبب. -هاه لا تكوني حامل يا شذى. اتكأت على نفسها محاولة الاعتدال بريبة مندهشة هامسة -حامل!!! معقول بسرعة كده. - يا الف نهار ابيض، يا الف نهار مبروك، أما اقوم افرح الشيخ حسان و ماجده، وانتِ خليكي نايمة يا حبيبتي وانا هاطلع ليكي الاكل لحد عندك. تفاجئت بفرحتها السريعه و حاولت إيقافها. -استنى بس يا خالتو حامل ايه عرفتي منين اصلاً. كما لو كانت فتاة بسن العشرين، تسارعت خطواتها البطيئة و السعادة ترافقها هاتفه لها -مش مصدقاني يا بت و لا ايه، دا باين علي وشك زي الشمس يا عين خالتك، و على العموم هابعت اجبلك اختبار حمل ونتأكد و تفرحينا كلنا. اوقفتها سريعاً قبل أن تختفي من امامها هاتفة. -خالتو استنى من فضلك، اوعي تعملي حاجه من دي. وقفت خالتها على الباب ملامه عليها.. -ليه يا شذى يا بت سيبيني افرحهم و اقولهم خلينا نفرح و كفاينا نكد و مشاكل بقى. -معلش ياخالتو استنى لما اروح اعمل تحليل عند الدكتور و نتأكد الاول. عادت إليها و ربتت على كتفها مطمئنه لها. -عين العقل يا حبيبتي و أهو لما تتأكدي تبلغي جوزك و تفرحيه ❈-❈-❈ ترجلت على الدرج مستندة على دربزينه، لتلحق بخالتها يبدو على وجهها الوهن و الوجوم، و عندما رأتها والدتها تسائلت. -الله مالك يا شذى وشك اصفر كده ليه يا حبيبتي. حاولت التماسك و جلست بجانبها مهدئة لها، مافيش يا ماما انا كويسة يا حبيبتي ماتخفيش عليا. - كويسة ازاي بس دانتي شكلك باين عليه التعب خالص. نظرت الي خالتها لتتدخل و تنقذ الموقف، فاتفهمت عليها و اردفت ضاحكة. -بيانها واخده برد يا ماجدة ماتخفيش انا هاخدها و نروح للدكتور نكشف عليها وبالمره اكشف انا كمان على رجلي اخر النهار. اومئت لها و هي تربت على ذراع ابنتها الجالسة بجواره ومريحة رأسها المستكينة على كتفها. -كده طيب زي بعضه الله دا تليفونك بيرن في ايدك يا شذي، ردي ياحبيبتي لا يكون جوزك. نظرت الي الهاتف بيدها لتجده هو بالفعل زوجها فهمست بتعب. -ايوه هو خدي ردي عليه يا خالتو. -لاء ردي انتي لو حد فينا رد عليه بدالك هيقلق عليكي خصوصاً انه بيتصل من بدري وانتي مش بترضي عليه. اومئت لها و اعتدلت جالسه مبتعدة عنهم قليلاً لتفتح الهاتف و تجيب الاتصال. ❈-❈-❈ -الو -الو يا شذى انتي مابترديش علي تليفونك ليه قلقتيني عليكي. -مافيش حاجة انا بس كنت نايمة يا مالك. -مش عادتك يعني مانتي كل يوم بتكوني نايمه واول ما برن عليكي بتصحي انتي فيكي ايه طمنيني. -صدقني يا حبيبي انا كويسة و مافيش حاجه. -شذى اوعي يكون في حاجة حصلت وانتي مخبية عليا امي و ابويا كويسين طب انتِ حد زعلك و لا اتخانقتي مع حد تاني. -ابداً و الله يا مالك انا مش اتخنقت مع حد و خالتو و عمو حسان كويسين جداً. و على ذكر اسمه وجدته يدلف من الباب الرئيسي للمنزل، و هو يهتف بأسمها مبتسماً. -مالك ده اللي بتكلميه يا شذى! تفاجئت بأبتسامته و طريقته المرحه معها فبادلته اياها مجيبة عليه. -ايوة يا عمو هو. -طب هاتي اما اكلمه احسن دا وحشني اوي. أعطته الهاتف و هي مزهوله من طريقته معها، ليبدء الحديث مع ابنه بمحبه. -الو ايوة يا مالك ازيك يا حبيبي، عملت ايه في المؤتمر طمني. ابتسم على لهجة ابيه الذي أظهر له خوفه عليه و محبته الخالصة له. -اطمن يا حاج و ماتقلقش عليا ابنك هايشرفك و هايرفع راسك دايماً. -انا متأكد من ده يا حبيبي ربنا يوقفلك ولاد الحلال دايماً يا بني و ينجيك للصالح. -طب طمني على شذى يا ابويا، انتو زعلتو تاني مع بعض و لا ايه. التفت اليها ضامماً حاجبيه، ثم اردف له بهمس. - ابداً بالعكس يا بني دا من ساعة ما اتكلمت انا و انت وانا اعتبرتها بنتي تماماً، و صفيت قلبي من ناحيتها هي قالتلك حاجة و لا ايه؟ سريعاً ما نفي سؤاله واردف مجيباً عليه. -لا لا أبداً انا بس قلقان عليها اكمن يعني صوتها مش عاجبني وحاسس ان فيها حاجه مش طبيعية. تمعن النظر فيها ليلاحظ وهنها و اشارة زوجته له بألا يبلغه بشئ. -هاه ابداً ابداً يا مالك هي قاعدة قصاد عيني اهو زي البدر ومفيهاش اي حاجه، هي بس تلاقيها بتدلع عليك عشان وحشتها مش كده يا شذى. للمرة الثانية يفاجئها بمرحه معها فأجابته مكتفية بأيمائة من رأسها. ليستمع الي ابنه الذي كان ينهي معه المكالمه و هو يجلس في مقابلها. -كده طب مع السلامه دلوقتي يا ابويا وهبقي اكلمكم تاني. -طيب يا حبيبي مع الف سلامه. ❈-❈-❈ ظل جالساً امامها ينظر إليها تارة ويلتفت إليهم تارة أخرى محاولاً التعرف على ما يدور بينهم. -الله مالكم يا جماعة فيه ايه و شذي مالها وشها اصفر كده. تحدثت ماجدة مؤيداه الرأي مجيبة. شوفتي يا مجيده حتى الشيخ حسان لاحظ وشها ازاي. تنهدت مجيدة محاولة أخبارهم بما تشعر به فرمقتها الاخري بتحذير. -خلاص خلاص انا كنت هاقول بس اني هاخدك للدكتور اكشف عليكي و هو يطمنا. التفت الشيخ حسان إليها ببلاهه منزعجاً مما تقوله. -دكتور ليه يا بنتي بعد الشر، انتي حاسه بحاجة يا شذى. -أه يا عمو شوية ضعف كده وخالتو قالت نروح للدكتور احسن. -طب و تروحي مع خالتك ليه هو انا مش في مقام ابوكي يا شذى، سيبي خالتك قاعدة مع والدتك، و انا معاكي اهو اروح انا و انتِ ما طرح مانتي عايزة، يلا يلا اطلعي اجهزي وانا هاخدك يا بنتي و نروح سوي. لو كان اي احد جاء في يوم و قال لها أن هذا الشيخ سيبتسم في وجهها يوماً ما لكانت لقبته بالمعتوه. لكنها الآن التي تستمع اليه بأذنيها، لتمتلكها فرحة عارمه و تقف تبادله الابتسامه مجيبة عليه و تناديه كما يناديه زوجها. -حاضر يا ابويا انا هاطلع البس النقاب بتاعي و اروح معاك للدكتور. و في طريقهم الي المشفى برغم ارهاقها إلا انها كانت سعيدة لكن كان السؤال يلح عليها فحاولت ان تسطرد الحديث معه بهدوء. -عمو حسان. التفت إليها ضامماً حاجبيه ببسمة رقيقة. -الله مش نادتيني بأبويا في البيت غيرتي رأيك تاني ليه بقي. احنت رأسها بحزن وحاولت ان تفهمه ما بها و تفهم ما بداخله ايضاً -بصراحه يا عمو انا كنت عايزة اعرف انت ليه طريقتك اتغيرت معايا. -هاقولك يا شذى، عارفة لما تكوني دايما حاسه ان ابنك مكسور و مافيش حاجة تفرحه، حتى لما اتجوز برضو كان غصب عنه أي نعم امه كانت حاسة ان ده الصالح ليه بس برضو ماكنش لازم يبقى بالطريقة دي، و انا بصراحة كنت شايفك عاكسه بكل حاجه، مش شبهه هو هادي اوي و انتي شقية اوي، هو بيدور علي تقدمه في العلم و العمل، و انتي يعني يا بنتي ماتأخذنيش عيلتك و القضية و موت ابوكي بالطريقة دي. و فوق دا كله انكم دايماً في مشاكل مع بعض، لحد ماجالي قبل مايسافر المسجد، واتأكدت من حبه ليكي، و حبك انتي كمان ليه، ساعتها بس عرفت انك انتي اللي هاتسعديه و تريحي باله يا شذي. اومئت له برأسها وابتسمت من تحت نقابها، هادئة مطمئنة وأخيراً بدئت الحياة تبتسم لها. ❈-❈-❈ خرجت من عند الطبيبة وجلست بجانبه في هدوء ليتسائل هو. -ها يا شذى طمنيني يا بنتي. -لسه يا عمو الدكتورة سحبت مني عينة دم، وقالتلي استنى نتيجة التحليل. -تحليل اي دا يا شذى هي شاكة في حاجة يعني. -استنى بس يا عمو، شوية و هنعرف كل حاجه. -ما هو لو الدكتور مالك ابني هنا كان زمانه سحب ليكي هو العينة و بعت عملك التحليل و انتي في البيت، دا مش بعيد كمان كان عرف انتي فيكي ايه من غير تحليل اصلا. ضحكت من قلبها مندهشه على حب هذا الرجل وتفاخره بأبنه، فالتفت لها مصتنعاً الازعاج. -بتضحكي على ايه؟ -ها ابداً يا عمو، اصل انا بحب اسمع مدحك في مالك اوي، بحس انك بتحبه اكتر من روحك. -طبعاً يا بنتي دا مالك ده هو كل دنيتي ويا سلام بقى لو شدتي حيلك كده و جبتلنا نونو صغير كده شبه، هيبقى عندي اغلى من مالك زات نفسه كمان. و هنا ترجلت لهم الممرضة و معها نتيجة التحليل، لتردف بسعاده لها. -الف مبروك. التفت إليها بعدم فهم ليسألها قبل أن تذهب. -مبروك على ايه يا بنتي. -بنتك حامل يا حاج ربنا يكمل ليها على خير و يقومها ليك بالسلامه. انتفض الرجل العجوز فرحاً يخرج من جيبه بعض الاموال و يعطيها لها دليلاً عن مدى سعادته هاتفاً. -بجد الله يخليكي يا وش السعد يا وش الخير انتي، خدي يا بنتي هاتي لأولادك حاجه حلوه وفرحيهم النهاردة، شوفتي يا شذى كرم ربنا استجاب لندائي ازاي. ادمعت عينيها فرحاً على سعادته واردفت هامسه. -شوفت يا بابا شوفت. ❈-❈-❈ امسي البيت كله في سعادة، مهنئين أنفسهم، قبل أن يهنؤها هي. سيأتي إليهم حفيد يكون مصدر الحياة في هذا البيت حتى والدتها التي كانت في حالة شد وجذب معها، هدئت بينهم الأوضاع وسعدت بها كثيراً. و ها هي الان تجلس منتظرة اتصاله، ليرن الهاتف و تجيبه هادئة. -الو يا حبيبي. -صوتك بيضحك دلوقتي شكلك بقيتي احسن من الصبح. -اه الحمد لله يا مالك. -طب مش هتقوليلي بقى كان فيكي ايه الصبح. -هاقولك طبعاً انا حامل يا مالك -ايه. تفاجئت برده المبهم عليها، و الذي زاد من توجسها حين يعلم بهذا الخبر، فرددت سريعاً. -ايه يا مالك شكلو الخبر ده زعلك. بالفعل ما توجسته كان حقيقي، حين أجاب ردها بطريقة باردة التعبير بعد صمتٍ طال لدقائق. -لاء ابداً بس انا ماكنتش مستعد لخبر زي ده دلوقتي، يعني ماكنش في حساباتي. بطريقة لا إرادية، انسابت عبراتها على وجنتيها، ولا تعلم أن كان هذا من هرمونات الحمل ام من برودة كلماته. -اسفه اني لخبط ليك حساباتك، و ضايقتك بخبر زي ده، عن اذنك انا هاقفل التليفون. -استنى يا شذى ماتقفليش انا ماقولتش كده. -انت قولت اللي في قلبك يا دكتور، يمكن عشان بتفكر دايماً انك ماتكملش ارتباط بيا، و فاكر اني بكده بتمسك بيك اكتر. تعصب عليها من كلماتها اللازعه و هاجمها مبرراً. -ممكن ماتفكريش بدالي و لا تقولي كلام على لساني، و تسمعيني. -مش عايزة اسمع منك كلام تاني كفاية عليا اللي انت قولته، و اه كنت هنسي قبل ما اقفل اشكرك علي كلمة مبروك اللي حتى مافكرتش تقولها مع السلامه يا دكتور. -استني يا شذى ماتقفليش الموبايل، الو، الو، الو.... اغلقت الهاتف دون أن تستمع مبرراته، وجلست على فراشها تبكي وحدها. ❈-❈-❈ تحملت ألم قدمها و ثقل هذا الجبس الموضوع حولها، و صعدت الدرج متكأه على الدربزين الخشبي بيد، و باليد الاخري ممسكة بكأس في يديها، قاصدة غرفة ابنتها. -جبتلك بقى كوباية عصير فراولة بالبن اللي انتِ بتحبيها، الله مالك يا شذى بتعيطي ليه يا حبيبتي. حاولت تجفيف دموعها الغزيرة قبل أن تلاحظها والدتها لكن بعد فوات الأوان. -تعالي يا ماما، تعبتي نفسك ليه بس، و طلعتي السلم لوحدك، ماندتيش عليا ليه بس. ارتابت ماجده فيها، وضعت الكأس من يدها على الكومود الملتصق بالفراش و جلست بجانبها. -انادي عليكي! قوليلي انتي فيكي ايه يا بنتي طمنيني عليكي بتعيطي ليه بس. -مافيش حاجه يا ماما انا كويسة. -كويسة ازاي بس، و انتي دموعك مغرقه وشك كده، قوليلي هو جوزك لسه ماكلمكيش، طب هو كلمك و قالك حاجه زعلتك، طب في ايه يا بنتي بس قوليلي. -كلمني يا ماما اطمني بقى. -كلمك! طب هو قالك حاجه تزعلك. و كأنها ضغطت على جرح مفتوح منذ زمن، لكن ابنتها كانت موارياه عن الجميع، لتهمس وسط شهقاتها. -اه قالي... صرخت و امطرت عيناها بغزاره. -كنت فكراه اول ما يعرف بخبر حملي هايفرح اكتر منكم كلكم، لكن فاجئني بردو. -ليه هو قالك حاجة تضايقك، طب قالك ايه زعلك كده. -ماقالش يا ماما! كل اللي قاله كلمه واحده بس، حامل! و بعدها سكت و لما سألته سكت ليه، قالي اصل الموضوع ده مش في حساباتي دلوقتي. -ايه الكلام ده معقول يقول كده، ماتزعليش يا حبيبتي، انا ليا كلام تاني معاه لما يرجع من السفر، بس برضو عايزكي تفكري كويس مش يمكن يكون في حاجة في شغله مضيقاة. -ماتدوريش ليه على أعذار يا ماما، و هو ليه يتصل بيا و هو مضايق و لا تعبان، كان وفر اتصاله لما يرتاح و بعدها يبقى يكلمني. رفعت ماجدة قدمها لتريحها على الفراش و أمسكت بيد ابنتها تربت عليها، لتفهما أكثر شئ واضح في عقلية الرجال، و مع ذلك لا تعرفه كثيراً من النساء. -بصي يا شذى، هاقولك على حاجة يا حبيبتي كتير من البنات ما يعرفهاش. أي راجل مهما كان سنه كبير أو عقله حكيم، دايماً تلاقي فيه حته كده طفوله مستخبية. لما بيفرح او بيحزن او حتى بتكون عندو حاجه صغيرة بيفكر فيها، تبصي تلاقيه بيجري على أول حد هو بيحبه و بيرتاح معاه و يشكيله و النوع ده زي عمك حسان كده، شوفتي هو متعلق بخالتك مجيدة و بيخاف عليها ازاي. -ايوا يا ماما هو فعلاً بيقعد يحكي و يضحك معاها و بيسمع كلامها كمان، يا ريت ابنه كان زيه كده. -ما هو ابنه بقى من النوع التاني. -نوع تاني يعني ايه يا ماما؟ - اصل الأطفال يا حبيبتي نوعين، نوع تلاقيه دايماً ياخد برأيك و بيسمع كلامك و نوع تلاقيه قيادي، بيحب يمشي رأيه و بيعند في كل حاجه و كمان تلاقيه دايماً كتوم و مش بيحب يبان ضعيف قصاد حد. -تصدقي يا ماما عندك حق، مالك فعلاً كده دايماً بيحب يكون مسيطر و قوي، و ساعات لما كنت بحاول افتح معاه كلام عن أي حاجه تخصه زمان كان بيقفل معايا و يصدني في الكلام. -و عشان كده يا حبيبتي لازم تاخديه بالسياسة، زي ما كنت بتعامل مع ابوكي كده. -لاء يا ماما دا بابا كان صعب اوي، و انتي كنتي بصراحة شخصيتك ضعيفة اوي معاه. -انتي كنتي شايفة ان شخصيتي ضعيفة، طب بزمتك كان بينفذ كلام مين في الاخر. -ههههههه صح يا ماما كنتي بطريقتك بتعرفي تخليه يعمل اللي انتي عايزاه. -شوفتي بطريقتيييي، و بالمسياسة، اهو جوزك بقى عايز الطريقة دي تتبعي معاه اسلوب السياسة يا عبيطة كلمة حاضر بتريح. -يا ماما و دا ايه علاقته بخبر حملي، واحده اول مره تحمل و بتقول الخبر لجوزها لاول مره يقوم يرد عليها بالرد البارد ده، و حضرتك بتقوللي اخدو بالسياسة، ازاي بس يا ماما؟ -زي الناس يا شذى، يا بنتي الوحده بتعرف جوزها زعلان و لا فرحان، من نبرة صوته، يعني جوزك لو صوته جد و بيرد عليكي الكلمه بالعافية، يبقى تصبري لما تعرفي ماله واذا كان عايز يشكيلك او يكلمك بهدوء و العكس برضو يا شذى. انا مش بقولك كده عشان افهمك انه صح في رده لاء هو غلط و ازعلي منه براحتك لكن برضو خدي بالك منه و اتعاملي معاه بهدوء يا حبيبتي. -فهمتك يا ماما، انا هاعرف اتصرف معاه بطريقتي و اعوده على طبعي انا. ❈-❈-❈ طيلة الثلاثة ايام يحاول الاتصال بها، لكنها فضلت عقابه بهذه الطريقة! الإبتعاد هو الحل الوحيد حتى تعرف مدى حبه لها و تقبله لهذا الخبر الذي سيربطهم ببعض للأبد. و اليوم قد عاد الطبيب إليهم، بعد اسبوع عمل متواصل و قد حقق نجاح في هذا المؤتمر كما كان يتمنى. أوقف السيارة في ساحة البيت، و ترجل منها متلهفاً لرؤيتها و الاعتذار منها قبل أي أحد منهم. فتح الباب و ولج عليهم و هم جالسون بالداخل. و كانت والدته اول من رأته لتنتفض فارحة تهتف بأسمه. -مالك ابني حمدلله على السلامه يا حبيبي... كانت عينيه تتلفت يمين و يسار عليها و اذا به يسأل عنها متلهفاً. -الله يسلمك يا ماما، فين شذي؟ لتصيح والدتها بضجر. -بتسأل عليها ليه بعد ما زعلتها يا مالك. استدارت شقيقتها بريبة، لتفهم معنى كلماتها. -زعلها ازاي هو انت زعلتها يا مالك وانت مسافر. حاول كبت احتقان و زمجرته ملقياً عليها السلام. -الله يا سلمك يا ماجدة، مش هي دي برضو حمد الله على السلامة اللي بتقوليها ليا. -طب و عايزني اقولهالك ازاي، و انت مزعل بنتي. لتهتف والدتها صاخبة. -ما تفهموني يا ولاد في ايه، زعلتها امتى يا واد، و ازاي تزعلها و هي في اول حملها كده. ليصيح هو فيهم. ممكن تقولولي مراتي فين، و تبقو تقعدو تحكو مع بعض براحتكم. اردفت مجيدة و هي تجلس بجانب شقيقتها. اهي عندك فوق نايمة في اوضتكم، اطلع يا اخويا شوف بقى هاتصالحها ازاي. تركهم يجلسون يتسامرون، او كما يقال يقطعو في فروتهم و صعد سريعاً للأعلي. ❈-❈-❈ فتح باب الغرفة المظلمة عنوة و دلف بداخلها. ترك حقيبته من يده، شلح جاكته و حل كارفاته من حول عنقه، و جلس بجانب تلك الذاهبه في ملكوتٍ اخر، لا تشعر بأي شئ، فقط مستسلمة لهذا النعاس الذي بدي يلازمها من اول حملها. وسط نومها الهادئ شعرت بشئ يأرقها، حيث ظلت تمسح على وجنتها هذا الشئ الذي يمشي عليها بنعومه خفيفه. فتحت عيناها سريعاً منتفضة بقلق عندما ظل ذلك الشئ يقلقها، لتتضح امامها الرؤيا كاملة أثر هذا الضوء الخافت القادم من المصباح الجانبي. و سريعاً ما التفتت للجهه الاخري وهي تجهش بالبكاء حين رائته. ليجذبها هو رغماً عنها على قدمه، محتضنها بيد و باليد الاخري يقدم لها تلك الوردة التي كان يداعبها بها ليعبر عن اسفه. -انا اسف يا قلبي، والله ما كنت اقصد ازعلك انا بس كنت مضغوط جداً من شغلي، و الخبر جالي نجدة عشان يفرحني و ينتشلني من تعبي بس خاني التعبير ليكي يا حبيبتي. حاولت زجه و الابتعاد عنه، والتملص من بين يده الا انه ابي و تمسك بها اكثر، وبدئت تصرخ وسط شهقاتها. -ابعد عني ملكش دعوه بيا مش عايزك تفرح و لا حتى تزعل. بدء يسيطر عليها بتقبيل وجنتها و امتصاص دموعها بشفاه. -اشششش مكن تهدي عشان ماتتعبيش، كل اللي انتي عايزة تقوليه قوليه و انتي في حضني ماتحوليش تبعدي عني، عشان انتي وحشاني اووووى. بالله كيف تقول لها والدتها ان تتعامل معه و كأن جزء من عقله يكمن بداخله تفكير طفل، و هي عقلها بالكامل عقل طفله ذات الخمسة اعوام. -اوعي بقى سيبني، مش عايزة اوحشك و لا عايزاك تيجي جانبي و لا حتى تلمسني. -يا سلام يا ختي، ابعد عنك ايه حرام عليكي يا شيخة دانا كنت بعد الثواني من ساعة ما ركبت الطيارة لحد ما دخلت هنا بس عشان اشوف وشك الجميل ده و المس شافايفك الحمره دي. بدأت تلين و تلقى رأسها على صدره تغرق قميصه بدموعها. -لاءه اوعي سيبني، انت ماحولتش تفرحني، و انا اللي كنت مستعجله اقولك عشان اسمع كلامك الحلو ليا، ماكنتش متوقعه ابداً منك انك تصدني بالكلام كده. ضمها اكثر اليه بحنان، و بدء يربت على ظهرها بكل رقه. -و حياتك انتي عندي، دا احلى خبر سمعته في حياتي، انتي متخيله لما تقوليلي اني هبقي اب دي سهله عندي، انا ساعتها ماكنتش مستوعب الخبر، للحظة فكرت شذى بتقولي انها حامل معنى كده اني هبقي اب بس انتي مادتنيش الفرصه اني اشرحلك شعوري يا شذي. دفنت وجهها بالكامل في طيات عنقه، تحاول كتم شهقاتها، و تلومه بدموعها. -انا خلاص مابقتش مستحمله اي حاجه تزعلني من فضلك بقى كفايه حزن و وجع فيا. -حقك عليا يا روحي والله ماكنت اقصد ازعلك، بالعكس دانا نفسي اجبلك حته من السما اخبيكي فيها لحد ما تقومي ليا بالسلامة انتي و البيبي. الفصل التاسع والثلاثون ❈-❈-❈ رائحة عطره التي تعشقها، هي نفسها الان التي تشعرها بالدوار و تجعلها مشمئزه منه الي درجة الغثيان. بحركة انفعالية زجته وانتفضت مبتعدة من علي قدمه اذا بها تضع يدها على ثغرها، لتجري الي الخارج قاصدة المرحاض بأقصى سرعة. غابت بداخله بعض الدقائق، و ترجلت منه لتجده يقف أمام الباب يظهر على وجه علامات القلق و التوتر و من خلفه والدته و والدتها. كاد ان يقترب منها و هو يهمس لها. -سلامتك يا روحي بقيتي كويسة دلوقتي. لتدفعه بعيداً عنها مختبئه بين يدي خالتها و هي تصيح بأنزعاج. -ابعد عني إياك تيجي نحيتي انا مش طايقة اشم ريحتك و لا ريحة البريفيوم بتاعك. صُعق من هزاينها هذا، تلك التي كانت تعشق عطره النفاذ، الان لا تتحمل ان تشتم رائحته. اراح ظهره على الجدار من خلفه ضارباً يده بالآخري منتظراً ان ينتهو الاخيرات من وصلة ضحكهم تلك، لتردف والدته بضحك. -ههههههههه احسن تصدق فرحانه فيك يا رب يا بت يا شذى تطلعي شهور الوحم كلها عليه. ضم حاجبيه منزعجاً من كلام والدته واذا به يصرح. -معنى كلامك بقى اني افضل بعيد عنها طول مدة التلات شهور الأولى مش كده، طب ايه يا شذى تحبي اسافر تاني عشان ترتاحي مني. التفتت له بجديه و تكلمت بصيغة الامر. -و هو انت لازم تسافر يعني، ما ممكن تبطل تحط برفيوم او الأحسن انك تروح شغلك و تيجي تبات في بيتك. -دانتي مش طيقاني بجد بقى، حاضر يا اميرة شذى انتي تأمري، بس ما انا ممكن ابطل احط برفيوم خالص و اخد شاور كمان، اصلي بصراحة مش هاقدر ابعد عنك تاني و عايز اخدك لدكتورة عشان اتابعك واطمن عليكي. خبئت ابتسامتها في صدر خالتها، لا تنكر ان كلامه أسعدها جداً و أراح زهنها، لتضغط والدتها على راحة يدها. -خلاص بقى يا شذى اهو هايعملك اللي انتي عايزاه اهو، انا بقول تسامحيه بقى و تخليه يبات هنا. ليهتف مالك سريعاً. لاء يا ماجدة احنا هنروح بيتنا صح يا شذى. هذه المرة تحدثت والدته بغضب. -لاء يا عين... عايز تروح بيتك روح لوحدك، شذى مش هاتخرج من هنا الا و هي رايحة تولد بأذن الله. رفض مالك هذا الحديث صائحاً. -كلام ايه دا بس يا أمي، ممكن تسيبونا على حريتنا و ماتدخلوش في حياتنا. لترفض والدته حديثه بغضب. حياتك وحريتك انت حر فيهم يا عين... لكن حياة بنت اختي و حفيدي دول مسؤوليتي انا، الكلام اللي قولته هو اللي هيمشي، و لو عايز تروح روح لوحدك يا روح.... تعالي يا بت. اسندتها و صعدو أمام عينه، و وقف هو يتابعهم متنهداً، لتضع ماجدة يدها على كتفه تحثه ان تستند هي عليه ليجلسو سوياً على الاريكة الخشبية. -تعالي يا مالك اما نقعد انا و انت. -ايه يا خالتي انتي كمان عندك حاجة تقوليها لسه. -اه طبعاً عندي حاجات اقولها، اولها انك اكيد مش هاتخد اجازة من شغلك تسع شهور و تقعد جنب شذى، تاني حاجة انك مش هتعرف تاخد بالك منها و من أكلها و تغذيتها تالت حاجه بقى يا حبيبي انك مش هتقدر تستحمل هرمونات الحمل و ما ادراك ما هي. تأفف مالك نافياً - لاء يا ستي هاستحمل كل اللي انتي بتقولي عليه ده و بعدين ماتحسسينيش ان بنتك هي الست الوحيدة اللي حامل في العالم كله يعني، ما بنات كتير زيها كده و قاعدين في بيتهم عادي. ماجدة محاولة افهامه. -كل ده يا حبيبي مفهوم بس صدقني بيبقو تعبانين و مضغطوين، و احنا ليه طلاما في ايدينا نريحها اول تلات شهور بس مانريحاهش مراتك حملها جايلها بالنوم يا مالك و بدئت في الغثيان كمان و شويه وهتبص تلاقيها بتدوخ، افرض بقى حصلها كل ده و انت مش موجود من اللي هيلحقها. أراد مالك الا يركز في هذا الكلام حتى لا يرتعب عليها أكثر. -انتي بتقولي الكلام ده عشان تخوفيني بس، و انا بصراحه بقى مش حابب تدخلك انتي و امي في حياتنا كده، يا ستي اعتبرونا قاعدين بعيد عنكم و لا اخدها و نرجع الشقة التانية بقى. -لاء ابداً طبعاً ماحبش يا مالك، ويا سيدي ماتزعلش نفسك انا و امك مش هندخل في حاجة تاني، بس مش انت كنت ناوي تقعد هنا التلات شهور الحرم ، اعتبر نفسك بقى لسه ماخلصتش البيت و قاعدين هنا. تنهد بقلة حيلة مستسلم لهذا الخيار الذي طرحته و وقف من مخضعه قاصداً باب المنزل بخطوه سريعه. لتضم هي حاجبيها بعدم فهم و تهتف له. -انت سايبني بكلمك و رايح فين. التفت إليها غاضباً و هتف. -رايح اتخلص من ريحتي اللي مابقتش عاجبه بنتك عشان اعرف انام هنا، و لا انتو عايزنها هي لوحدها و مش عايزني معاها كمان. ما زالت لا تفهم معنى كلماته الغامضه هذه. -تتخلص من ريحتك! يعني ايه يا واد انت. ليصيح فيها بوجوم. -هاروح البيت اخد شاور يا ماجدة عندك مانع انتي كمان من حاجة. انتفضت في جلستها مرتدة للخلف أثر صياحه. -لاء يا مالك مع السلامة يا حبيبي. ترجل من المنزل صافعاً الباب خلفه، و وقف متنهداً مستغفراً ربه على ما تفعله به جنيته الصغيره. ليسدل هاتفه من جيب بنطاله ليتصل عليها منتظراً حتى تجيبه، و إذا بها تجيب عليه اخيراً. -ألو السلام عليكم يا حبيبتي. ليتفاجئ بالرد الذي زاد من استغفره. -هههههه و عليكم السلام و الرحمة يا روح.... و اذا به يهتف في والدته صاخباً -حتى التليفون بتدخلو فيه، من فضلك يا أمي أنا عايز اكلم مراتي على حريتي لو سمحتي اديها التليفون وسيبها لوحدها شويه. جحظت عين والدته أثر صراخه عليها و هتفت. -ينيلك واد، خد يا خويا المحروسه بتاعتك اها بس لو نامت و هي بتكلمك متبقاش تزعل. ليسمعها و هي تناديها قبل أن تترك الهاتف. -بت يا شذى اتعدلي يا بت كلمي حبيب القلب و اوعي تنامي يا بت. و أخيراً ما استمع الي صوتها. ❈-❈-❈ -الو يا مالك. -انتي نمتي تاني يا حبيبتي. -لاء يا مالك انا صاحيه اهو. -طب عاملة ايه دلوقتي طمنيني عليكي. -انا كويسة الحمد لله، انت بتتصل ليه بالتليفون هو انت خرجت تاني؟ حاول أن يلعب بأعصابها ليفهم اذا كانت تريده ام هي منزعجة من وجوده معها. -اه خرجت انا مروح بيتنا يا شذى. - كده يا مالك يعني هاتسبني تاني. قالتها متلهفه بسرعه لتجعل قلبه يرقص بين اضلعه ليتحرك سريعاً باتجاه بيتهم، قبل أن يخفق و يعود اليها. -اعملك ايه مش انتي اللي مش طايقة ريحتي، هاروح اتخلص منها عشان اعرف اضمك من غير ماتبعديني عنك بقى. زفرت أنفاسها براحه، أثر تصريحه، همست له بنعومه تجبر الحديد ان يلين. -اه طب ماتتأخرش عليا لو سمحت بقى، عشان انا عايزة احط راسي على رجلك، و تقرا ليا قرأن. فتح باب البيت بمفتاحه و ولج منه، ليهمس لها بحب. -عيوني يا روحي، قوليلي محتاجة حاجة من هنا اجبها ليكي. لتردف سريعاً مغيرة مود الحب و الهفة الي مود الشهية المفتوحة. -ايوه بقولك ايه في كيس مكسرات وكاجو كبير انت كنت جايبه ليا عندك، انا عايزاه لو سمحت و كمان عايزة رنجة و معلش ممكن تشتري ليا موز من عند الفكهاني و انت جاي. ليتأفف من هذا المود المتقلب المسمى بالوحم و يهمس ساخراً. -و أرفانه من ريحتي يا شذى. لتصرخ فيه منزعجة. -قصدك ايه، خلاص مش عايزة منك حاجة. ضحك من قلبه على تقلبها ليردف لها. -انا مش قصدي حاجة يا روحي، دانا عيوني ليكي كل اللي تطلبيه أوامر بالنسبة ليا و هاجبلك كل اللي انتي عايزاه. تسلملي يا حبيبي، ماتتأخرش عليا بقى. -حاضر يا ستي اقفلي بقى عشان اجيلك بسرعة. اغلق معها بعد السلام راضياً كل الرضا بهذه الكلمات الرقيقة التي اراحت قلبه، ذهب سريعاً الي المرحاض. ❈-❈-❈ هل يعقل ان ينسى صاحبه، و الا يشكر ربه على هذه الهدية التي وهبه اياها. لا و الله لن تحدث له في يوم حتى يفعلها الان. ليترجل من بيته مرتدياً جلبابه و عبائته الصوفية مطوية على كتفه، متجهاً نحو ضريح الحسين. صلى فرضه و ركعات لا حصر لها شكراً لربه، و جلس بجوار الضريح يهمس لصاحبه. -ياه يا حُسين، انا فرحان جداً، لاء مش بس فرحان انا هاطير من فرحتي، أخيراً حسيت اني مطمن و بالي مرتاح، و انها عمرها ما هتحاول تبعد عني تاني، مش كده و بس دي كمان هاتجبلي طفل منها، روح تانية هاتربطنا ببعض و تخلينا عمرنا مانفكر نسيب بعض مهما حصل، انا حاسس اني كل مدى بحبها اكتر ربنا يخليها ليا و يحفظها هي و اللي في بطنها يا رب. ❈-❈-❈ احضر لها ما تريد و بعثه الي البيت مع طفل من أطفال الحي، و ظل يبحث عن ابيه فهو لم يراه من وقت حضوره حتى الآن. كان يظن انه سيجده في الضريح لكنه خاب ظنه، ثم ذهب إلى التكية ليبحث عنه هناك، وأيضاً خاب ظنه، و حين التم عليه بعض الرجال اضطر ان يقف معهم ليلقي منهم الترحيب و يرد عليهم بمثله بكل محبه و لباقة في الحديث. حتى ظهر والده امامه ممسكاً بحقيبة ورقية مغلقه يحملها على ذراعه. و بعد أن احتضن والده ملقياً عليه السلام بدء يسأل عما بيده. -وحشتني اوي يا حاج و الله. -يلا يا بكاش بقى انا برضو اللي وحشتك، على العموم هاعديها ليك دي بس قولي انت جيت امتى. -من بدري بس انت اللي كنت مختفي، دانا لفيت عليك الحي كله و انت اللي كنت مختفي، انت كنت فين صحيح. فتح تلك الحقيبة بيده مخرجاً منها بعض الحلوى مردفاً بلمعه عينه و الفرحه تشع منها. -شكلك ناسي النهاردة ايه في الأيام يا دكتور انا كنت بزور السيدة زينب رضي الله عنها، و كمان يا سيدي كنت بجيب شوية طلبات طلبها مني اعز انسان على قلبي دلوقتي. اومئ له يظن انه مستفهماً َعني حديثه. -اعز انسان على قلبك تبقى امي، خير يا ابويا امي طلبت ايه منك و رحت المشوار ده عشانها. ليهتف والده بمرح ضاحكاً. - امك مين يا دكتور، صحيح هيا كانت أغلى حاجه عندي، بس جايلي بقى بعد كام شهر اللي أغلى منك و منها، حفيدي المنتظر، اللي لو طلب عيوني هقدمها ليه عن طيب خاطر. فرح جداً بكلام والده و هذا معناه انه لا يحمل لزوجته اي ضغينه في صدره، ليسأله بهدوء. -طب و يا تري حفيدك بقى طلب منك ايه روحت تجيبه يا ابويا. ليمد له يده بما يحتويه الكيس قائلاً - شذى طلبت مني حلاوة المولد و حب العزيز ورحت جبتهم ليها. ❈-❈-❈ عاد إليها حبيبها، و عادت لها الطمئنينة و راحة البال، رأسها مستكينة على فخذه، هادئة مستمتعة وحدها بصوته العذب و هو يتمتم لها بقراءة سورة مريم كاملة. كأنها نائمة على بساط من الحرير طائر بها وسط السحاب ترى على يمينها انهار وعلى يسارها حدائق ممتلئة بالاشجار و الازهار الجميلة. كل هذا وهو يربت علي جسدها بيده، يسترسل قراءة ايات الله الحكيم، يشعر بحلمها بتغير علامات وجهها، بسعادتها و تقربها منه ليصدق على آياته، و يحملها بين يديه متجهاً بها نحو الفراش. ❈-❈-❈ و في وقت الضحى استيقظ الطبيب قبلها و تحضر ليذهب الي عمله، تاركها هي غارقه في نومها الهادئ. اتجه نحو الدرج قاصداً الهبوط، ليضم حاجبيه بريبة و هو يرى خالته جالسة على أول الدرج، منحنية على نفسها، تفعل شئ غريب. -بتعملي ايا عندك يا ماجدة. انتفضت بشهقة ناظرة للأعلي و هي تصرخ. -ايه يا واد انت ده خضتني الناس تقول صباح الخير مش بتعملي ايه. -هههههههه طب يا ستي صباح الخير ها بتعملي ايه بقى، ايه اللي في ايدك ده سكينة؟ -اه سكينة بقطع بيها الجبس اللي زهقني ده. قذف الدرجات سريعاً، و جلس بجانبها محاولاً جذبها من يدها ليردها عن ما تفعله. -تقطعيه ليه بس يا جبارة انتي، هو انتي مش قادرة تصبري لما رجلك تخف و بعدها اخدك تفكيه في المستشفى، و الدكتور عبد الرحمن يفوكهولك بنفسه. على ذكر اسمه انفزعت صارخة، تنفي ما يقوله. -لاء مش هاروح في حته، و مش عايزة الراجل ده اصلاً يكلمني تاني، انا اصلاً حاسة اني بقيت كويسة يا سيدي و خفيت خلاص. ليردف هو بجدية -نعم يا ختي هو الراجل دا مش في حكم خطيبك وجيه و اتكلم معاكي و كنتي راضية، ممكن تفهميني بقى ايه اللي جد. و على ارتفاع صوتهم ظهرت امامه والدته قادمة من غرفة الطهي. كما طلت عليهم حبيبته المنزعجة من صياحهم و صاحت مرتعبه. -هو في ايه انتو بتتخانقو. التفت إليها تاركاً يد والدتها ثم التفت الي والدته التي بدورها تنبأت ما يفعلونه. -يا لهوي بت يا ماجدة سيبي السكينة من ايدك يا بت، انتي بتنتحري و لا ايه امسكها كويس يا واد يا مالك. كانت طريقتها في سرد الاشاعة مقنعة، فزعت الجميع ومن ضمنهم شذى التي صرخت و هي تجري نحو الاسفل. ماما اوعي تعملي كده انا ماقدرش اعيش من غيرك يا ماما. وقف سريعاً يحلق عليها، و كأنها فرخ صغير. -بس اهدي انتي الله يرضى عليكي مامتك مش بتعمل حاجة. -اوعي سيبني انا عايزة امي. ظلت ماجدة جاحظه عيناها و قد تشنج جسدها و شُل لسانها أمام هذا المشهد الدرامي. تتابع فقط حركاتهم السريعة من حولها، شقيقتها تنحني عليها تجذب السلاح من يدها، و ابن اختها يقف يُحلق على ابنتها حتى يحول بينهم. لتردف قائلة بتذكر. -انا عرفت مين اللي قتل محمد جوزي، ايوة انا افتكرت، افتكرت يا بت يا شذى. صمت تام عم المكان، و تيبس الجميع بأماكنهم. ❈-❈-❈ جلس الجميع حولها على الارائك الخشبية منتبهين الي ما تقوله، الا هو كان متحفذاً لما تقوله و يريد أن لا تفصح به. بل لا يريد التحدث بهذا الموضوع مره اخرى كان يظن انه قد تخلص منه ومن ذكراه السيئة، لتنبش هي في الماضي مره اخرى. تأهبت هي و كأنها تعود بكل حواسها للماضي، و تهمس و هي ناظرة للأمام. فاكرة يا شذى ليلة الحادثة قبل ما الظابط يجي و ياخدنا لما اخدوني من الشارع و انا بصرخ و شايفة ابوكي مرمى غرقان في دمه، انتي كنتي ساعاتها لسه مافوقتيش كويس. و انا كنت عامله زي اللي ضاربنها على رأسها، و ساحبنها في ايديهم، ماشية معاهم، شايفة كل حاجة بس عقلي واقف و مش قادر يشوف او يسجل اي حاجه من اللي بتحصل كانت على وشك التحدث، لكن مالك كان له رأي آخر، حين لاحظ تشنج جسد زوجته التي بدئت تبكي. -ارجوكي يا ماجدة ماتفتحيش الموضوع ده تاني احنا ما صدقنا اننا نخلص منه و نقفله بقي. بحركة واجمة لا إرادية استدار وجهها فقط له. -بس ده معناه ان ممكن انسان بريء يتعدم من غير سبب. شهقت شذى مما تقوله. -بس اشرف مش ممكن يكون برئ يا ماما، كل اللي حصل ده اصلاً بسبه هو. -متخليش كرهك ليه يخليكي ماتسمعيش لكلمة الحق يا شذى. لتتحدث الحاجة مجيدة و كأنها تشاهد مسلسل درامي و تتابع أحداثه بحماس. -استنى بس يا بت شذى، ماتطعيهاش يا ماجدة اخلصي بقى و قولي شوفتي ايه. -شوفت السيد اخو محمد الله يرحمه و هو واقف تحت السلم بتاع البيت، ماسك في ايده سكينة غرقانة دم، و بيوطي عشان يشيل البلاط المكسر يا شذى فكراه. -اه يا ماما فاكراه. ليهتف مالك. - و ايه حكاية البلاط المكسر ده كمان. ابتسمت شذى من بين دموعها. -دا ذكري سوده من ذكريات اشرف ابن عمتي -ازاي يعني. -كان لسه عيل في اعدادي و اتعارك مع عيال معاه في المدرسه، ام الواد حَلف زي ماضربه في المدرسة يعلم عليه كمان في قلب منطقته، و جيه بدري في معاد ما العيال بيروحوا المدارس هو عايلين كمان واستخبو تحت السلم بتاعنا يستنى اشرف و هو نازل. ساعتها البيت كله نزل على صوت صريخ و تكسير البلاط، و اتفاجئنا انا العيال كانو جايبين معاهم بلطة كبيرة وكانو ناوين يقتلوه و يدفنوه تحت السلم. -يا نهار اس... دا ايه الاجرام اللي كنتو عايشين فيه ده. شعرت الحاجة مجيدة بالازعاج أثر ذلك التدخل بين الأحداث لتهتف. -يوه بقولكم ايه ماتوهنيش معاكم، انتو مش كنتو بتحكو عن السيد و السكينه اللي بيحطها تحت البلاط. عادت ماجدة الي روايتها السابقة لتستجمع قوتها و تقوم من علي الاريكة متكأة على يد مالك. - ايوة انا شوفته بعنيا دول، استنو دي مراته و اختو كمان شافوه ساعاتها بصو لبعض و رجعو بصولي، و عمتك ام اشرف زقتني قدامها بسرعه عشان اطلع و ماخدش بالي من اللي بيحصل، واللي طلع عليها ساعتها لازم تمشو من هنا، انتو مباقش ليكم مكان هنا. -فين السكينه يا مالك انا عايزة افك الجبس ده، لازم اسافر بنفسي واحكي للظابط كل حاجة. و هنا تدخل مالك متذكراً. -استنى بس و اقعدي يا ماجدة، ركزي كده كويس في الكلام، اللي بتقوليه، انتي مش قولتي ليا قبل كده، ان الراجل اللي اسمه السيد ده كان جايب لبنتك الدكتور و كان معاكم فوق و لما الدكتور قاله الحقيقة، نزل يجري عشان يلحق اخوه و لقاه اتقتل ساعتها. -يبقى ازاي بقى هو اللي قتله؟ تذكرت ماجدة بالفعل هذه النقطة، لكنها أكدت على كلامها. -حتي لو مش هو اللي قتله، هو معاه أداة الجريمة يعني عارف القاتل و كاتم الشهادة، و انا لازم اروح واشهد باللي اعرفه و اذا كان اشرف هو اللي عملها وهتكون بصامته على السلاح واذا كان مش هو هايخرج ونعرف مين القاتل. -و أنا مش مستعد اعرضكم للخطر تاني. صاح بها مالك الذي هب واقفاً، أمراً للكل. -الموضوع ده اتقفل خلاص، و مبقاش لينا بيه اي علاقة سواء من بعيد، أو من قريب. تحدته ماجده بنظرتها. -يعني عايزني اضيع حق جوزي، عايزني اكتم الشهادة يا شيخ مالك. وقفت شذى بجوارها، تتحداه هي الاخري هامسه. -هاترجع في كلامك و لا ايه يا شيخ مالك مش انت اللي قولت ان حرام نبقى عارفين كلمة حق و نخاف نقولها. رمقها بنظرة لا تعلم اذا كانت واجمة ام خائفة، ليبتعد عنهم جالساً على الدرج. -كفاية بقى حرام عليكم انا اعصابي تعبت من كل الاحداث دي، انتو ايه كل ما اقول خلاص الموضوع هدى من ناحيتكم و هبطل اخاف عليكم شوية، ترجعو تقلقوني عليكم ليه بس. -اه قول كده بقى، انك خايف. تحولت نظرته سريعاً الي الغضب و لا شئ إلا هو ليصرخ فيها. -اه يا شذى خايف، ارتاحتي كده، قولي عليا جب.. قولي مش را.. لكن برضو مش هاعرض واحدة فيكم للدخول وسط الناس دول تاني. لتصيح والدته مدافعه عنه هذه المره. لا عاش و لا كان اللي يقول عليك كده، اسمعي كلام جوز بنتك يا ماجدة، و كفاية يا ختي عليكي اللي جري ليكم. جلست ماجدة بأحباط متمسكة بذلك السلاح بيدها لتنحني على قدمها سريعاً. -برضو هافك الجبس. ❈-❈-❈ و كأنهم اصبحو عاتق ملازم له يضطر على حمله فوق اكتافه، لازموه الذهاب إلى عمله، زوجته، والدتها، والدته، هنَ الثلاثة يثرثون داخل السيارة بجواره و لا ينفكون عن النقاش، تلك الجالسه بجواره مازلت تبكي من تحت نقابها و لا يعلم كيف يتعامل معها الان بسب هرمونات الحمل الزائدة هذه. و الأخرى تبكي من خلفه، و تهتف بكلمات عكس التي سمعها منها من قبل، و فجأه تريد أن تلعب دور الطبيب و يخشي ان تكون سببت عاهه بقدمها. و الثالثة تلومه و تزجره بنظرتها و كلماتها اللازعة التي لم تنفك عن اتهامه بالاهمال لهم و ازعاجهم. ليهتف فيهم مزمجراً قبل أن يوقف السيارة، منبهاً عليهم بشده. -بس اسكتو شوية بقى انتو التلاتة. رقَم واحد الأميرة شذي : بطلي عياط يا هانم، انا من ساعة ماخرجنا من البيت لحد دلوقتي مش فاهم انتي عماله تنوحي و تعيطي ليه جوزك مات يا شذى! كادت ان تجيبه نافية بالصراخ و الدعاءعلي نفسها الا انه الجمها بنظرة غاضبه. -انشالله انا يا..... -قولت اخرسي مش عايز اسمع صوتك. رقم اتنين الليدي ماجدة : سبب النكسه كلها و صاحبة الليلة النهاردة ممكن تبطلي انتي كمان عياط لحد ما نفهم عملتي في رجلك ايه. -انا ماعملتش فيها حاجة، قولتلك مش عايزة اجي معاكم، جايبني بالعافية ليه يا اخي. -ليصيح ساخراً: عشان اشوف عورتي رجلك ازاي يا دكتورة و انتي بتفكي الجبس. رقم تلاته الملكة الام : امي حبيبتي نبع الحنان كله، ممكن تحافظي على هيبة ابنك شوية و تديني برستيجي وسط الموظفين اللي تحت ايدي، و تبطلي شيتمه فيا. اومئت له مطيعة أمره. -حاضر يا حبيبي طبعا لازم أعلى قيمتك قدام الناس دانت دكتور قد الدنيا، إنما برضو لازم تفهم اني مش هاعديلك زعيقك في البت و هي حامل و تعبانه كده -اه يا خالتو انا حاسة اني هيغمي عليا. -يا قلب امك جرالك ايه يا شذى، مالك يلا ننزل احسن رجلي كمان بدئت توجعني اوي. -منك لله يا مالك، عملت ايه في البت يا ولاااا. و أخيراً ما الجمهم بصوت جاهور داخل السيارة. -اسكتووووووووو.... ❈-❈-❈ ولج بهم الي مكتبه و لا زالت ثرثرتهم تصدع رأسه، جلس على مقعده وضعاً رأسه بين راحتيه محاولاً كبت غضبه. لتصيح والدته فيه أمره. -هو انت يا ابني جايبنا هنا عشان نقعد في مكتبك، ما تقوم تشوف هاتكشف على مين فيهم الاول. رفع رأسه موافقاً حديثها. -بالنسبة ليا ماعنديش مشكلة، هما بس اي واحدة فيهم تبطل رغي و تتحرك معايا عشان اوديها للدكتور المتخصص. -يلا بينا يا شذى. -لاء لما اطمن على ماما الاول. -طب يلا انتي يا ماجدة. -لاء لما اطمن على بنتي الاول. -حلو اوي كده، تقدري بقى تقوليلي اتصرف معاهم ازاي يا أمي. لتوجه لهم والدته الحديث بأمر. -ما تخلصونا يا اختي انتي و هي بقي، يلا يا مالك هانخرج كلنا سوي و نروح مع ماجدة تفك الجبس و نطمن على رجلها الاول و بعدين نحضر الكشف مع شذى بقى. هكذا قسمت الحاجة مجيدة الأدوار، و ينطاع الجميع لأمرها. ❈-❈-❈ ولج عليه غرفة الكشف ليتفاجئ بهم امامه، وإذا به يصيح مرحباً. -اهلاَ و سهلاَ دا ايه النور ده، مش كنت تبلغني يا دكتور مالك. -معلش بقى يا دكتور عبدالرحمن احنا حبينا نعملها ليك مفاجئه كان يحاول ان يمرح كي لا يلاحظ الاخر تهجم وجهها، لكنه تسأل. -طب انشالله تكون الزيارة دي سعيدة و تكون زيارة خير. -لاء اطمن دي خالتي بس مش متحملة الجبس و عايزة تفكه و بتقول حاسه انها كويسة. -كده طب اتفضلي اشوف رجلك. و كانت تلك هي القشة التي قسمت ظهر البعير لتنطق ماجدة. -ايه تشوف رجلي دي، نقي ألفاظك يا دكتور، يلا يا مالك نمشي ال يشوف رجلي ال. تفاجئ بردها المتهجم هذا، شعر بالحرج و تلجلجت نبرة صوته. -انا اسف ماقصدش حاجة انا قصدي يعني اشوف الجبس، و افكه ليكي. شعر مالك بأحراجه فحاول تحسين الموقف. -طب يلا نبدء احسن مدام ماجدة استعجلت و حاولت تفك الجبس فاعورت نفسها. -يا خبر طب اتفضلوا. جلست امامه على الفراش النقال، و مدت قدمها بخجل امامه، ليخطف هو النظرات السائلة من عيناها. ليفطن مالك مابهم و زج زوجته والدته معه للخارج. طب احنا هنستناكم بره، اتفضلي يا أمي، يلا يا شذى. ترجلت والدته للخارج، و لكن شذى وقفت تسقط عليهم نظرات نارية تكاد ان تشعلهم هم الاثنان. -يلا يا شذى بقولك اتحركي قدامي. -لاء انا مش هاتحرك من هنا من غير ماما. اكتفي بنظرته الغاضبة التي بادلها اياها، و اخفض صوته ليصل إليها وحدها. -يلا يا شذى احنا هنستناها بره مش هاتروح في حته تانيه. ترجلت معه و تركت والدتها تجلس متحفزة كما هي. ليردف الطبيب متسائلاً. -خير يا مدام ماجدة انا شايفك المره دي مش مبسوطة كده، هو انا صدر مني حاجة زعلتك. شعرت بمدى قسوة كلماتها و احنت رأسها بخجل. -لاء ابداً مافيش حاجة انا بس مضايقة شوية. -طب يا ترى ليا الحق اسأل ايه سبب الضيق ده. -لاء حضرتك مالكش اي حق عندي، و لو حابب تعرف سبب زعلي فهو انت يا دكتور.. كان ردها هذا بمثابة اعتراف بفشل تلك الزيجة، ليرفع حاجبه كالعادة ليستفهم عن السبب. -يا ساتر، طب انا زعلتك في ايه من غير ما اشوفك. -حضرتك انا ماحدش يقدر يزعلني، و احب اقولك ان الموضوع اللي حضرتك بتفكر فيه ده يا ريت تنساه عشان مش هايحصل. -اممممم تمام طب ممكن بردو اعرف السبب. تنهدت بفرح ثم عبث وجهها مره اخرى. -اصل شذى حامل، يعني انا هبقي جده، و هايجلي حفيد كمان كام شهر. ابتسم لها مهنئاً. - ايه ده بجد طب مش كنتي تقولي قبل ما يخرجو، كنت باركت ليهم. -الله يبارك فيك يا سيدي. شكراً انا هابلغهم. -طب هو دا السبب يعني اللي خلاكي رافضة. الفصل الأربعون ❈-❈-❈ حان الان دور معذبته، و اكيد الجميع يعرف سبب تبدل مزاجها هكذا، بالأصل كانت باكية و خائفة، و الحين هي غاضبة و بشدة. على كلٍ لن يختبر صبرها، أو يجعلها تناطحه الحديث في مسقط عمله، سيتغاضي عن أي شئ حتى يطمئن عليها هي و جنينها. ولجو جميعاً قسم النساء والتوليد بعد ان اطمئنو على والدتها التي تنحت عن هذا الحِمل الثقيل الذي كان يعوق حركتها، و شفيت قدامها بحمد الله. ازدادت حالة شذى سوءً، عندما لمحت تلك الحسناء ذات الرداء القصير و الشعر المحرر. الملقبة بالطبيبة سمر. ليتركها بين ايديهم و يذهب إليها متحدثاً معها بهمس. تمركزت عيناها من تحت النقاب عليهما، تكاد ترشقهم بسهام الغيرة القاتلة، حبيبها يقف مع تلك المستهترة يتكلم معها بطلاقه و لا يغضب من تبرجها. لا.. عليها أن ترده إليها و إن كان هذا بالاحتيال فالتفعل ذلك عن طيب خاطر. لتتكأ على يد والدتها متصنعه السقوط. -اه الحقيني يا ماما. انفزعت ماجدة و امسكتها جيداً قبل أن تسقط، و جرت نحوها ايضاً الحاجة مجيدة مساندة لها من الجهه الاخري. -يا لهوي حاسبي يا شذى هاتقعي. ليضم حاجبيه و يقترب منها، يضمها هو اليه. -في ايه حصلك حاجه. بكل تملك افلتت يديها من بين ايديهم والقت بنفسها على صدره. - اه الحقني اانا دايخة وحاسة اني هيغمي عليا. -ماتقلقيش خالص يا حبيبتي، الدوخه دي عادي في اول الحمل اطلعي على السرير عشان اكشف عليكي و اعملك سونار. كانت هذه الطبيبة سمر، التي أتت من خلفهم ألقت كلمتها وتغنجت بخطوتان تسبقها. رفعت هي وجهها له تنذره بعين جامدة قبل اندلاع الحرب. -انا مش هاخلي حد يكشف عليا، لو سمحت يلا نمشي من هنا. نظراً لعدم وجود رجال بالغرفه مد يده و حاول رفع وشاحها و هو يهمس لها مهدئاً لكنها ابت.. -هو احنا جاين لحد هنا عشان تقوليلي مش هكشف، عشان خاطري خليني اطمن عليكي وبعدها هانمشي على طول. -قولتلك لاء انا مش هاخلي حد يلمسني، بالذات الهانم دي. -انتي مالك و مالها دي مجرد دكتوره شاطرة في مجالها، هاتكشف عليكي، و هانمشي على طول. -لاء بردو ماليش دعوة، وإذا كنت مصمم اكشف عليا انت لكن حد تاني لاء. تفهم خجلها و ابعدها عن صدره، ثم اومئ لها. -حاضر يا ستي، يلا اجهزي و اطلعي على السرير، لحد ما تشغل جهاز الاشعة وانا هعملها ليكي بنفسي. تحرك من امامها وجلس أمام هذا الجهاز الملصق بجانب الفراش، و تحدث بجدية مع الطبيبة. -معلش يا دكتورة اسمحيلي انا اعمل ليها الاشعة. -تحت امرك طبعاً يا دكتور اتفضل. تقدمت بجانبه و وقفت منحنية للأمام لتخبره كيف يتعامل مع هذا الجهاز. ليبتعد هو منزعجاً من قربها، الذي كشف له منطقة الصدر بالكامل. جلست الاخري على الفراش في مقابلته و رفعت وشاح وجهها الغاضوب جداً، حتى انها اجبرته للألتفات إليها عندما استمع الي استقاق أسنانها ببعضها. ليلتفت مره اخرى الي والدته التي سحبت تلك العارية للخلف و تسمرت مكانها مزمجرة. -حاسبي كده يا حبيبتي اما نتفرج و نشوف النونه. جوارتها شقيقتها و نظرو هما الاثنان، ليضم لهم حاجبيه فقد حجبو عنها الرؤيا بالكامل، و اردفت له زوجته ساخرة. -يا رب نخلص بقي. تنهد هو بضجر، وشعر انه محاصر بينهم، ملقياً عليها نظرة لائمه اذا انها تعرفه جيداً فلما الغيرة اذاً. ❈-❈-❈ و بعد أن اطمئن عليها و علي صحة جنينها، عاد بهم الي منزل والده و تركهم بحجة الذهاب لتغير ملابسه في بيته. الا انه كان يريد الأنفراد بنفسه، ليجري تلك المكالمه دون التدخل او معرفة اي منهن. -الو مصطفى باشا معايا -أهلاً يا دكتور يا ترى ايه اللي فكرك بيا -في الحقيقة فضولي هو اللي خلاني اتصل بحضرتك و اسأل عن آخر التطورات في القضية، يا ترى في اخبار جديدة؟ -في الحقيقة لاء يا دكتور القضية لسة ماتحكمش فيها و أشرف بياخد تجديد حبس كل خمسة و أربعين يوم على زمتها. -طب و سبب التأجيل في الحكم ايه يا حضرة الظابط؟ -مافيش دليل قاطع يا دكتور، عشان القاضي يحكم عليه، دا كمان ممكن ياخد حكم مخفف و القضية تتحول من قتل عمد الي مشاجرة جماعية نظراً لعدم وجود أداة الجريمة. - بس اداة الجريمة موجودة يا حضرة الظابط. -ازاي انت تعرف حاجه و مخبيها عننا؟ -ماكنتش اعرف اي حاجة غير النهاردة بس، الموضوع اتفتح قصادي بالصدفة و عشان تبقى عارف انا هاقولك على المعلومه اللي عندي لكن لا هاجي، و لا هاجيب اللي قالي المعلومه يتكلم مع حضرتك و يشهد بحاجه تاني. -تمام يا دكتور اتفضل اتكلم انا سامعك. -فتش تحت سلم بيت محمد العسال يا حضرة الظابط. -افتش تحت السلم! طب على ايه و بعدين احنا فتشنا البيت كله و شقة اشرف قلبناها، بس ملقناش حاجة. -فتشت البيت كله اه، لكن ماشلتش البلاط المكسر تحت السلم و شوفت ايه اللي تحته. -و ياترى بقى ايه اللي تحتيه، اوعي تقولي اني هاروح الاقي جثه تانيه مدفونه هناك. -هاتروح تلاقي أداة الجريمة هي المدفونه هناك، و اذا مالقتهاش اسأل عليها سيد العسال. -يا راجل قول كلام غير ده، سيد العسال ده راجل طيب مالوش في حاجة. -سيد العسال هو اللي مخبي السكينه بأيده دافنها تحت البلاط المكسر، و لو مالقوتهاش يبقى هو عارف مكانها. -دا كلام مهم جداً، انت عارف ان كلامك ده هايقلب الأوضاع من اول و جديد في القضية، و التحقيق هايتفتح تاني. -عارف طبعاً بس زي ما قولت لحضرتك، انا مش هاعرض حياة ناسي للخطر تاني. -وايه اللي يثبتلي ان كلامك ده حقيقي. -ماعنديش اي إثبات على صحة كلامي، انا بقول لحضرتك كلام اتحكي قدامي عايز تاخد بيه و تصدقه و تنهي القضية يبقى تمام، مش عايز يبقى ممكن واحد يتحكم عليه ظلم. -يعني حضرتك عارف ان اشرف كده ممكن يطلع من القضية. -انا ماعنديش مشكله مع أشرف ده، انا كل اللي عايزه ان الجاني يتمسك و ياخد عقابه سواء هو او غيره. -كده تمام يا دكتور و اوعدك اني من الليله هاطلع امر بأعادة تفتيش البيت و القبض على سيد العسال. انهي معه تلك المحادثة التليفونية و جلس يفكر قليلاً، هل هو على صواب الان ام لا، على كل حال هو الآن رضى ضميره كل الرضا فهو لم يكتم الشهادة و بنفس الوقت حافظ عليهن ولم يعرض حياتهن المخاطرة. ❈-❈-❈ ولج داخل البيت و هو ينهي مكالمه أخرى، لكنها كانت مع العريس المرفوض. -خلاص يا دكتور عبدالرحمن انا هاشوفها عملت كده ليه و اتكلم معاها بس برضو مش هاقدر اغصب عليها حاجه، وإذا فضلت على موقفها يبقى قدر الله و مشاء فعل .... -تمام يا دكتور في رعاية الله مع الف سلامة. اغلق الهاتف و جلس في مقابلة الثلاثة المزعجين لحياته، كما لقبهم. -السلام على مصدر ازعاجي في الحياة. كان هذا اول حديثه معهم ليتلقي نظرة نارية ثلاثية الأبعاد من وجوههم. لتهتف مصدر عشقه و جنونه اولاً. -طبعاً لازم اكون مصدر إزعاج حضرتك، مانا اصلي مش بلبس القصير ولا العريان عشان أعجب ساعتك. -انا قولت كده - لا قولت و لا ماقولتش اوعي كده انا هاطلع اوضتي. تركته وصعدت الي الأعلى، و لم يتبعها لينظر إليهم مشيراً بسبابته هاتفاً. -رقم واحد. قذفته والدته هي الاخري سهام نارية من عينها و هتفت. -و انا بقى مصدر ازعجاك في ايه يا حيلة. -مافيش واحده تزق الدكتوره اللي هاتكشف على مرات ابنها بالطريقة دي يا امي. -نعم ليه كنت عايزني اسيبها تميل عليك بالطريقه ال... دي يا واد انت. -ماتكبريش في الغلط يا أمي، انتي غلطانه و عارفه كويس ان ابنك بيغض بصره. -كده طب انا غلط وسع بقى كده يا اخويا اما ادخل مطبخي بدل ما تعاقبني على غلطي. رفع اصبع الوسطى و اشار به -رقم اتنين. كورت ماجدة يدها و وضعتها أسفل وجنتها، منتظرة دورها. -ايه يا رقم تلاتة مش هاتبدئي بالهجوم. -لاء يا شيخ مالك انا هاكتفي بالدفاع. -اممممم يعني انتي عارفة انا هاسأل في ايه. -اه عارفه هتقولي رفضتي دكتور عبد الرحمن ليه؟ -طب يا ريت بقى تجاوبيني على سؤالي اللي انتي قولتيه. -هاقولك زي ما قولتله بالظبط عشان حاجة بسيطة اوي، انا هابقي جدة. -ده مش مبرر على فكره يا ماجدة. -و هو انا محتاجة مبرر عشان أرفض او أوافق يا مالك دي حاجة من حقي. -طبعاً حقك ماقولناش حاجة، بس يعني اظن انك كنت موافقة قبل كده و ده مش سبب مقنع عشان ترفضي دكتور محترم في مركز الدكتور عبد الرحمن. -ازاي بس تبقى بنتي حامل و على وش ولادة وانا بتجوز. -وايه المشكلة في كده انا مش فاهم هو لو كان جوزك الله يرحمه عايش مش كنتي برضو هتبقى متجوزة و بنتك على وش ولادة. اومئت له برأسها محاولة الرد عليه بالدفاع عن نفسها. -ايوه يا مالك كان ده هيبقى وضع طبيعي لاني زوجه بالأساس و ام وعادي جداً لما ابقى جدة، لكن اجي بعد ما بنتي تولد و يبقي ليا حفيد اروح اتجوز، الناس تقول ايه. -اولاً ملناش دعوه بالناس، احنا طول عمرنا في حالنا و ماحدش يعرف حاجه عننا. -ثانياً انتي لا بتعملي حاجه غلط، ولا بتغضبي ربنا. -ثالثاً لو زعلانه انك هاتجوزي بعد بنتك ما تولد نقدم الجواز يا ستي و نخليه قبل الولادة. -ازاي بس و انا ارمله ولسه فاضلي شهر على عدتي ما تخلص. -و هي بنتك هتولد بعد شهر، دي لسه حامل في شهر و نص. -اصل يعني يا مالك، مانا مش هالحق اجهز نفسي. -ههههههه قولي كده بقى، سبع شهور يا جبارة مش هاتلحقي تجهزي فيهم. -طب خلاص بقى اللى تشوفه يا مالك. -ايووووا تعوكو الدنيا و ترجعو تقولو اللي تشوفو يا مالك. -يوه ما خلاص بقى انت هاتقعد تقول و تعيد، انا قولتلك على اللي عندي لو مش عايز خلاص. -لاء عايز يا خالتي خلاص يا ختي المهم حد منهم اخد خبر بالكلام ده. -لاء ماقولتش ليهم حاجه اومال هي شذى متغاظة وزعلانه مني ليه. -ان كان على شذى، سيبك منها هي اصلاً زعلانه من الكل بس انا هاعرف اظبطها كويس، و كويس انك ماقولتيش لأمي كمان والا بقى كانت نيمت البيت كله على حرب الليلة. ❈-❈-❈ اشفق على صحن المكسرات هذا من تلك الأسنان القاسية، التي تدغدغ ما به و تكسره كاماكينة البوشار التي تطقطقه على الجمر الذي يشع من عينها، كل هذا يحدث امام نظره، و هو يقف موصود الايدي، ساخراً من وجومها الطفولي الظاهر على وجنتيها. -هاتفضلي زعلانة كده كتير. انتفضت من علي فراشها مقتربة منه، عيناها متمركزه على عينه، و اصابعها ممتدة الي قميصه لتنبش صدره بأظافرها و تصرخ في وجهه. -مالكش دعوه بيا يا سي مالك، خليك في الست الدكتورة بتاعتك. امسك معصميها بجمود، و ضغط عليهم بقوة ليامرها بلهجته الصارمه. -شذى خدي بالك انتي كده بتسيئي الظن و ده اثم عظيم، و الاحسن انك تستغفري ربك. قسوة يده اخرجت من فاهها صرخه ألم مدوية. -ااااه سيب ايدي هتكسرها، هو فين الإثم ده هو انت ماشوفتهاش يعني و هي... -شذيييييى، قولتلك استغفري ربك، انتي عارفة كويس اوي ان جوزك بيغض بصره عن أي واحده تانية غيرك انتي. -نبرة صوته العالية، و تصريحة القوي اجبرها على تبديل حالتها من الثائرة الي حالة الثبات التام. وقفت كتمثال من الشمع، عيناها سابله، فاهها منفرج، يديها ثابته على صدره، ليقترب منها اكثر و يضمها الي صدره، يوزع على وجنتيها و وجهها قبل رقيقة. -سكتي يعني ماكملتيش خناق و خربشة فيا، عمرك ماهتتغيري ابداً، هتفضلي لسانك ده غلاط علطول، و ظالمة و اول واحد بتيجي عليه و تظلميه هو انا. قبل أن يكمل اتهامته الصادقة جداً لها حاول تركها، لتفتعل البكاء و تتشبث به اكثر و تلقي بنفسها على صدره ملتفة ذراعيها حول عنقه لاتتعلق به. -ازاي تقول كده، و انا كل اللي انا فيه ده، بس عشان بحبك. -انتي أنانية و مش بتفكري غير في نفسك و بس. -لو بتسمي حبي ليك أنانية يبقى انا اكتر واحده أنانية في العالم كله، و اذا كنت فاكر ان غيرتي عليك هي تفكير في نفسي يبقى و ايه يعني ما هو انت نفسي و كل حاجه ليا و انا مش عايزة افكر في حاجة تانية غيرك. -كدابة اوي... قالها مبتسماً ساخراً و هو يحملها و يجلس بها علي الفراش. تصنعت هي الغضب و ابتعدت عنه معطياه ظهرها. -انا كدابه، شوف مين فينا الظالم و اللي بيسئ الظن دلوقتي. حملها مره اخرى و ضمها اليه، مجبرها على النظر الى عينه. -انتي احلى كدابة يا شذى. -حرام عليك يا مالك انا عملت ليك ايه بس، عشان تقول عليا كده، دانا بقعد استناك بالساعات لحد ما ترجع ليا من شغلك بس عشان افضل ابصلك و البيبي يطلع شبهك. -هههههههه حرام عليكي يا شيخة افرضي طلعت بنت تظلميها ليه بس. -اظلمها ليه طب دي حتي هتبقى جميلة و مسمسمة زيك. ربت على كتفها هامساً في اذناها بكل حب. -و اذا كان حبيبي مش شايف غيري انا بس عايز حد غيري يفضل مشاركني فيه ليه بقى. -حد غيرك مين، انت هتغير من البيبي من دلوقتي و لا ايه. -انا مش بتكلم على البيبي خالص يا قلبي. -اومال بتتكلم على مين، انا مش فاهمة حاجه. -بتكلم عن ماما يا شذى، اللي انتي مصممة تخليها تشاركنا حياتنا و ميبقاش ليها حياة منفصلة. فهمت مقصده وجلست في مقابلته مغيرة ملامح وجهها الي الوجوم. -اه هو دا بقى الموضوع اللي بتجرجرني في الكلام ليه. اومئ لها برأسه متقبلاً منها اي غضب. -بالظبط هو دا الموضوع، بزمتك انتي مزهقتيش من تدخلهم في حياتنا، طب مامتك مش صعبانة عليكي في وحدتها دي، انا و انتي لينا حياتنا، و امي و ابويا مع بعض، هي بقي ليه تسيبيها تكمل حياتها لوحدها، مع انها لسه حلوه و مش كبيرة في السن، و جالها اللي موافق انه يكمل حياته معاها، يبقى ليه احنا نجني عليها و نجبرها تعيش بقيت حياتها وحيدة. لم تقاطعه فقط استمعت لكل كلمة قالها، و بعد أن صمت همست و هي تلتفت بعيداً عنه. -بكره لما اولد مش هتبقى لوحدها، و البيبي هايشغل حياتها. -اه هاتخليها داده لابنك يعني. ضمت حاجبيها بغضب و صاحت. -ايه اللي انت بتقوله ده انا عمري افكر في مامتي كده، بس دا هيبقى ابن بنتها و هي بنفسها اللي هاتحبه و تخلى بالها منه، من غير ما حد يطلب منها ده. -انتي زعلتي مني ليه لما قولت عليكي أنانية. غضبت اكثر لكنها تحلت بالصبر، واكتفت بتحذيره مزمجرة. -مالك!! -بتكلم جد يا شذى، انتي مش شايفة انك كده تبقى أنانية، يعني بعد الست عاشت حياتها كلها عشانك و تعبت في تربيتك وتعليمك، عايزها دلوقتي تعيد ده كله مع ابنك و لا بنتك اللي جايه. -انت عايز مني ايه دلوقتي؟ -عايزك توافقي على جوازها من الدكتور عبدالرحمن و تروحي تقوليلها بنفسك. -بس انا مش.... -شذى انتي بتكابري ليه، صعبان عليكي مامتك، و في نفس الوقت خايفة لحد ياخدها منك صح. -ايوه صح بجد انا ماما كانت كل حياتي. -انتي قولتيها اهو يا قلبي كانت، و دلوقتي جيه مالك و بقي هو كل حياتك صح يا روحي. -ايوة صح يا مالك. -يبقى تروحي تقولي لماما الكلام ده بنفسك، و تبلغيها بموافقتك كمان. أقنعها بحديثه، ابتسمت على طيبة قلبه و تفكيره في ان يجد الوضع المناسب للكل، لا يفكر في راحة نفسه او حتى راحتها فقط لكنه يريد أن يرى السعادة في عيون جميع أفراد أسرته. لتردف له مبتسمة بحب. -موافقة يا مالك. الفصل الاخير. ❈-❈-❈ وقفت امام خازنتها ترتب ملابسها وتجلب من بينهم ملابس مريحه، لتستعد لأخذ حمام طويل بعد أن يذهب الرجال من البيت، لتشهق من الرعب حين انفتح الباب عنوه و دلفت منه ابنتها الشقية تضحك و تناديها بصوتها المرتفع. -بتعملي ايه عندك يا جوجو؟ -اخص عليكي يا شذى خضتيني، حد برضو يدخل على الناس كده. -هههههه طول عمرك قلبك خفيف يا ماما. ألقت ما بيدها على الطاولة الصغيرة، و جلست على الفراش متنهدة. -و هو اللي احنا كنا بنشوفه كان شوية يا شذى، دا احنا كنا بنموت من الرعب كل يوم و لا انتي ناسية. جلست بجانبها و احتضنت ذراعها متذكرة ما عنوه هم الاثنتان و معهم ابيها. -طبعاً يا ماما فاكره، و فاكرة بابا كان بيخاف علينا ازاي، دا كان بيحبنا اوي يا ماما فاكره كان بيحبك انتي ازاي يا ماما. نظرت إليها مطولاً نظرة طويلة، ثم تحدثت بهدوء حتى لا تشعل غضب ابنتها مره اخرى. -باباكي الله يرحمه كان طول عمره بيحبني دا ياما حارب اهله و بعد عنهم عشاني، بعد عنهم كتير في اول جوازنا، بس لما ملقاش فايدة من الخناق، و ابوه مش سايبنا في حالنا و مصمم يرجعه ليه تاني حتى لو كان عن طريق انه يتخلص مني، قرر ساعاتها اننا نرجع ليهم عشان يحميني من شرهم. انتفضت شذي من الخوف و ابتعدت عنها تحاول أن لا تصدق ما تهزي به والدتها. -بتقولي ايه ي ماما، اكيد مش للدرجة دي طبعاَ. -لاء للدرجة دي و اكتر كمان يا شذى، و عارفة ابوكي مارديش يخليني اخلف بعدك ليه، عارفة انا لما كنت بحمل كنت باخد البرشام و انزل البيبي ليه، عشان جدك لما انا ولدتك، غضب انك بنت و قاله انا عايز ولاد عشان يكبر بيهم العيلة، عاير اخوه السيد انو خلف بنت، رجع عاير ابوكي كمان و قالة هتبقى زيه، و أن البنات ما بيعرفوش يحمو نفسهم، و بيجبو العار لعيلتهم. -كلام فارغ و متخلف هو ازاي كان بيفكر كده. -ما انتي عارفة العيلة ماكانوش بيفكروا غير في الاجرام يا شذى، و ابوكي قالي انا مش هاخلف ولد و أرميه بأيدي في التهلكه بعد كده، كفاية عليا خوفي عليكم انتو الاتنين. ربنا رزقنا بشذي و نحمده و نشكر فضله عليها لكن مش هنجيب عيال تاني،و انا وافقته الرأي ساعتها. -ياه يا ماما اد كده كان بيحبنا و يخاف علينا. -طول عمره كان حنين، كان بيحبنا و يخاف علينا اوي انا و انتي، كان بيبقى بره البيت واحد و لما بيدخل البيت واحد تاني خالص. -كنتي بتحبيه يا ماما. -طبعاً كنت بحبه والا ماكنتش هربت معاه و سيبت بيت اهلي عشانه. -طب ليه عايزة تتجوزي بعد كل الحب ده. -مين قالك اني عايزة اتجوز عشان الجواز نفسه ، اذا كنت بفكر في حاجة زي دي فعشان ماكنش عالة على حد يا شذى. -عالة! -ايوه يا بنتي انا دلوقتي عالة على اختي و جوزها و جوزك كمان، يعني انتي مش شايفة انا قاعدة فين و مين اللي بيصرف عليا. -لاء يا ماما لو انتي بتحسبيها كده يبقى تعالي نروح بيتي و اقعدي معايا انا و مالك. -طب ماهي هي يا شذى هبقي في نفس الوضع برضو، و بدل جوزك مايصرف عليا هنا هايصرف عليا في بيته، لكن لما اكون في عصمة الدكتور عبدالرحمن هاكون ساعتها مسئولة منه و هيبقى ليا بيت و حياة خاصة بيا انا فهمتي بقي. -فهمتك يا ماما. -طب و رأيك ايه. -خلاص يا حبيبتي ان كان عليا انا موافقة الف مبروك يا جوجو. -يعني مش زعلانة يا شذى. -لاء طبعاً انا طول مانتي مبسوطة انا هبقي فرحانه عشانك يا ماما. ❈-❈-❈ اما في كرموز تحديداً في بيت العسال، قام الضابط مصطفى بحملة هجومية لتفتيش المنزل بأكمله، و على باب المقهى قابلته السيدة ام اشرف. -خير يا باشا بدورو على مين تاني، هو الواد مش محبوس عندكم، جايين تاخدو مين تاني بس. -جاين نفتش علي دليل إدانة او براءة ابنك يا حاجة. في هذه اللحظة، ترجل سيد العسال من منزله يرتجف مهرولاً الي شقيقته. -تفتشو على ايه تاني بس يا باشا، ما انتو فتشتو البيت كله، و مالقتوش حاجة يبقى لزمتها ايه بس كل شوية البهدلة وقلة القيمة دي. رفع الضابط راحة يده و قبض بها على كتفه قاصداً ارباكه . -أهلاً عم سيد العسال وحشتنا يا راجل ماحدش بيشوفك ليه. تلجج الرجل في الحديث و أصبح يواري عينه منه و يثبت عينه على شقيقته التي كانت تناظره بعين جامدة. -اااااانا تتحت النظر والأمر يا باشا هو حضرتك طلبتني و انا اعترضت. -لاء الشهادة لله يا عم سيد انت كده جيبت الحق عليا و عداك العيب كمان، بس معلش خليها عليك المره دي و بعد اذنك هانفتش القهوة و البيت تاني. -متأخذنيش يا باشا، البيت كله حريم، انت معاك امر بالتفتيش تاني. -طبعاً يا عم سيد وهي دي برضو تفوتني امر التفتيش اهو و ان كان على الحريم اللي في البيت دول إخوتنا و بناتنا و اظن احنا اللي بنحميهم مش كده ولا إيه. ليغمز له بطرف عينه ليذكره بالماضي. و بخزي اومئ له العم سيد دليل على نجاحه في ازلاله. -إحنا تحت امرك يا باشا اتفضل فتش زي مانت عايز. -تمام يا عم سيد و انت بقى تعالي معانا. بدأً التفتيش من المقهى حتى سطح المنزل مروراً بالشقق الداخلية، و ابقي أسفل الدرج اخر شئ سيبحث فيه حتى لا يلفت الانظار لم يجد اي شئ كما توقع و ترجل من البيت بخيبة امل كما يظنون، لتردف السيدة ام اشرف. -هاهئ نورت يا باشا المره الجاية ابقى عرفنا انت بتدور على ايه عشان نبقى نحطه ليك في المكان اللي انت عايزه.. التفت إليها بوجه ساخر مستهزأً بها و هتف. ماتستعجليش يا معلمه مش هيبقى فيها مره جايه اصل المره دي لسه مخلصتش. ليأمر هؤلاء الجنود الجالسين بالسيارة الخاصة بالشرطة، بالنزول بالكلاب البوليسية المدربة جيداً. و التي بمجرد ان وطئت أقدامهم ارض المقهى والمنزل الا و جرو نحو ما يبحث عنه و ما لا يبحث عنه. حيث اخرجو من المقهى، اجولة معبأة بالفحم و داخلها تدث لفائف لبعض اللفائف المخدرة لنبات البانجو. ليدفع بتلك السيدة اللعوب امامهم زاجرها بقوه. -و دول ايه بقى انشألله يا معلمه، اوعي تقوليلي انك كنتي بتنشفي ملوخيه. صرخت و تشبثت بقدمه، في محاولة فاشلة لخداعه. -مش بتوعي تلاتة بالله العظيم ماعرف حاجه عنهم، حرام عليك يا باشا هاتخدو الواد و امه يا ظلمه. ليأمر الجنود بالأمساك بها، و تحريز تلك الأجولة و هو مازال متحفظاً على شقيقها الذي كان يقف تحت يده يلطم خديه. كما جرت بعض الكلاب الاخري تحت درج المنزل و بدأت تنبش في ذاك البلاط المتهم. و كانت المفاجئة بدل السكين اثنان، ليلتف الي هذا الذي بدء يقر له بالحقيقة كاملة قبل أن يسأله او حتى يتحرك من مكانه. -ابوس ايدك يابني اني هنقولك على كل حاجه، بس اني مش حمل بهدله ولا اهانة. التف اليه برزانة و هتف. -ما انت هتقول على كل حاجة فعلاً بس مش هنا، عندنا و في محضر رسمي عشان لو ماتكلمتش وقولت الحقيقة كاملة هاتشيل بدل قضية القتل اتنين يا عم السيد. -مش اني يا باشا و عهد الله مااني يا عالم دا الولا اشرف هو اللي قتل خاله بالغلط في الأول و السكينة التانية هي اللي قتل بيها الولا محمود. ابتسم الضابط و اطمئن فقد انهي تلك القضية التي أرهقته و عانى منها كثيراً و على ما يبدو أنه سيجازي و ينال ترقية بعد اتمامها على أكمل وجه. -كده طب يلا بينا يا راجل يا طيب ونشوف مين اللي دث الحاجات دي هنا و ماتخافش كل واحد هايخد عقابه. ❈-❈-❈ علمت بما حدث لعائلة ابيها من زوجها و علي قدر فرحتها بأن زوجها لم يهمل شأنهم، على قدر ما حزنت بأنها أسأت الظن به و اتهمته بالجبن و كتم الشهادة. فحاولت التدلل عليه و التلاعب بمشاعره كما تفعل به دائماً. صعد الي غرفتهم بعد أن القى عليهم هذا الخبر ، تاركهم وسط سعادتهم ليسرق بعد الوقت و ينعم بالراحة قبل أن تأتي اليه معذبته و تثرثر داخل اذنه، أو حتى تطير النوم من عينه كنا تفعل دائماً. اظلم الغرفة بالكامل بعد أن بدل ملابسه و القي بجسده على الفراش، و ما لبس ان غفى قليلاً الا و شعر بمن تسرق ثباته منه دائماً. انزلقت أسفل الغطاء بجانبه، و تمسكت براحة يده و بدئت تمسد بها على تكويرة بطنها ضئيلة الحجم. فتح عينه مبتسم على طفلته واعتدل على ظهره مجتذبها بين يديه ضاممها الي صدره. -كنت عارف انك مش هتسبيني ارتاح. غمرت وجهها في ثنايا عنقه و همست بتودد محبب له. -ليه بس يا حبيبي، ده انا مايهمنيش غير راحتك. -انتي! هاههه دانتي بقيتي سبب كل تعبي. -طب انا اسفة حقك عليا انا عارفة، اني تعبتك و كمان طولت لساني عليك كتير بس انت عودتني انك ديماً بتسامح. -و هاتفضلي كده لحد امتى. بدئت تزيد من دلالها عليه اكثر. -طول عمري هافضل أدلع عليك، وانت هاتفضل طول عمرك تسامح و تحبني. -واثقة من نفسك انتي اوي. -طبعاً دا انا مرات الدكتور مالك الرفاعي و أم ابنه الجاي كمان. -ههههههههه اه ابني اهو دا بقى احلى مكافأة بعد كل التعب اللي تعبناه ده. -فرحان يا مالك. -فرحان و بس، انتي مش ملاحظة انا بحب عيال حسام صاحبي اد ايه. -ملاحظة طبعاً و عارفة انك حنين اوي عشان كده ربنا رزقك بيا و بالبيبي كمان ههههههههه. -هههههههه و ده احلى رزق يا قلبي. ❈-❈-❈ اليوم هو يوم العرس المعهود. سيتم عقد قران والدتها على الطبيب عبدالرحمن في بيت الرفاعي و ستذهب بعده معه إلى بيت الزوجية. تجمعت نساء البيت مع العروس في غرفتها، و قررت شذى ان تشاكسها. -يلا يا عروسة عشان أزوقك بأديا. -بس يا بنت بطلي هزار. ضحكت الحاجة مجيدة، و تدخلت في الحديث هي الاخري. -هزار ليه بقى، انتي مش عروسة ولازم تتزوقي لعريسك. -لاء طبعاً زواق ايه يا مجيدة، هو انا لسه عيلة صغيرة. -هههههه لاء يا مامتي انتي احلى عروسه يلا بقي عشان تجهزي خلينا نفرح و النبي لانا مزغرطه لولولولي. دق مالك على باب الغرفة و فتحه بعد أن سمحو له بالدخول، و عند ولوجه لهم تفاجئ بصراخ ماجدة. -مالك خد مراتك من هنا لو سمحت. -الله زعلانة ليه بس دانا سامع زغاريط و حاجات حلوة كده بقالنا كتير مسمعناهش. -يا سيدي افرحو براحتكم، بعيد عني، خد البت دي من هنااااا. -ههههههه اهدي بس يا ماجدة مش كده، خليكي ريلاكس شوية عشان المأذون جيه تحت ولو انتي جاهزة يا ريت تتفضلي بقى معايا. اعترضت شذى طريقها قبل أن تقف معه، متصدرة لها ببطنها الذي بدء يرتفع قليلاً. -و الله ابداً، لازم ازوقك الاول مش هاتخرجي من هنا غير و انا حاطه ليك روج على الاقل. زمجرت ماجدة بغلاظة وقد نفذ صبرها. -ابعدي عني يا شذى، احسن و الله اضربك في كرشك ده. ليتدخل مالك سريعاً ساحب تلك الفظه خلف ظهره، ليبعدها عن بطش والدتها. -لاء بالله عليكي مالكيش دعوة بكرشها، و انتي يا ستي بطلي تهور و ابعدي عنها بقى الله يهديكي. وضعت الحاجة مجيدة ذراعها على كتف شذى لتتكئ عليها متبعينهم للخارج. -خلاص بقى يا بت يا شذى هي عروستنا محتاجة روج بردو داحنا جمالنا جمال رباني. ضحكت شذى بصوت مرتفع، و تقدمت أمام زوجها مترنحه بدلال هاتفه. -و الله و فرحت بيكي و شوفتك عروسه يا ماجدة لولولي. انزعج مالك من دلعها الزائد و امسك رسغها مجبرها على التوقف، ملقي عليها اوامره التي لا نهاية لها. -شذيييييى وطي صوتك، ونزلي نقابك ده على وشك، وعلله اسمع صوتك تحت، عارفه يا شذى و الله هاطلعك تقعدي هنا لوحدك. رفعت كفها بجانب اذنها معطيه له التمام مثل الجنود. -علم وينفذ يا فندم. ليضحكو جميعاً و يترجلو سوياً الي الاسفل. ❈-❈-❈ و بعد مرور ستة أشهر كانت مترجلة للأسفل تشعر بألم يقتحم أسفل بطنها، لكنها تحملت على نفسها، حتى لا تقلق والدتها التي أتت لها منذ يومين لتجلس معها لحين ياتيها موعد الولاده، كما حضر الشيخ حسان و الحاجة مجيدة و جلسو معهم ايضاً. وبعد أن ترجلت إليهم و تفاجئو بنزولها، صاحت والدتها. -الله نزلتي ليه بس يا حبيبتي كنتي خليكي نايمة فوق. -تعبت من كتر الرقدة يا ماما قولت انزل اقعد معاكم هنا شوية. كان وجهها تملؤه حبيبات العرق، أثر حرارة الجو و الألم الذي تكتمه بداخلها. لكن خالتها قد شعرت بتغير لونها ولمحت انقباض اصابعها على الوسادة الصغيرة بجانبها لتحدثها بريبة. -شذى انتي حاسة بحاجة يا حبيبتي. التفتتو جميعاً نحوها و وقف الشيخ حسان متأهباً لكلامها. -ايه مالك يا بنتي اوعي تكوني تعبانة، ومش عايزة تقولي. ضمت شذى حاجبيها بألم و تمسكت بيد والدتها من جانب و خالتها من الجانب الاخر. -من الصبح و انا تعبانة بس ماكنش الوجع كده هو كل شوية بيزيد عن المره اللي قبله. -يا لهوي دي تبقي ولاده يا شذى، اتصلي بمالك يا مجيدة خليه يجي و نوديها المستشفي. -اهدي شوية يا ماجدة ماتخوفيش البت، و هي لسه في اول الوجع. ليهتف الشيخ بقلق. -و لزمته ايه بس نسيبها تتألم كده، انا هاروح اجيب مالك بنفسي من الضريح. وضعت الحاجة مجيدة يدها على بطن شذى و كأنها تقياسها. -قولتلكم اصبرو لسه بدري دي بطنها عاليا خالص اها يعني مش هينوبكم من مشوار المستشفى ده غير الفرهده. لتصرخ شذى بوجع. -الحقوووووووووني. جري الشيخ حسان مندفعاً للخارج أثر صراخها، ليأتي لها بزوجها، غير عابئ بزوجته التي حاولت إيقافه بقصد التروي. و عنده فضل مالك الإبتعاد و الاختلاء بنفسه في مكانه المفضل داخل الضريح، يصلي و يشكر ربه على استجابته لدعواه و يخبر صديقه عن مدى سعادته بها. ليحضر اليه والده يلهث محاولاً ضبط أنفاسه، يناديه بعلو صوته. -مالك قوم يابني بسرعه. هب واقفاً منتبهاً الي ابيه، و جري نحوه خوفاً من ان يكون قد حدث مكروه لأحدهم. -خير يا ابويا في حاجه حصلت. -الحق يابني شذى بتولد. -بتولد ايه بس يا حج دي ماعديتش غير يومين بس في التاسع. صاح فيه والده منفعلاً بضجر. -يا بني يومين و لا عشرة، البنت بتتألم في البيت وعماله تصرخ من الوجع، هانقولها احنا اصبري لما تعدي التاسع كله. -لالالاء انت عندك حق يا حج انا بعد اذن حضرتك هاسبقك و حصلني على مهلك. جري سريعاً و لم ينتظر رده، ليهتف والده حتى يسمعه قبل أن يرحل. -انا هاقعد اصلي و استناك هنا، و ادعيلها تقوملي بالسلامه و لما يحصل تعالي فرحني. اومئ له برأسه و ذهب بارحاً ساحة المسجد وهو يدعي ربه همساً. يارب تقومي بالسلامه يا شذى. و في المشفى. كانت تصرخ بشده على الفراش النقال، تحاول جذب وشاح وجهها من عليها و زوجها مصمم الا يظهره و يمسكه بيده. لتصيح فيه والدته مزمجرة. -يا بني حرام عليك، ماتسيب البت في اللي هي فيه بقى و تشيل البتاع ده من علي وشها. -لاء يا أمي و لو سمحتي ماتدخليش. حاولت ماجدة ابعاده هي الاخري و زجه بجانب والدته. -اوعي يا واد انت سيب بنتي. ليصدها مالك منفعلاَ و يدفعها نحو زوجها الذي كان يقف مصدوماً من تصرفه. -ابعدي انتي عن مراتي ماحدش له دعوه بينا بقى. لتصرخ شذى فيهم. -ارحموني حرام عليكم كلكم، منك لله يا ابن مجيدة انت السبب في اللي انا فيه دلوقتي. -احترمي نفسك و بلاش طولة لسان يا شذى وبدل ما تقلي أدبك اقري قرآن يلاااا. لتهتف شذى بصراخ. -يا رب وريه نفس وجعي و حسسه بتعبي يا رب. ليهمس لها في اذنها بشماته. - ادعي دعوه تانية، الرجالة مابتولدش يا اختي. و هنا ولجت إليهم الممرضة طالبة من الجميع الخروج لتحضيرها لغرفة العمليات. لكنها رفضت ترك يده و بعين دامعه امرته. -رايح فين وحياتي عندك ماتسبني ادخل لوحدي يا مالك. ربت على راحة يدها مبتسماً، و اردف لها ليطمئنها. -مش هاسيبك يا قلب مالك انا بس هاروح البس لبس العمليات و قبل انتي ما تدخلي هاكون انا جوه، و مش هاخرج الا بيكم انتو الاتنين قولي يا رب. -يا رب يا حبيبي و بعد مرور اكثر من ساعتين، استعادت وعيها بعض الشيء، و كان هو في أقصى درجات السعادة، حيث استمع منها الي وصلة عشق جعلته يحلق في السماء، يريد أن يصيح بصوتٍ جاهور، انا متيم بعشق شذى. -اد كده بتحبيني يا شذى. -اه بحبك اوي انت جوزي وحبيبي و ابني و اخويا و ابويا و كل حاجة ليا في الدنيا. -طب مش هاتخلى شوية حب لحُسين. -مين حسين؟ -حُسين ابننا يا حبيبتي حمدلله على السلامه انتي ولدتي خلاص. -هتسميه حسين يا مالك. -اه على اسم حبيبي و صاحبي و صاحب الضريح سيدنا الحُسين رضي الله عنه ايه رأيك. -حلو اوي يا حبيبي -حُسين مالك الرفاعي ابن ساكن الضريح. تمت. بقلم ميادة مأمون. رواية ساكن الضريح.