زواج تحت التهديد بقلم اسراء محمود ج5
اما عيسى فبعد ان انهو الليله في الخارج دخل مع والده واخيه وابن عمه زوج صفا وكمان زوج خالتو منى الباشمهندس مدحت وجلسوا جميعا يتحدثون عن جمال تلك الليله وما حدث فيها فحقا كانت ليله ممتعه وجاء بها العديد من الاحباب . واستاذن عيسى منهم دخل المكتب عشان يخلص بعض الاشياء الخاصه بالعمل.
مهران والله يا مدحت يا اخوي انت نورتنا النهارده بس انا زعلان منك لانك طولت الغيبه المره دي احنا كنا متفقين انك مش هتطول الغيبه أكده
مدحت معلش بقى يا حاج حضرتك عارف الشغل الفتره دي عليا ضغوطات كثيره جدا وكنت مسافر فتره بره البلد ولسه يادوب راجع من يومين وكنت بخطط انا ومنى اننا هنيجي نقعد كده فتره طويله في البلد اهو نريح اعصابنا ونفصل شويه من الشغل واهى جات فرصه فرح ورد ومحمد يلا عقبال ما تفرح بعوضهم ان شاء الله
مهران في حياتك ان شاء الله يا حبيبي
يونس فكره والله جميله يبقى تفضلوا معانا فتره كويسه والله يا خالتو منى وحشتني كتير
مدحت وانتم كمان يا حبيبي وحشتونا جدا وهي ليها فتره جامده عماله تقول انا نفسي اروح البلد اهلي وحشوني
يونس وهي كمان وحشتنا والله يبقى خلاص خدت قدم معانا وقت كبير. في الوقت ده خرج غرفه المكتب . وانضم اليهم في الحديث
مدحت قل لي بقى يا عيسى عامل ايه في السوق انا كنت بره الفتره اللي فاتت بخلص شويه حاجات بس الصراحه اسمك كان مسمع جدا وكنت مبسوط جدا انك بتكبر بالسرعه دي فعلا انت اثبت ليا ولناس كتير انك وحش. انا كنت بره لما اسمع اسمك بقف وافتخر واقول ان احنا قرايب و اتشرف بيك قدام كل شركائي. اللحظه دي جت وهيبه وكمان منى
منى طبعا عيسى من يومه وهو وحش وبيسد في كل حاجه وانا كنت متنبئه ليه مستقبل كبير
عيسى بابتسامه وفخر تسلم يا حبيبي الشرف لي. ثم اقترب من منى وقبل راسها وقال حبيبتي طول عمرك وانت فهماني. ثم ظلوا هكذا فتره طويله ويتحدثون مع بعضهم في اشياء عديده
منى بجد يا عيسى الف مبروك يا حبيبي مراتك زي القمر ربنا يرزقك بالعوض الصالح منها ان شاء الله. طلعت فعلا بنت مؤدبه وجميله وذوق جدا
ابتسم عيسى حبيبتي يا منى. ثم سال هي طلعت امتى
وهيبه دي طلعت من بدري من بعد ما ورده طلعت لانها كانت تعبانه من الوقفه طول النهار من طلعت النهار وهي واقفه يا حبيبتي.
عيسى وهو يقف طيب انا كمان هطلع ارتاح لانه كان يوم طويل وبكره عندي شغل كمان يلا عن اذنكم تصبحوا على خير
