رواية الانسة ماما بقلم ياسمينا
ضحي بغضب : انت انسان قليل الادب ومش محترم انجز انطق انا حامل ازاي انا عمري ماشوفتك
حمزه بهدوء : بس انا شوفتك كتير شوفتك بفستانك الازرق الجميل وحجابك الي مزين وشك شوفتك وانتي بتمشي والهوا بيطير فستانك وانتي تضحكي شوفتك وانتي متعصبه لما تلقي قهوتك طعمها وحش وتدخل انتي تعملي القهوه في كافيه شوفتك وانتي معا الاطفال لما بتجبلهم هدايا وتروحلهم الدار طيب بصي ده
حمزه طلع تلفونو وورا ضحي صورها وهي معا الاطفال
حمزه : ملاك صح
ضحي بصدمه : انت مين
حمزه : انا حد حبك
ضحي : وانا مش بحبك انت دمرت حياتي
حمزه : هتحبيني علشان ابننا
ضحي : ايوا ابننا ده جاه ازاي
حمزه بضحك : ايه يابنتي بجد عايزني اقولك جاه ازاي
ضحي بصتلو بقرف وجت تمشي بس هو مسك أيدها
حمزه : هتروحي فين ولمين لي اهلك الي ممكن مش يصدقوكي
ضحي : انت عارف وانا عارفه أن محصلش بنا حاجه وانا مش عارفه ازاي انا حامل
حمزه : مين هيصدقك حتي لو صدقوكي هل ياتره هيقدرو يبصو في عينك كدا ويكلموكي عادي
ضحي بدموع : انت لو بتحبني بجد مكنتش عملت فيا كل ده
حمزه : انا علشان بحبك بعمل كل ده قدامك حلين يااما ترجعي لي اهلك وتتفضحي يااما تمشي معايا وعادل ده هسكتو بقرشين واوعي تقولي انو محترم ومش هيوافق لا هيوافق
ضحي : مش جايه معاك
حمزه ساب أيدها وقال : طب اتفضلي
ضحي بصتلو بضيق ومشيت بس سمعتو وهو بيقول : تخيلي صدمه زاي دي هتعمل ايه في ابوكي تخيلي اهلك يتحبسو في البيت وميخرجوش بسبب نظرات ناس تخيلي اختك متجوزش بسببك تخيلي امك هتتعب قد ايه تخيلي لما تروحي شغلك كدا مش انتي ممرضه صح يعني مستشفي وفضيحه اكبر وناس تكلم وتسيبي الشغل وحلمك يتهد بسبب انك مش عايزه تروحي معا شخص بيحبك من قلبو
ضحي بصتلو ودموع في عينيها وقالت : الي بيحب حد بيدخل من الباب
حمزه قرب منها : بس انا شوفتك وانتي مخطوبه ومكتوب كتابك كمان ازاي كنت هدخل من باب
ضحي : كنت تقول خلاص دي مش نصيبي وتشوف غيري
حمزه : مستحيل الي بيحب حد هيحاول يخليه معه
ضحي بغضب : يعني يخليه حامل ده الي عايز تقولو ايه مفكرتش في صدمه الي كنت فيها يوم فرحي وحامل ومعرفش ازاي
حمزه بهدوء : مصيرك تعرفي اني كنت صح
ضحي بغضب : انا كرهتك
حمزه بثقه : هتحبيني علشان ابننا ها قرارتي ايه
ضحي بصت في الارض بحزن وبدأت تفكر وبعدين بصتلو وقالت : انا موافقه
