رواية الانسة ماما بقلم ياسمينا
ضحي بصدمه : معقول يعني أنا مش حامل
سما : لا مش حامل مي هي الي عملت كل ده مي بتكرهك اوي ياضحي
ضحي بصت علي اوضه العمليات وقالت : دا هيروح مني
سما بدموع : اكيد مي هي الي عملت كدا
مصطفي : كل ده حصل لي بنتي وانا معرفش
سما : والله ياعمو هو عمل كدا علشان بنتك ويبعد عنها عادل ومي
ضحي : وباباكي كان متفق معا حمزه
سما : اه
ضحي حطت أيدها علي رأسها ومبقتش قادره تستوعب كل ده
سما بشر : بس متخفيش حق حمزه هيرجع
ضحي بدموع : ازاي
سما : هتشوفي انا داخله اشوف حمزه
سما مشيت وضحي بصت لي باباها بحزن وحضنتو وقالت : اعمل ايه يابابا
مصطفي بهدوء : الي يعمل كل ده علشانك يستحق ياخد قلبك
ضحي بدموع : هو الحب حرام
مصطفي : ابدا يابنتي مين قال إن الحب حرام الحرام فعلا انك تكلمي حد من ورا اهلك وتقوليلو كلام حب ومفيش حاجه بتربطك بيه الحرام بجد الي مي كانت عايزه تعملو فيكي بس حمزه انقذك علشان بيحبك وانا واثق أن لو مش عادل في حياتك كان دخل من الباب
ضحي بدموع : عندك حق طب هو انا ينفع اقولو بحبك
مصطفي بأبتسامه : حبتيه
ضحي طلعت من حضن باباها وقالت : انا عارفه يابابا أن انت ممكن تقول عليا جريئه وازاي اقولك كدا اني بحبو
مصطفي : لا طبعا ياضحي فيها ايه لما ابقا صحبك وتقوليلي بتحبي مين انا واثق فيكي المهم حمزه يجي من الباب
ضحي بابتسامه : يعني مش هتزعقلي
مصطفي : لا علشان الحب مش حرام ابدااا والحب مش حب الحبيب والحبيبه وبس لا ده حبك لي مامتك ولي اهلك وأخواتك الحب ده حاجه حلوه
ضحي : تعرف يابابا انا حبيبت فيه ايه حبو واهتمامو وغيرتو عليا مش عايز حد يشوف شعري يابابا بيخاف عليا اوي لدرجه انو خايف اتعور في رجلي علشان ماشيه حفيه تعرف يابابا اليوم ده غير في حياتي وقلبي كتير انت ممكن تكون مستغرب ازاي حبيبتو بسرعه
مصطفي : لا مش مستغرب الان الحب لما بيجي ملهوش معاد ولا ليه وقت
ضحي : انا مبسوطه ان عندي اب زايك لا مش اب دا انت اخويا وصحبي وضهري ياريت كل الابهات زايك يسمعو بناتهم ولو حبو حد مش يحسسوهم أنهم عاملو جر/يمه
مصطفي : وكمان يابنتي البنات لازم تحافظ علي نفسها ومش تخون أهلها وتكلم معا ده ومعا ده لا لو حبت تقول لي شخص ده تعال من الباب متقعدتش تكلم معه بليالي وسعات وتخون أهلها
ضحي حضنت باباها وقالت : اكيد يابابا انت احسن اب في دنيا
