زواج تحت التهديد بقلم اسراء محمود ج5
صبا حاضر
عيسى صبا وعديني انك تفكري فيا كزوج بيحب مراته ونفسه توافق بيه مش كزوج انت اجبرتي على الزواج منه تمام
صبا تمام اوعدك. اما بقى عند محمد وورد
محمد كيفك يا ورد
ورد زينه الحمد لله يا واد عمي
محمد مبروك عليا انت يا ورد
ورد بكسوف الله يبارك فيك يا واد عمي
محمد انت موافقه عليا يا ورد يعني عاوزاني ابقى جوزك
ورد واه ما انا قلت لابوي واخويا راي ي واديني اهو بنجهز للجواز.
محمد عارف بس انا عايز اعرف رايك فيا
ورد انت زين الرجال وتشرف اي واحده انك تكون راجلها
محمد يا ابويا على الكلام لا انا كده ما بقتش امتى بقى اليومين دول يعدوا بسرعه. ضحكت ورد بخفه على كلامه
محمد لا وحياه ابوكي كمان هتضحكي ده مش هقدر امسك نفسي واخوك هيجي يطخني عيارين
ورد واه بعد الشر عليك يا واد عمي
محمد خايفه عليا يا ورد
ورد مش ولد عمي
محمد بس خايفه عليا عشان ابن عمك بس
ورد وهتبقى جوزي
محمد بس
ورد بكسوف وبعدين معاك بقى عاد.
محمد خلاص خلاص بلاش حبايتين الطماطم اللى ظهروا مره واحده دول احسن لو عليا هقوم اكلهم دلوقتي حالا. ويحصل اللي يحصل
ورد وبعدهلك عاد
محمد خلاص يا ستي. بس بعد ما يتقفل علينا باب واحد مش هتقدري تخلينى اسكت .
وفي الوقت ده جه عيسى ومعاه صبا
عيسى خلاص اكده كفايه عليك
محمد انت واقف بتعدل لي الكلمات ولا ايه يا عم سيبني كمان شويه لسه ما خلصت
عيسى لا يا اخويا كفايه عليك كده ابقى اتكلم بعد الجواز
محمد كلام ايه اللي بعد الجواز الجواز بعديه فعل يا ولد عمي مش كلام. ثم غمز لورد التي احمرت خدودها من كثره الكسوف
عيسى طب اتلم بقى واحترم وجودي احسن انت عارف هعمل فيك ايه هخلي وشك ما حدش. يعرف له ملامح وانت داخل على جواز.
محمد وهو يتصنع الخوف لا خلاص قلبك ابيض يا عم حوشي جوزك عني يا مرت اخوي
صبا ربنا يخليكم لبعض
عيسى ومحمد اللهم امين
عيسى يلا نتغدى علشان نروح
محمد يلا بينا. فعلا نتغدوا واخذوا صبا وورد وروحوا وفضلوا كده كل يوم خروج علشان ورد تجهز نفسها وتشوف كل اللي محتاجه قبل الجواز. كمان اختارت فستان الفرح وكان جميل جدا ورقيق.
مر عليهم الاسبوعين سريعا وهم مشغولين جدا في تجهيزات الفرح لحد ما جه يوم فرح ورد ومحمد. كانت صبا مع ورد في اوضتها بتساعدها علشان تلبس وكمان واقفه مع الميك اب ارتست والبنات اللي بيهيصوا لورد وكان عيسى تحت مع الرجال بيدبحوا الذبائح وبيجهزوا كل حاجه للفرح علشان الناس اللي هتيجي. كمان صفا وجميله كانوا مع وهيبه تحت بيشوفوها لو محتاجه حاجه وبيستقبلوا الضيوف. وفضل كده مع بعض لفتره لحد ما بدا الليل يجى.
