زواج تحت التهديد بقلم اسراء محمود ج5
صبا نعم يا ماما حضرتك محتاجه مني حاجه
وهيبه واه لسه حاطه على وشك ليه يا بنتي شيلي البتاع ده من عليك واقعدي مرتاحه.
صبا وهي تقوم بخلع الوشاح عنها.
وهيبه اول ما شافتها بابتسامه شديده بسم الله ما شاء الله تبارك الرحمن تبارك اللي خلقك يا حبيبتي ربنا يحرسك من العين
صبا بابتسامه دي عيونك الحلوه يا ماما
منى بسم الله ما شاء الله قمر يا حبيبتي
صبا بابتسامه شكرا لحضرتك ده من ذوقك
وهيبه تعالي يا صبا جربي يا حبيبتي سلمي على خالتك منى دي تبقى منى اختي الصغيره متجوزه باشمهندس وقاعده في القاهره وبتاجي كل فتره اكده
اقتربت منها صبا بابتسامه وسلمت عليها باحترام وود كبير.
صبا اتشرفت بمعرفه حضرتك
منى الشرف ليا انا يا حبيبتي فعلا زي ماوهيبه قالتلى انك قمه في الادب والاخلاق.
صبا بابتسامه شكرا لحضرتك.
منى فعلا يا بخته عيسى بيكي
(زواج تحت التهديد بقلمي اسراء محمود لا اله الا الله وحده لا شريك له له الملك وله الحمد يحيي ويميت وهو على كل شيء قدير سبحان الله والحمد لله ولا اله الا الله الله اكبر ولا حول ولا قوه الا بالله العلي العظيم)
اتكسفت صبا جدا من كلام منى بس ما ردتش وكانت لحظات وبصت لقت صفا وجميله بيشدوها علشان ترقص
صفا لازم تيجي ترقص علشان تحتفلي بورد مش انت بتحبيها دي زي عربون محبه يعني عندينا لما نحب العروسه نرقص لها
صبا بس يعني انا مش بعرف
جميله كيف ده في واحده مش بتعرف ترقص اهو اعملي اي حركات وخلاص بس لازم ترقصي ويانا. قولي حاجه ياما وانت يا خاله منى قولي حاجه
وهيبه روحي يا بنتي ارقصي ويا اخواتك
ذهبت معهم صبا وهي خجلانه جدا وبدات تتمايل بخفه على انغام الموسيقى وبعد فترات بسيطه اندمجت صبا ونسيت خجلها وخوفها وبقت ترقص ببراعه كبيره جدا وفي اللحظه دي كانت صفا بره بتعمل حاجه وداخله بتجري علشان تشوف صبا وهي بترقص
وقبلت عيسى في طريقها
عيسى باستغراب واه مالك متصربعه اكده ليه في حاجه
صفا لا يا اخويا بس الصراحه مرتك بترقص وهي ايه مولعه الدنيا جوه وانا عايزه اكون وياها.
حمحم عيسى هي صبا بترقص فعلا
صفا بلؤم واه وانت ما تعرفش ولا ايه يا اخويا دي ما شاء الله عليها ولا فيفي عبده في زمانها
عيسى هز راسه وسكت بس كان هيموت ويشوف صبا وهي بترقص وقال الصبر وطلع عند الرجاله ودخلت صفا وانضمت للحريم وفضلوا فتره كده لحد ما جه عيسى نده عليهم من بره وخرجت صفا ليه
