ساكن الضريح بقلم ميادة مأمون ج٥

الفصل الحادي والثلاثون ❈-❈-❈ نظراً لكبر سنها و مرضها المزمن ، هي لا تقوى على الاستيقاظ مبكراً لتؤدي صلاتها، فبالله من هذا المزعج الذي قاده القدر حتى يأتي و يدق بابها الان. رفعت السيدة مجيدة جزعها العلوي، نافضة غطائها من عليها، تصيح بصوت جاهور. -الله يخرب بيتكم، اروح ارتاح منكم فين دلوقتي، اذا كان الراجل الكبير بيخاف يعمل صوت و هو قايم من جانبي عشان مايصحنيش، تقومو انتو تيجو و تخبطو عليا دلوقتي. اتاها صوت شقيقتها المفزع من الخارج -افتحي يا مجيدة، الحقيني يا اختي. ضمت السيدة مجيدة حاجبيها واستندت بيداها على الفراش الي ان وقفت من عليه وهي تهتف. -يا لهوي ماجده ادخلي يا بت، ايه اللي حصل يا اختي. دفعت ماجده الباب فاتحه اياه، لتفزع شقيقتها بالرعب الواضح على وجهها. -الحقيني يا مجيدة البت اختفت. ضربت الحاجه مجيدة يدها على صدرها بشهقة -اختفت يعني ايه هي مش كانت نايمه جانبك يا مده.... انتي. ماجدة بدموع غزيرة - ايوة طول الليل و هي نايمة جانبي، و حاسه بيها لحد ما المنبه ضرب قومت عشان اديها علاجها و اصلي الفجر، لكن مالقتهاش، قولت يمكن نزلت لوحدها الحمام و مارضيتش تصحيني، جريت عشان اشوفها فيه بس برضو مالقتهاش. الحاجة مجيدة فارضة حسن النية -طب اهدي يمكن قاعدة لوحدها في ركن هنا ولا هنا، و لا دخلت اوضتها تنام فيها. ماجدة نافية -انا دورت عليها في كل حته، و مالك جوه في اوضتهم انا سامعه بيقرأ قرأن يعني لو كانت دخلت ليه كنت هاسمعه بيكلمها. مجيدة موبخها على تشاؤمها هذا -انتي هاتقفيلها في وشي و تقعدي تندبي ليه، وسعي اما اقول لجوزها واخليه يلحق يشوف البت راحت فين. اندفعت كالسهم نحو الخارج، و هي من خلفها و اتجهت الي بابه قاصدة فتحه دون استئذان، و قبل ان تتفوه أحدهن بكلمه، تنفسو الصعداء وهم يروهم على هذا الوضع، هي غافية على قدمه، و هو يتلو القرأن بصوت عذب. اردفت مجيدة مبتسمة بمحبة لهم -اطمنتي على بنتك يا ماجدة، اهي دورت على امانها و جات نامت في حضنه اها. جففت ماجده دموعها براحة يدها، وابتسمت لهم هي أيضاً بفرحه -ايوة اطمنت يا اختي ربنا يريح بالهم و يطمنا عليهم دايماً يا رب. صدق مالك على آياته و التفت إليهم بانزعاج هامساً -انا بقى اللى خلاص فاض بيا منكم ومن فضولكم انتو اللي الاتنين، ثم على صوته فجاءه.... ممكن تقفلوا الباب ده وتسيبونا في حالنا بقى شويه، اطلعوا برررررره... انفزعت السيدتان و زجوا بعضهم للخارج سريعاً و هم يضحكون، لتهتف مجيدة في اختها. -ادخلي نامي يا ماجدة، و اعرفي ان مافيش حد في الدنيا دي هايحب بنتك و يخاف عليها اد مالك، و ادعليهم يا حبيبتي ربنا يهدي سرهم. ماجدة موافقاها الرأي مؤمنة على كلامها - امين يا رب يا مجيدة ياختي. انتفضت الجميلة الغافية، أثر صياحه و غلق الباب بقوة، لتفتح عيناها و تعتدل جالسة ضاممة نفسها بخوف الي صدره متشبثة جيداً بكنزته الرياضية و بدء جسدها يرتجف. مالك مهدئاً لها -بس اهدي يا شذى، مافيش حاجه انتي معايه و في حضني اهو. رفعت وجهها قليلاً لتتقابل ماستيها مع بندقيتيه.. حتى تطمئن، هي معه هو حبيبها امانها و مالك قلبها، تنهدت و اغلقت عيناها و اراحت رأسها على كتفه. حملها بين يديه، و اتجه بها نحو الفراش، مددها عليه، و حاول فك يديها من حول عنقه لكنه فشل، لتجبره على التمدد بجوارها رغماً عنه، و هو يتأفف ليهمس في اذنيها. -ماتفتكريش ان كده ممكن اسامح او ارجع عن القرار اللي اخدته، اللي قولته هانفذه يعني هانفذه يا شذى. كأنها طفلة صغيرة تصرخ رافضة ما يقوله لها أباها، غمرت وجهها في صدره، ليشعر بغزارة دموعها على كنزته، فتنهد و انزل يدها من علي عنقه، ليلفها حول خصره قاصداً ان يضمها بقوه اليه، ليحاول ان يفهمها. شذى كفاية بقي انا بجد حاولت كتير معاكي، بس زي ما انتي تعبانة انا كمان تعبان جداً و مابقتش قادر اتنازل اكتر من كده، و متهيألي اننا لما نسيب بعض، اقدر اخد بالي و اكون جانبك بصفتي ابوكي او حتى اخوكي الكبير يا شذى. -للللاء أخيراً خرج صوتها الممتلئ بالاهات و الشهقات، رافضه ما يقوله او حتى مجرد التفكير فيه. -مش عايزاك ابويا، و لا حتي اخويا، عايزاك تفضل حبيبي و جوزي، اوعي تسيبني او تبعد عني، ااااانا اسفه. لتمس قلبه بكلمتها التي لا يستطيع ردعها ابداً. -حبني اغمض عينيه بقوه، متنفساً الصعداء، واضعاً يده خلف رأسها قاصداً ضم وجهها الي صدره بقوه هامساً لها. -نامي يا شذى، و من بكره بأذن الله هاتبدئي تحضري الدروس اللي قولتلك عليها. اومئت له برأسها متوهمه بأنه قد عفي عنها -حاضر، بس انت ماتسيبنيش. ❈-❈-❈ نائمه في فراشه براحه تامة، مستمدة الراحة و الامان لمجرد استنشاقها رائحته، فتحت عيناها تبحث عنه بشوق، لتصتدم بالواقع الأليم، امانها غير موجود!! انفزعت برعب من مخضعها و هي تتفقد الغرفة بأكملها، تبحث عنه و لم تجده. جرت للخارج تصرخ بأسمه تريده هو لا غيره، ترجلت على الدرج سريعاً، تكاد تتعثر عليه من شدة سرعتها. لينفذعوا و هم جالسين من صوتها و شكلها، فهي تترجل بمنامته الشتوية ذات الاكمام الطويلة لكن بنطالها ضيق و ملتصق جداً بقدمها، وشعرها مفرود على ظهرها وغير مرتب. وعلى اخر درجتان من السلم، سقطت على وجهها. ليجرو عليها والدتها و خالتها قاصدين إيقافها. ماجدة بشهقة -اسم الله عليكي يا حبيبتي، حاسبي يا شذى كده برضو يا بنتي. شذي بصراخ -مالك فين يا ماما؟ مجيدة ساخره منها ضاممه اياها الي صدرها -احمدي ربنا انه راح شغله و ماشفكيش وانتي نازله كده، و الا كان زمانه ماطلع جننوته عليكي. ليصيح الشيخ حسان و هو يرحل خارج البيت قاصداً تعنيفها -و لا كان هيتأثر مالك طول عمره مايعجبهوش الحال المايل، و خلاص فاق من الغومه اللي كان فيها. لم يفهمو ما يقوله، و بالأصح لم يهتموا بما يقوله كثيراً، لكنها تفهمت عليه، لتنهار بالكامل و تعود لصراخها، و جذب شعرها كالمعاتيه... -انا عايزة مالك، عايزاه يجي. وقفت والدتها تحاول تهدئتها، بينما فتحت خالتها الاتصال بينها و بين ابنها. أجاب مالك الاتصال و هو بزي العمليات، مستعد لإجراء جراحه عاجله. -الو ايوه يا امي السيدة مجيدة برجاء -مالك سيب اللي في ايدك و تعالي بسرعه، شذى من ساعة ما صحيت من النوم، و هي عماله تصرخ وتنادي عليك، و لما عرفت انك مش موجود، عمالة تصرخ وتشد في شعرها و منهارة على الاخر. مالك باندهاش -دا على اساس اني قاعد في البيت اللي جنبكم، اقفلي يا أمي، و قولي للهانم اني مش هاسيب شغلي، و اشتغل دادة ليها. مجيدة محاوله استعطافه -طب حتى قولها كلمتين هديها بيهم يا بني عشان خاطرها يا مالك دي شذى برضو يا ولاا. اه يا شذى يا من يرى الجميع كيف احبك، لكن انتي تغلقي عينك و تطلبيه دائماً. مالك بهدوء -افتحي الكاميرا زي ما علمتك و اديها الموبايل يا أمي. مجيدة بموافقة -حاضر يا حبيبي، فعلت مثلما قال و اقتربت منها، ليراها على وضعها هذا و يستمع الي والدته التي تحاول تهدئتها، -بس يا حبيبتي امسكي التليفون، بصي مالك اهو يا شذى. صمتت عن صراخها ملتفته الي ما في يدها، لترى حبيبها عبر شاشة الهاتف، لتردف هامسة و هي تعض على طرف اصباعها. -مالك. اغمض مالك عينيه يحاول الا يثور عليها: -ممكن افهم ايه اللي انتي عاملاه في نفسك ده، هو انا مت يا شذى. شذى ببراءه -لاء انت سيبتني. مالك منزعجاً -سيبتك وروحت فين انا في شغلي، وعندي عمليه مهمه دلوقتي، ومش ناقص ضغط على اعصابي، ممكن تبطلي بقى صريخ و عياط، و تاخدي علاجك و تفطري يا شذى. شذي كاتمه صراخها -تعالي يا مالك، انا خايفه ماتسبنيش لوحدي. مالك مهدئاً لها و لنفسه -هاخلص شغلي و اجي، بس يا ريت انتي بقى تسمعي الكلام و تاخدي العلاج بتاعك. ما كان منها الا ان تطيع أمره، لكنها انزعجت لأنه لم يعقب على مظهرها، ظنت ان والده قد صدق في قوله فهمت واقفه من علي الدرج لتظهر له جسدها بالكامل. ليلفت نظره جلوسها على الدرج بالأسفل، و بهيأتها الخاصه به هو فقط. مالك بصوت مرتفع -ثانية واحده كده، انتي نازله لحد تحت بالبيجامه، و بشعرك كمان يا شذى. الأن تهطل دموعها على وجنتيها، لا لأنزعاجها بل فرحاً لألتماسها غيرته عليها. مالك بزمجره -انتي لسه واقفه مكانك يا هانم، طب اقسم بالله يا شذى لما اجيلك لأكسر دماغك الناشفه دي. انفزعت أثر صراخه عليها، والقت الهاتف لوالدتها و جرت صاعده للأعلي سريعاً. أدارت والدتها الهاتف، ليراها هو تصعد الدرج بسرعه فائقة. ليبتسم هو على حب صغيرته، و خوفها منه، و يغلق الهاتف دون الحديث مع احد. ❈-❈-❈ كانت عيون صديقه المندهش تماماً، متعلقة به ليستفهم قائلاً -بتبص لي كده ليه؟ حسام بعدم تصديق -هي دي شذى مش كده، اللي انت لسه كنت بتقولي هاتكتب البيت بتاعي بعد ماتشتريه بأسمها و هطلقها؟ مالك متنهداً بقلة حيلة -انا عارف بقى يا حسام، هاتجنني معاها، لا قادر ابعد عنها ولا قادر أقرب ليها و انسى اهانتها ليا، انا حكيتلك انت عشان كنت حاسس اني لو ماتكلمتش، هايحصلي حاجه، و خوفت من كتر مانا ضاغط نفسي اني اخد قرار غلط. حسام موضحاً له -القرارين غلط يا مالك مالك ناظراً الي صديقه -مالهاش قرار تالت يا حسام يأما اتغاضى عن إهنتها ليا و اسامحها. يأما أطلقها و ابعدها عني، بس لازم تكون تحت عنيا برضو. اردف حسام -و في الحالتين ده هيكون عقاب ليك انت مش ليها يا مالك، تقدر تقولي عايز تطلقها ازاي و انت بتحبها كل الحب ده. هاتقدر تشوفها رايحه جايه قصاد عينك، وتغض بصرك عنها يا مالك. بلاش دي حتى لو ده حصل و طلقتها، جيبت منين فكرة انها هاتقبل تعيش في البيت اللي انت شاريه ليها. ًََ ❈-❈-❈ يقولون ان مريض الاكتئاب دائم العزله، منطوياً على حاله، لكن أميرتنا الجميلة عاندت حتى في هذا، و إن كان الاكتئاب يسجن صاحبه في قفص الحزن، ستبدل هي هذه القاعدة وتفتح لنفسها باب القفص، لتطير بحثاً عن السعادة. صعدت مهرولة الي غرفتها، بعد أن ألقت الهاتف بين يدي والدته، اغلقت الباب خلفها و استندت بظهرها عليه، ضمت كفيها الي صدرها، لتحاول ضبط شهقتها و هي تبتسم بحب، و سماء عيناها تمطر دمعاً، نظرت الي فراشهم و اتجهت اليه، تمددت في مكانه تستنشق رائحته العالقة في وسادته، بالأساس لم يتركها منذ الكثير، لكن هي تشعر انه غائب عنها ضهر من الزمن، تريده هو لا غيره، و ستغير تلك الفكرة التي امتلكت عقله، لن تتركه يفعل بها هذا، يقول انه سيعطيها حريتها، بل هي تريد أن تظل سجينته هو. اعتدلت من مخضعها فاجئه، و لمعت عيناها بفكره، ابتسمت و انطلقت الي المراءه تنظر لنفسها فيها وتتحدث بصوت مسموع.... -براڨو عليكي يلا جهزي نفسك بسرعه، عشان تقدري تجهزي كل حاجه قبل ما يجي. أمسكت فرشاتها وبدئت تمشت شعرها، جمعته بالكامل في كعكه كبيرة، و جذبت اول شئ أهداها زوجها به، إسدال الصلاة ارتدته على عجاله، و التفتت لتتجه للخارج سريعاً. دلفت الي غرفة والدتها، و فعلت مثلما طلب منها تماماَ، جذبت حقيبة دواءها و بدئت تبتلعه حبه ورا الاخري، كما هو مدون عليه ثم جرت للخارج سريعاً. ❈-❈-❈ هاتان الشقيقتان لا يهدأن ابداً، حيث جلست كل منهن تشغل نفسها بإعداد شئ معين من الطعام، و هن يثرثرن كعادتهم. الحاجه مجيدة بضحك -ههههههههه طب و النبي هما الاتنين عاملين زي القط و الفار. ماجدة تاركة السكين من يدها -و الله ياختي انا اللي زهقت منهم هما الاتنين، شويه يبقو عاملين زي عصفورين الكناري لذاذ كده وهما مع بعض، و تحبي تملي عنيكي منهم، و شوية بقى اجارك الله، يبقو مش طيقين بعض و يقلبو على بعض لما جننوني. -ههههههههه ما هو الحب كده يا بت، انتي نسيتي و لا هو محمد العسال مكانش قط معاكي، قال علي رأي الست.... الحب كده وصال و دلال -الله الله يا حاجة مجيدة يا عسل، اعد يا ست اعد. كان هذا صوت المشاغبة الصغيرة، التي ولجت عليهم و هي تتمايل من علي صوت دندنة خالتها. اردفت ماجدة بنظرة ضاجرة -بقى دي اللي كانت عاملة تصرخ و تشد في شعرها من شوية. شذي بدلع -الله بقى يا ماما، هو انتي يعني عجباكي رقدتي في السرير قوي. تدخلت الحاجة مجيدة نافية -لاء يا روح خالتك، احنا مش عايزين غير سعادتك و ان ضحكتك الحلوه دي ماتفارقش وشك ابداً. شذي ضاممه حاجبيها -شوف شوف مين بيتكلم، مش دي مامتي اللي كانت هاتضربني بالشب.. شب امبارح. تصنعت مجيدة الغضب و علا صوتها بغضب -بت اتعدلي لأحسن اقوم اقطعه عليكي، مش اضربك بيه بس. جرت عليها تقبل رأسها و هي تضحك بمرح. -هههههههه بهزر معاكي يا مجودة، هو انتي علطول خلقك ضيق، و نرفوزه كده. ماجدة مصدقة على كلامها -اه اختي مجيدة طول عمرها عصبية و نرفوزه، و ياه بقى لو حد وقف قصادها، و ماعملش اللي هي عايزاه. شذي جالسه على مقعد بجوارهم ناظرة الي خالتها -انتي هاتقوليلي يا مامتي، دانا من ساعة ما جينا هنا، و انا واخده بالي من الموضوع ده كويس اوي. الحاجة مجيدة بحزم -انتو هاتلأفوني لبعض ياختي انتي و هي و لا ايه، يلا يا ماجدة اخلصي خلينا نخلص الاكل، و انتي ناوية تساعدينا و لا هاتطلعي تجهزي نفسك لحد ما نخلص الاكل، و بعدين نروح الدرس سوي. شذي بابتهاج -لاء انا عايزه اعمل حاجه تانية غير اللي انتو بتعملوه ده، و بعدها هاجهز و اروح معاكم. ماجدة -حاجة ايه دي اللي عايزة تعمليها يا شذى. شذي بمرح و عين براقة -عايزة اعمل رز بلبن. وضعت الحاجة مجيدة قبضتها تحت ذقنها مبتسمة لها مردفة -بت يا شذى انتي بطبقي المثل اياه. شذي بمكر -مثل ايه دا يا خالتو. -المثل اللي بيقول ان اقصر طريق لقلب الراجل معدته يا روح خالتك. ❈-❈-❈ حضرت معهم تلك الجلسه الذي يطلقون عليها بالدرس، هي عبارة عن جلسة تفسير و تحفيظ للأيات، يتضمنها بعض النساء، و من تعطيهم هذا الدرس وتحفظهم سيدة ذو وجه بشوش. و بعد أن انتهو و عادوا سوياً، اعدو طعام الغذاء على الطاوله، لتجلس ماجدة و مجيدة و الشيخ حسان على مقاعدهم يستعدون لتناول طعامهم، بينما جلست هي على الاريكة الخشبية عيناها على الباب الكبير. حزنت والدتها من أجلها، فهي علمت ما يدور بعقلها و اردفت.... -شذي تعالي يا حبيبتي كلي، انتي مافطرتيش و اخدتي علاجك على معده فاضية. شذي مؤكدة -هاتستني مالك لما يجي يا ماما. لتحدثها خالتها -طب اتصلي بيه وشوفيه خرج من المستشفى ولا لسه، ولو لسه هناك يبقى تيجي تاكلي و لما يجي ابقى كلي تاني معاه. شذي و قد ادمعت عيناها -كلمته كتير و مش بيرد عليا. -يبقى ماتتصليش بيه تاني. كان هذا صوت الشيخ حسان، الذي افزعها و نفضها عن جلستها لتهب واقفه، و تنول عنها خالتها حق الرد، تتحدى زوجها أمامهم. -اومال تتصل بمين يا شيخ حسان، دا جوزها وليها حق عليه، تتصل بيه وقت ما تحب يا خويا. الشيخ حسان معنفاً -و هو جوزها ده ص... و لا بلطجي ماورهوش حد غيرها، ده دكتور جراح قد الدنيا، بيداوي قلوب الناس مش فاضي للعب العيال ده. لقد ظهر كرهه لها أمام الجميع، ولا تعلم ما السبب، كيف لذلك الكهل المحب للجميع، و الذي يحبه الجميع أن يحمل لفتاه صغيرة مثلها في قلبه ضغينة. نظرت اليه تلومه بدموعها، و تطلق سراح قدميها صاعده الي مخبأها، هاربه من أمامهم جميعاً. ❈-❈-❈ عاد حبيبها إلي البيت، في تمام الرابعة فتح باب غرفته ليجدها جالسة على الأرض، مستنده بظهرها على خزانة ملابسهم، ضاممه ركبتيها الي صدرها، و وجهها احمر أثر الدماء المحتقنه به. انقبض قلبه عليها، جلس على الفرش في مقابلها سائلاً. -قاعده لوحدك كده ليه. لم تلتفت اليه و همست -مش عايزه اقعد مع حد. -طب ليه حصل حاجة ضايقتك؟ هذه المره تولت هي لغة الإمارة لتقول كلمتها ناظرة له بتحدي و امر -انا عايزة ارجع بيتي، مش عايزة اقعد هنا. بمجرد ان توفهت بتلك الكلمه، علم انها اصتدمت في الحوار مع والده. -برضو ليه يا شذى. وقفت امامه صارخه، تنهمر الدموع من عيناها بشده، منفعله بطريقة هسترية، لدرجة انها بدئت تخدش وجنتيها بأظافرها. -كده مش عايزه اقعد هنا و خلاص، انا اصلاً مافيش حد بيحبني هنا، حتى انت كمان مش بقيت تحبني، و اصلاً انت عمرك ما حبتني. مالك محاولاً السيطرة عليها، ضاممها الي صدره بانفعال... -ايه اللي انتي بتعمليه ده، حرام عليكي بقى انتي بغبائك ده تعبتي نفسك و تعبتيني معاكي. جلس بها ارضاً و اجلسها على قدمه، و هو مغلق على جسدها بيديه. شذي بدموع تحرق صدره -حرام عليك انت، انا حاسه اني بتخنق هنا مشيني من هنا و الا هاموت نفسي. تباً لهذا المرض اللعين، ابهذه السرعه تملك منها الاكتئاب، لتصل الي اخر مرحله به الا و هي الانتحار. ابعد مالك وجهها عن صدره، مندهشاً مما تقوله. -اوعي تجيبي السيرة دي او تقولي كده تاني، مش عايز اسمعك بتجيبي سيرة الموت على لسانك تاني. عادت مره اخرى تلتصق بصدره، بعد أن شعرت بخوفه عليها. -طب لو بتحبني بجد خليني امشي من هنا. رجعني شقتنا. ضمها مالك الي صدره اكثر مهدأً لها رابتاً على جسدها بيديه -طب ممكن افهم حصل ايه بس عشان ابقى فاهم. -مافيش بس مش عايزة اقعد هنا و خلاص، قالت جملتها هذه و هي تحاول التودد له مثل هره صغيرة تلتمس الحنان من صاحبها. مالك وهو يبتلع لعابه و يبعدها عنه برفق -احمم مش هاينفع يا شذى، انا قولتلك قبل كده اننا هانقعد التلات شهور الحرم هنا، و بعدين ماتستعجليش قريب قوي هاتروحي بيتك وقف من علي الأرض معطيها ظهرها، مستنداِ على مكتبه. لم تعي ما يدور برأسه، وقفت تضمه من الخلف محتضنه خصره النحيل بين يديها الرقيقتان، مريحه رأسها على ظهره. -طيب هاستني لحد ماتخلص اللي وراك و نروح سوى من هنا، عارف انا عملت ليك حاجه انت بتحبها اوي، عملتلك رز بلبن، هاروح احضر ليك الغدا و اجبلك كل الاطباق من تحت. لتتركه و تجري نحو الباب ليفاجئها هو بأيقافها قبل أن تفتح الباب... -انا صايم يا شذى. تفاجئت برده هذا، و ضمت حاجبيها له متسائلة -صايم ليه احنا مش في رمضان، و لا النهاردة الاتنين و لا الخميس. مالك و هو يفهمها -بس النهاردة الثالث عشر من شهر رجب اول الايام القمرية زي ما بيقولو. طب ليه انت لوحدك بس اللي صايم، ماقولتليش ليه عشان أصوم معاك، أو حتى خالتو و بابك هما كمان مش صايمين. مالك موضحاً لها -بأختصار لان ابويا وامي أصحاب أمراض مزمنة، و ماقولتش لحضرتك عشان العلاج اللي انتي بتاخديه. عادت شذى اليه منحنية الرأس تفرق اصابعها ببعضهم -خلاص مش هاخد العلاج ومن بكره هاصوم معاك. جلس مالك علي مقعد مكتبه يشلح حذائه، و هتف ساخراً -لاء و النبي، اذا كنتي و انتي بتاخديه عامله فيا كده و مطلعه عليا جنونتك دي، اومال بقى لو بطلتيه هاتعملي فيا ايه. تألمت من سخريته و جلست على الفراش بهدوء -بس انا مش مجنونه، ماتقولش عليا كده. مالك و هو يتمدد بجوارها -حاضر مش هاقول كده ممكن بقى تسيبيني انام الساعة دي، و أبقى صحيني على أذان المغرب، عشان افطر على الرز بلبن بتاعك. سريعاً ما اقتربت جالسه منه، و بفرحه عارمه اجابته -حاضر انا هافضل قاعدة جانبك هنا واول ما المغرب يقرب يأذن هاروح احضر ليك كل حاجه. اومئ لها و اغمض عينه، ليشعر بأصبعها الرقيقة و هي تتشابك في اصابعه القوية. شعر بالراحة الكاملة الان، و كأن تعب اليوم كله ذهب هباء عنه، لينعم بقسط من الراحة و يغض في نوم عميق. ❈-❈-❈ اعدت له صنية ممتلئة من الاطباق التي، يشتهيها و يحبها، و لم تسهو بالطبع عن حلواه المفضله، و صعدت بها إلى الأعلى حيث غرفته. و بكل رقة غلغت اصابعها في شعراته القصيرة هامسه له بهدوء. -مالك حبيبي اصحي الاذان بيأذن. فتح عينه لتقابل عيناها، شامله وجهها بالكامل، ثم ارتكزت على شفتيها الرقيقتين التي تهمس له دائماً بأرق كلمه. شذي مستغلة نعاسه و عدم تركيزه -حبني. مالك كالمسحور بها. -بحبك. الفصل الثاني والثلاثون ❈-❈-❈ صرخت بفرح لتفيقه وتعيه ما قال، لينتفض معتدلاً منتبه لما لفظه لسانه تواً، ليراها تقفز في الهواء و تدور حول نفسها. تلك الجنية الصغيرة التي اقتحمت حياته، و لا ينجح ابداً في انتشال قلبه من بين يديها. توقفت عن الدوار و ظلت تصفق بيديها، ناظرة في عينه مبتسمة له. شذي بمرح - هيههههه بتحبني، لسه بتحبني قولي بقى انك سامحتني، و انك شيلت الفكره الوحشه دي من دماغك. اغمض عينيه يأنب نفسه على ما قاله، اعتدل جالساً مستنداً بظهره على وسادته، لكنه شعر و كأن ماس كهربي قد صعقه، عندما تفاجأ بها تجلس بجانبه و تحتضن كفه برجاء. شذي مصتنعه الحزن -مش قولت انك بتحبني، سكت ليه بقى، و لا انت لسه مش سامحتني. مالك متجنباً النظر لها -انا لسه صايم يا شذى هاتي كوباية مايه اشرب و اكسر صيامي طيب، وبعد كده ابقى اتكلمي براحتك. التفتت الي المائدة الصغيرة التي وضعت عليها الطعام، لتتفاجئ بعدم وجود الماء. شذي ناظره له -انا نسيت الماية. فرصه اتاته على طبق من ذهب. مالك بهدوء -طب معلش ممكن تجيبي من تحت. وقفت بحب لتسرع في خطواتها، لتجيبه بحماس -حاضر يا حبيبي حالاً هاتكون عندك. مالك مردفاً لنفسه -طب اقولها لاء ازاي دي بس يا ربي، اربيها ازاي و اطبعها بطبعي بس، دي هي اللي هاتربيني، يارب قويني عليها و على جمالها ده. ❈-❈-❈ للمره الثانية يشاهدوها تجري على الدرج بأسدالها، لتحذرها والدتها مزمجره. -يا بنتي حسبي بقى لاتت... و تقعي على وشك تاني، هو انتي مش لسه طالعه لجوزك بالأكل لحقتي تصحيه و تفطرو سوي. شذي وهي تتكفي متجهه نحو غرفة الطهي -بطلي رغي بقى يا ماما، احنا لسه مافطرناش اصلاً، دا انا نسيت المايه ونازله اجبها لمالك. اردفت الحاجة مجيدة بمصمصة شفتيها الشهيره -شوف البت ال نسيت المايه و نازله تجيبها لمالك. حضرت إليهم و بيدها زجاجة المياة وكوب زجاجي، و عيناها تطق شرزاً لهم صارخه في وجوههم -ممكن تخليكم في حالكم شويه. جحظت عين والدتها و اشارت لها بطرفها، لتلاحظ نزوله على الدرج، توتر وجهها وابتلعت لعابها خوفاً من ان يعنفها، فاصبت المياه في الكوب و وقفت تمد يدها به له. هبط بروية و عينه على هاتان الجالستان بجانب بعضهم، يلقى عليهم لقب ساخر. أهلاً بالحموات الفاتنات. الحاجه مجيدة ناظرة اليه بضحك -اهلا بيك يا سي السيد خد يا اخويا المايه من البت الا ايدها وجعتها من الوقفه. نفت ما قالته خالتها بهزه من رأسها يمين و يساراً -لاء بالعكس انا ماتعبتش و لا حاجه خد اشرب يا مالك، انت رايح فين؟ كاد ان يشرق قبل أن يبتلع الماء، ليسعل قليلاً ثم يروي ظمأه بالقليل من المياه، ليرد عليها بهدوء مكتاظاً بالغيظ. -هاتوضي و اروح اصلي المغرب يا شذى. تخطاها متجنباً النظر في عيناها، لتوقفه قبل أن يدلف للرواق المؤدي الي المرحاض. شذي معترضه على ماقاله -اجل الصلاه شويه لحد ما نفطر، انا مافطرتش من الصبح و كنت مستنياك لما تيجي و ناكل سوي. انتفضت في مكانها عندما توقف فاجئه و بدون ان يلتفت لها صاح بصوت مفزع. -ااجل ايه. و بوجه يكسوه الغضب استدار لها سائلاً.... -انتي صليتي النهاردة؟ تلجلج لسانها و بدئت الكلمات تخرج من فاهها متقطعه. -اااانا ااااصلي يييعني انا اه كنت تعبانه تملك منه الضجر الان ليهتف ساخراً -و ماكنتيش تعبانه وانتي بتعملي الرز بلبن مش كده. تلك الكاذبه الصغيرة فشلت حتى في ان تكذب عليه، يا الله الا يوجد شئ ينجيها من هذا المأذق. مالك مشيراً إليها بسبابته بأن تتقدم امامه -قدامي على الحمام تدخلي تتوضي و تطلعي تصلي كل فروضك. شذي منحنية الرأس -طب مش هاتاكل الرز بلبن. رفع حاجبه مندهشاً من هذه المختلفه، و اذا به يجهر بصوته -يخرب بيت الرز بلبن على اللي هياكله يا شيخه ادخلي يلااا. جرت اللي الرواق سريعاً قبل أن يقترب منها و يهشم رأسها، ولجت امامه و اغلقت الباب خلفها، ليتنهد صبراً مخرجاً زفيراً كاد ان يحرقه من الداخل. ليلتفت باتجاه هاتان الجالستان في صمت تام، و عقد حاجبيه بغيظ، وكأنه يقول لهم، لما انتم هنا الان. هبت ماجدة واقفة تداري عيناها منه -انا هاقوم اشغل التلفزيون اتفرج على البرنامج الديني احسن. علا جانب ثغر الحاجة مجيدة مشيرة إليها بأن تجلس -اقعدي اقعدي الفرجه عليهم هما احسن. فاض به الكيل من الجميع الان هرول مسرعاً للخارج يردف بزمجرة -لالالا انا ايه اللي يقعدني في وسط الجنان ده، انا اروح اصلي في الضريح احسنلي، صبرني يا رب على اللي انا فيه ده. جري سريعاً للخارج، و إذا بالشقيقتان تطلقان الضحكات سوياً. ترجلت من المرحاض، قاصدة الصعود لغرفته متعجله في خطواتها. لتوقفها خالتها بضحك -ههههههه على مهلك يا لوزه واحده واحده يا حلوه، مش هاتتلاقيه فوق ياختي. تصنمت على الدرج مرتعبه هل تركها مره اخرى، لتردف قائله. -مش فوق! اومال راح فين يا خالتو؟ اقتربت ماجدة منها خاشيةً عليها من ان تسقط و ربتت على كتفها. -راح يصلي في المسجد يا حبيبتي اسمعي انتي كلامه بقى، و اطلعي صلى فروضك على ما هو يرجع. جلست على الدرج تنعي بختها، واضعه قبضتيها أسفل ذقنها. -انشالله تكونو انبسطوا دلوقتي، انا عارفه ان دي آخرة عينكم اللي رشاقه في حياتي. شهقت ماجدة أثر كلمة ابنتها و اردفت -اخص عليكي يا شذى بقى دي كلمه تقوليها على مامتك و خالتك برضو. و قبل ان تنطق اصتدمت بهذا السلاح الطائر من الأسفل الي الأعلى، ليرتطم بجسدها شب.. شب السيدة مجيدة الذي لا يخيب هدفه ابدا.... -بقى احنا اللي حاسدينكم يا مجن... يا بنت المجا..... طب و حياة ربنا لأقطعه على دماغك يا شذى. انفزعت و جرت نحو غرفتها و هي تضحك على ما تفعله بخالتها تلك المسنه المحببه بكل حالتها. ❈-❈-❈ عاد من صلاته وجدهم على جلستهم يضحكون لتوقفه ماجده قبل أن يصعد. استنى يا مالك انا سخنت الاكل ليكم تاني احطلكم هنا على السفره و لا اطلعو ليكم فوق. مالك ساخراً -شكراً يا ميمي لما شذى تخلص صلاه تبقى تطلعه ضمت حاجبيها مستغربه، ايدللها و يختار لها اسمٌ مدلل. الحاجة مجيدة ساخرة -تعالي يا ميمي ماتتعبيش نفسك و افرحي جوز بنتك بيدلعك. أراد مالك اغاظتها هي الاخري فهتف نطب و دي حاجه تزعلك يا ماري. اارتاب الشك بعقلها فصاحت فيه -واد انت انا مش مطمنه ليك، مين ميمي وماري دول يا روح امك. مالك موضحاً لها مشيراً عليهم بأصبعه : -ميمي شكيب و ماري منيب (الحموات الفاتنات) نفس القذيفه التي تلقطها شذى، اندفعت نحوه و اصابت الهدف بإتقان، ليجري للأعلي ضاحكاً ناجحاً بزيادة حنقهما، ليستمع إلى قصيدة توبيخه من الأسفل. -و حياة.... يا بن مجيدة لاربيك، طيب اصبر عليا يا مالك. التفت الي شقيقتها التي وقفت تنظر لها كالبلهاء. -مالك ياختي انتي كمان واقفه متسمره كده ليه ماجده مشيره على نفسها -الحمد لله انا ميمي وكما ظنت كانت القذيفة الثالثه من نصيبها بالفعل -طب اجري من قدامي طلعي ليهم الاكل، بدل ما اطلع غلي انا كله فيكي يا ختي. ❈-❈-❈ دلف إليها وجدها تصلي في خشوع تام، فقرر ان يجلس خلفها و لا يريها وجهه، حتى لا يشتتها عن الصلاة. لكن ما ازعجه و فرط قلبه، بكائها و دعائها بألا يبتعد عنها، و يسامحها على غلطتها الوحيدة في حقه. لتدمع عيناه هو الأخر، انه يحبها وقلبه يذوب عشقاً لها، هو مليكها و هي مأمنه، لكن كيف له ان يتغاضي عن ما فعلته، ان فعل هذا ستظل على عنادها عدم احترامها له و للجميع، عليه اذاً ان ينفي تلك الفكره التي تملكت رأسها، و بعدها سيذيبها عشقاً. دق علي باب الغرفة أخرجه من شجنه، ليغمض عينه منزعجاً منهم، ليخرج من حالته هذه، مجففاً عينه بمحرم ورقي ثم اتجه نحو الباب و فتحه. مالك متأففاً -نعم في اي..، صمت بخجل و اخذ من يد خالته الطعام مردفاً. طلعتي ليه بس مانا قولتلك شذى هتبقى تنزل تجيبه هي. ماجده مبتسمه له -انا قولت زمانها تعبت من مجهود الصلاه، و انا كده كده مافيش ورايا حاجه و قاعده فاضيه. مالك مبتسماً لها -ماشي يا ميمي متشكرين. ماجده ضاحكة -ههههههه اسكت بقى كفايه اللي عملته فيك و فيا. مالك مستفهماً -ليه عملت ايه تاني. -نفس الشب.. شب اللي اخدته حدفتني بيه، ال زعلت لما قولتلها اني انا ميمي وهي ماري -هههههههه يا ستي انتو الاتنين قمرات، طب ممكن تدخلي انا كنت عايز اتكلم معاكي انتي و شذى شوية. أصرت الا تلج غرفتهم و همت بالانصراف مؤكده عليه.... -خلصوا اكل براحتكم و انا هادخل اوضتي اصلي العشا لما تأذن و بعدها ابقو تعالوا نتكلم بقى براحتنا وافقها الرأي دلف يضع الطعام من يده، ليجد فتاته قد انهت صلاتها، فجلس و نادها. -خلصتي يا شذى. -ايوه. -طب يلا تعالي ناكل. -لاء مش جعانه انا هاصلي العشا. ضم حاجبيه مشكساً لها. -العشا لسه ماذنتش تعالي ناكل و انا هاصلي بيكي. -لاء معلش انا هاصلي لوحدي وانت روح صلي في المسجد. وضع الملعقة من يده منزعجاً مما قالته، على ما يبدو أنها لم يعجبها أمره لها. -لاء و الله، معلشي ممكن تبصيلي و انتي بتكلميني، هو انتي زعلانه اني خليتك تأدي الفرد اللي عليكي. استدارت له بغيظ، و مازلت الدموع تحرق وجنتها. -انا زعلانه من اوامرك اللي مش بتخلص، زعلانة انك مش بتقدر غير عليا انا بس. فهم مقصدها، و اومئ لها برأسه، وأصر بأن قراره هو الاصح. انحني بجزعه للأمام شابكاً اصابعه في بعضهم. -لاء اطمني يا شذى انا مش هأمرك على حاجه تاني، بس انا مش مستعد اشيل ذنب عدم صلاتك و انتي علي زمتي، تقدري بعد كده تعملي اللي انتي عايزاه. الما يرمي بكلماتها هذه، فهمت ما يقوله و ذرفت الدمع، لقد ظن بأنها مازلت تهينه و تستضعفه، بل و يؤكد لها بأنه سيتركها. وقف امامها و اتجه نحو معطفه المعلق على المشجب، و اذا به يخرج من جيبه الداخلي بعض الأظرف البيضاء. مد يده بأحداهم لها قائلاً -ده ورق الكلية بتاعتك انتي خلاص بقيتي مقيدة على زمة الجامعه هنا اتفضلي. اغمضت عيناها بألم و تقدمت منه باسف. -مالك انا ماقصدش حاجه من اللي في دماغك دي، اأنا بس كان قصدي ا. مالك مقاطعاً لها مبتعداً عنها قبل أن تلمسه: -من فضلك ابعدي عني انا متوضي و مش عايز انقض وضوئي، خلاص يا شذى مبقاش في بنا كلام يتقال. تباً لتسرعها، تباً لسانها الزالف الذي دائماً ما يضعها في مأزق معه هو بالذات، لكن لما هو دائماً ما يتصايد لها الغلطات، لما لا يلتمس لها أي أعذار. اوف لها الحق بأن تسأم و تمل، الا يلاحظ انها صغيرة في السن عنه بكثير، كما أنه لا يلاحظ أيضاً انها جميله و من حقها ان تهنئ بجمالها، الا يمكن أن تفرح مره مثل كل الفتايات في عمرها. لذلك لن تتزل له مره اخرى، وأن كان لا يريدها، و يريد أن يتركها فاله ما يشاء، هي أيضاً لا تبالي بما سيفعل، و من الان ستتمرد عليه وعلى كلمته. اجتذبت الظرف الأبيض من يده بسرعه و اتجهت للخارج، اوقفها هو لائماً عليها. -رايحه على فين العشا بتأذن. ألقت عليه نظرة لائمه مردفه بسخرية -صليها لوحدك، انا هبات مع ماما في اوضتها. جرت سريعاً الى غرفة والدتها، ليستمع الي دفع بابها خلفها فاستغفر ربه و اتجه هو أيضاً للخارج ليذهب مره اخرى الي الضريح. لتوقفه والدته التي مازلت جالسه بالأسفل.. -الله انت خارج تاني يا مالك؟ دانت لسه جاي من المسجد يا بني. مالك محاولاً ان يسيطر على اعصابه -رايح اصلي العشا يا أمي. الحاجه مجيدة سائلة -فطرت يا مالك؟ مالك مغمضاً عينيه منزعجاً من طفلته اللعينه: -الحمد لله سيبيني بقى الحق الصلاة. اسرع في خطاه ليتركها في حيرتها، لتعرف هي انه به شئ يقلقه. الحاجة مجيدة منزعجة هي أيضاً منهم -يا ترى يا بني بنت ماجدة قلقت راحتك تاني في ايه بس. ❈-❈-❈ صلت مع والدتها صلاة العشاء، و تفاجئت بها و هي تشلح اسدالها من عليها محرره شعرها ايضاً، لتجلس على الفراش و تفتح ذلك الظرف لترى ما فيه. ماجدة شاهقه -قلعتي أسدالك ليه انتي عايزة جوزك يتخانق معاكي تاني. شذي رافعة جانب شفاها العلوي ساخرة -جوزي! لاء اطمني مش هايزعق و مش هيسأل عليا اصلاً. عقدت ماجدة حاجبيها -انتي قصدك ايه، و ايه الورق اللي في ايدك ده. شذي ناظره الي تلك البطاقه بتفكير -ده ورق و كارنيه الكليه، تصوري الباشا قيدني في كلية التجارة هنا و طلعلي الكارنية كمان، بس ايه ده هو صورني الصورة دي امتى؟ ماجدة مجتذبة منها تلك البطاقة -وريني كده دي بالنقاب يا شذى. شذي ساخطه عليه بكلمات لاذعه -اه ما هو لو كان يقدر يعملو من غير صوره اصلاً كان عملها ،لتجد في باقي الأوراق جدول خاص بأمتحانها، و تشهق بفزع..... ايه ده انا عندي امتحان بكره يا ماما عااااااا. ماجدة محاوله تهدئتها -اهدي طيب بصي اقعدي زاكري براحتك وانا هانزل اجبلك كوباية عصير. جرت مره اخرى نحو غرفتها، لتأتي ببعض الملازم، و جلست على المقعد خلف مكتبه، طردت كل الأفكار من رأسها وسمت الله ثم بدئت في المذاكرة. دلف هو عليها ليجدها على حالتها هذه، لم يتحدث معها، و بالاصح لم ينظر إليها، واخذ الظرف الاخر متجهاً نحو خالته. لكن خالته ولجت عليهم بكأسين من العصير الطازج لتردف بسعاده -انا سمعتك و انت بتقفل باب البيت يا مالك، قولت اجبلك كأس عصير مع شذى، بجد فرحت انك قدرت تحولها ورقها بالسرعه دي، و كمان هتقدر تمتحن و مش هاتضيع عليها السنه. نظرت الي والدتها شزراً مجتزة على اسنانها بغيظ، ثم عادت لتنظر في تلك الأوراق الموضوعه امامها. بينما ابتسم هو لها مطمئناً -ماكنتش هاسمح بكده اصلاً، المهم دلوقتي هي بقي تشد حيلها في الامتحان بكره. ألقت القلم من يدها مرجعه شعرها خلفها بردة فعل صاخبه -و عشان كده حضرتك كنت عاملهالي مفاجئة مش كده. اهذي هي كلمة الشكر التي تقوليها له أيتها التافهه. و كأنها هواء بالغرفه، و كأنه لم يسمع شئ مما قالته ليكمل مع والدتها.... -تعالي يا ماجدة اقعدي انا كنت جايلك اصلاً. جلسوا سوياً مقابل بعضهم بعد أن ألقت ابنتها بنظرة غاضبة، و همست له... -في ايه يا مالك هي البت دي، زعلتك في حاجه تاني. مالك ملقي جنيته بنظرة حائرة -سيبك منها دلوقتي وامسكي الظرف ده ليكي. ماجده عاقدة حاجبيها بعدم فهم -ظرف ايه دا يا مالك؟ -ده عقد البيت اللي قاصدنا بتاع الحاج أمام ابو خالتي فاطمه فكراهم و لا نسيتهم يا خالتي. ماجدة متذكرة -لاء طبعاً فاكراهم، بس لسه مش فاهمه حاجه. مالك موضحاً لها -افهمك يا ستي الحاج أمام الله يرحمه يبقى جد حسام صاحبي، و حسام ورث البيت ده من جده، و انا اشتريته منه ليكي انتي و بنتك. ماجدة بحزن -للدرجة دي انت اضيقت مننا يا مالك، طب ان كان عليا انا هامشي هاشوف شقه انشالله اوضه واقعد فيها، بس يعني كمان مراتك. مالك بحزم -بس يا ماجدة لو سمحتي بطلي تخريف واسمعيني و افهمي قصدي. -انتي مش ليكي نصيب في بيت جدي الله يرحمه. ماجده مستأنفه -ايوه بس ده وقع خالص يا مالك انا شوفته مجيدة ورتهوني واحنا بره. مالك مصدقاً على كلامها -تمام انا بقى اشتريت ليكي البيت ده بدل نصيبك في البيت القديم لاني هاعيد بنائه تاني واحوله لعيادات طبية تخدم اهل الحي، و قبل ما تقولي حاجه وتفكري في اي كلام تاني بصي على اسم المشتري في العقد كده. فتحت ماجدة الظرف واخرجت العقد بيدها لترى اسمها و اسم شقيقتها و معهم اسم عنيدته. ماجدة ناظرة لابنتها بأبتسامه -طب دا حقي انا و اختي البت دي تشاركنا فيه ليه. رفعت رأسها عن ما بيدها ناظره لهم، معنى هذا انه قد اشركها معهم، لتهب واقفه متمسكة بأوراقها بغضب مترجله للخارج. صحيح انت ايه الي يخليك تشاركني معاكم في حاجه تخصكم، و اذا بها تصرخ هو انا بنتكم؟ انا مش عايزة منكم حاجه انا بنت محمد العسال مش بنتكم انتو عشان تورثوني او تشاركوني معاكم. جرت نحو غرفة والدتها، و القت بنفسها على الفراش تبكي بحرارة، الهذا الحد يريد إبعدها عنه. تنهد بقلة حيلة ولم يعلق على ما فعلته جنيته. لتردف ماجدة بحزن -انا مش عارفة هي هاتفضل كده لحد امتى بس، كل حاجة تاخدها بعصبية و تتهور و تقول كلام يحزن و بعد كده ترجع تندم عليه. هم مالك بالخروج هو الاخر و قال بتروي -قومي روحي ليها و خليكي معها، هديها و قوليلها لما تخلص مذاكرة تيجي تنام في سريرها، و عرفيها اني طالع الخلوه بتاعتي و هبات فوق، و الصبح هاوديها الامتحان. ❈-❈-❈ ذهبت إليها مشتعلة من الغضب، و ولجت لها تريد أن تكسر رأسها على ما تفعله. ماجدة جاهرة بصوتها الضاجر -هاتفضلي طول عمرك غبية، هاتكرهي جوزك فيكي بعمايلك دي يا متخلفه انتي، تقدري تقوليلي عملك ايه، مالك دلوقتي عشان تعمليه بالطريقة دي، ده بدل ما تشكريه على كل حاجه بيجبها و يعملها ليكي. شذي بصراخ -لاء مش هاشكره انا مش عايزه منه حاجه، انتي فاهمه روحي قوليله يغير العقد ده، يشيل اسمي منه خالص انتي سامعه. ماجدة مغلقة الباب عليهم سريعاً حتى لا يصل صوت ابنتها لزوجها -اهدي يا شذى مالك يا حبيبتي فيكي ايه بس، يا بنتي جوزك بيعمل كل ده عشانك انتي عشان يكسب قلبك يا شذي. ضحكت من وسط بكاها ضحكة ساخرة -يكسب قلبي ايه انتي مش فاهمه حاجه يا ماما. جلست والدتها بجانبها، رابته على جسدها برفق -طب فهميني انتي يا حبيبتي. اعتدلت جالسه تجفف دمعها بيدها، اتقول لها انه بشرائه لهذا المنزل يؤكد لها ما ينتويه. جمعت أوراقها و اعتزمت المذاكرة غير عابئه به و بهم جميعاً.. شذي محيدة بنظرها عن والدتها -خلاص يا ماما اعملوا اللي تعملوه سيبيني بس اذاكر شوية عشان اقدر انام حبه قبل الامتحان. ماجدة بيأس منها و من جنونها -طيب يا حبيبتي ذاكري يا شذى، ربنا يهديكي يا بنتي. ❈-❈-❈ أعلنت ساعة هاتفها الملقي على الفراش بجانبها السابعه صباحاً، لطصدح رنينه ارجاء الغرفه بأكملها، دون أن تهتز لها شعره واحده. ولج هو الي الغرفة، و ابتسم على تلك الملقاه وسط الاوراق على وجهها كالاطفال، ليمسك الهاتف و يصمت صوت رنينه المزعج، محاولاً ايقاظها برفق. مالك رابتاً على وجنتها هامساً لها بهدوء: - - شذى فوقي يلا عشان الامتحان. شذي بنعاس -لاء سيبني مالكش دعوه بيا. مالك مزمجراً -قومي عشان الامتحان و بعدها مش هيبقى ليا دعوه بيكي. فتحت عيناها له بضجر -و لا الامتحان كمان و لا ليك دعوه بأي حاجه تخصني. مالك منبهاً لها -بطلي طريقتك دي، ماتحوليش تستفزيني و تختبري صبري عليكي اكتر من كده، قولتلك قومي يلا اجهزي عشان تلحقي تفطري و تاخذي علاجك قبل الامتحان. قفزت من علي الفراش سريعاً مبتعدة عنه بصراخ... -انا لا بستفزك و لا عايزة اتكلم معاك اصلاً، و لو سمحت مش كل شوية تقولي خدي علاجك انا مش مجنونه عشان اعيش على المهدئات. مالك قابضاً على يده، جابراً نفسه علي الصبر -يا رب صبرني عليها، انا اللي مجنون يا شذى، ممكن بقى تخلصي عشان الحق اوديكي الكلية عشان الحق اروح شغلي. اتجهت نحو خزانة ملابسها، دون النظر اليه: -لاء كتر خيرك، اتفضل حضرتك روح شغلك زي مانت عايز وانا هاروح لوحدي. مالك وقد نفذ منه كل الصبر الان، و سريعاً ما قبض على رسغها، مجبرها على الالتفات له -تروحي لوحدك فين هو انتي تعرفي حاجه هنا. كورت قبضتيها الصغيرتان و بدئت تضرب صدره العريض و عينها تفيض دمعاً بشده. تركها تدق على صدره كما تشاء، تفيض سيل دمعها مثلما تشاء، لم يعنفها او حتى يصدها، الي ان بدئت تهدئ، لفت يدها حول خصره بتملك و دفنت وجهها بين عضلات صدره، لا تريد شيئاً الان سوي امانه هو فقط. هو أيضاً كان يحتاج هذا العناق، يريد أن يهدئ بها و لها، يتحلى بالصبر و بداخله بركان ثائر، و كيف يخمد بالابتعاد عنها. مالك رابتاً على ظهرها بهدوء -صليتي الفجر يا شذى. هزت رأسها يميناً و يساراً بالنفي، و مازلت مختبئه بحضنه مؤكده له. -لو كنت انت هنا كنت صحتني عشان اصلي، لكن انت سيبتني لوحدي. مالك ساخراً منها -يا سلام طب افرضي انا مت مش هاتصلى بقى مش كده. -بعد الشر عليك يا حبيبي. قالتها سريعة متلهفه، تزيد من احتضانه، ليشعر هو و كأنه يملك العالم بأكمله و هي بين يديه. ليحل وثاق يدها بهدوء و يبتعد عنها قليلا مردفاً لها... -ابعدي عني، انا صايم يا شذي. الفصل الثالث والثلاثون ❈-❈-❈ عنفت نفسها على ضعفها امامه، ابتعدت عنه لتسرع في تحضير ملابسها دون النظر له مردفه بلا اهتمام. - على فكره انا كمان صايمه إندهش عندما قالتها فرح من داخلها لمجرد شعوره بانها تتخذ قدره حسنه لها لكنه نفى تقليدها الأعمى له. - لا مش هتصومي ما كان منها الا انها اندهشت هي الاخرى بغرابه يريد ان يصيروا غضبها من الان حتى صيامها يتدخل فيه شذى رافعه حاجبها الأيمن. - لا والله وده من ايه بقى ان شاء الله حاطه صيامي هتتدخل فيه يا دكتور مالك بتحدي -ما هو علشان انا دكتور لازم اتدخل وامنعك من الصيام يا شذى شذى بتحدي اكبر -ليه وانت شايفني انا كمان مسنه ولا عندي مرض مزمن يا دكتور. اخذ مالك وحلته من الخزانه متجنبا النظر اليه غير عاليا صراخها. - اولا انتِ لو كنت ناويه تصومي ثلاث ايام الصيام كان هيبقى من امبارح ثانياً انتِ بتاخدي علاج وليه مواعيد محدده لازم تاخديه فيها، ثالثاً بقى وده المهم انتِ ماكلتيش امبارح كويس حتى مش اتسحرتي وعندك امتحان النهارده يعني لازم تكوني مركزه كويس جدا تقدري تقولي لي هتركزي ازاي بقى؟ ارتدت اسدال صلاتها على منامتها مستعده لتذهب و تضغط بيدها على مقبض الباب وفتحته ولكنها القت نظره لائمه وكلمات اكثر لوما عليه. - وانت فاكر اني هقدر اركز في حاجه بطريقتك دي معايا حتى من غير طريقتك دي اطمن انا مدمره من جوايا لدرجه اني حتى النفس اللي بتنفسه مش حاسه بيه، تفتكر بقى هفكر في اكل او شرب اغمض عينه بالم تلك الجميله تملك حزنا يجعلها كإمرأه هارمه قد اكل عليها الظهر وشرب، لكن كيف يعيدها الى الحياه وهي تزيد من تقليل شانه وهذا ما لم يرضى به ابداً ارتدى ملابسه على قبل ان تصعد اليه مستعداً ليوصلها الى جامعتها ثم ترجل على الدرج هابطا للاسفل متقابلا معها. ليردف مالك بهدوء تام. - يلا صلي الصبح والبسي وانا هستناكي في العربيه، مش هقول لك طبعاً انك تتاكدي من لبس نقابك كامل وتاخدي علاجك يا شذى. قررت التلاعب بعقله وايغاظته، وقفت من الاعلى تناديه سائله. -مالك التف اليها قبل ان يبرح اخر درجه ناظرا للاعلى - تعمل ايه لو نزلت ليك من غير النقاب لمحت بعينيها عروق يده النافره اثر تكويره قبضته بقوه لكنه اجابها ببرود. - هكسر لك رجلك اللي اتجرئت وخرجتك ليا من غيره يا شذى. دبت بقدميها ارضاً معلنة عن غيظها هي لتختفي من امام نظره ويبتسم هو على دبدبتها كالاطفال بكل سهوله ❈-❈-❈ وفي تمام الحادية عشر ظهرا ترجلت خارج لجنه امتحان ها، وقفت امام بابها حائره خائفه، هي لا تعرف احدا هنا، وليست عندها الشجاعه بان تتعرف على احد، وفي ظل تفكيرها هذا وجدت رنين هاتفها يصدح معلناً عن اتصال منه فتحت الهاتف متلهفه على الرد عليه لتهمس بصوت رقيق -مالك. لكم تمنى ان يقولها لها لا يوجد سواكي في قلب مالك، لكن تراجع لسانه في اخر لحظه ليقول بهدوء. - عملتِ ايه - مش عارفه انا حليت خلاص - طب وخايفه كده ليه تلفتت حولها تبحث عنها لتجده يقف في اخر الرواق يضع الهاتف جانب أذنه وعينه عليها كانه اول يوم تقضيه طفله بالروضه بعيدا عن ابيها جرت نعم جرت وسط ذهول الطلاب من حولها، لتقف امامه قبل ان تصطدم بصدره وتلقي بنفسها بين ذراعيه شذى بتلهف وعين دامعه. - مالك انا كنت هموت من الرعب وانا لوحدي صعق من تهورها هذا سحبها من يدها مبتعدا عن الانظار - اعمل في جنانك ده ايه شوفتي عمرك واحده منتقبه بتجري زي الاطفال كده لتهتف شذى وقد فاض بها الكيل وطفح. -يا مالك حرام عليك بقول لك كنت هموت من الرعب وخايفه انا اصلاً افتكرتك مشيت وسبتني لوحدي ماكنتش عارفه اعمل ايه فتح لها باب السياره ادخلها بها والتف يجلس بمكانه ليقود بسرعه قبل ان تتلف اعصابه بالكامل واردف لها بعنف - انا مامشيتش اصلاً وفضلت مستنيكِ لحد ما تخرجي. شذى بحب - مش كنت بتقول انك عايز تلحق شغلك قعدت ليه مالك ساخراً. - اصلي خفت خفت تخرجي من اللجنه وتقفي خايفه ما تعرفيش تتصرفي زي ما عملتِ كده بالظبط خفت عليكِ يا شذى كفايه بقى يا مالك. صرخت بها ووضعت راحة يادها على وجهها مكمله - حرام عليك بقى انا اعصابي تعبت من كل اللي انا فيه ده مالك ملفتاً نظرها. - ومين اللي بيخلق الخناق ده، مين اللي بيهين التاني كل شويه، مين اللي كل تصرفاتها زي الاطفال، ومخلياني عيني عليها في كل حاجه وفي الاخر بتتهمني اني جبان - انا اسفه والله اسفه إعمل اللي انت عايزه بس لو سمحت خلينا ناخد هدنه من العصبيه والخناق عشان حتى اقدر اركز في باقي الامتحانات بتاعتي. أردف مالك بضجر. - وبالنسبه لأمتحان النهارده شذى بحزن. - ما اعرفش بقى انا حليته خلاص مالك بتحذير. - وانا مش هقبل بانك تطلعي بماده يا شذى صمتت وأشاحت وجهها للجهه الاخرى بحزن ليكمل هو محاولا تهدئه نفسه قبلها وتحفيزها على المذاكره - ولو نجحتِ في الترم ده من غير مواد ليكي عندي هديه حلوه مازالت على جلستها ولم تلتفت اليه لكنها همست. - مابقتش عايزه حاجه غير اني اعيش يومين من غير شَدة الأعصاب والخناق ده، انا بجد تعبت يا مالك، كادت تفتح باب السياره عندما توقف امام المنزل الا انها تفاجئت بإمساكه ليها، استدارت له دون ان تتحدث. اخذ نفسا عميقا قبل ان يحدثها ليزفره براحه مردفا لها. - انا كمان تعبت احنا فعلا لازم ناخد هدنه بس معلش استحمليني يومين الامتحانات دول كمان لحد ما يخلصوا بعدها هترتاحي مني فتره كويسه - قصدك ايه - انا قدامي عشرة ايام واسافر عشان المؤتمر الطبي وهقعد بره حوالي خمسة عشرة يوما اظن ان ده وقت كافي عشان تقدري ترتبي افكارك وتريحي اعصابك وتريحيني معاكي يا شذى نفضت يدها من يده ورفعت وشاح وجهها ليرى سيلاً من دمعها على وجنتيها المقتذتان باللون الاحمر وهمست له - انت فاهم أني كده اعصابي هترتاح يا مالك. مد يده وانزل وشاحها على وجهها مره اخرى وضع يده على عجله القياده ضاغطا عليها بشده ناظراً للامام - على الاقل هترتاحي من عصبيتي عليكِ يلا انزلي وادخلي نامي لك شويه وبعدها ابقي قومي ذاكري سحبت حقيبتها وتركته وذهبت نحو باب المنزل تدقه متذكرة أنه يتبعها، لكنها تفاجات بانه قد ادار محرك السياره مره اخرى واستعد للرحيل فتحت والدتها الباب، وقذفت لها بيدها حقيبتها واتجهت نحوه قبل ان يرحل شذى سريعاً -استنى يا مالك. مالك ملفتاً لها. -نعم عايزة حاجة إنحنت برأسها أمام نافذة السيرة لتنظر له. -إنت رايح فين. ليصيح مالك بعصبية. -أتعدلي ماتوطيش كده في الشارع. اعتدلت بحزن و وقفت بجانب السيارة حين رأته يفتح بابه وينزلق من على مقعده، لائماً نفسه على تعصبه عليها وذهب لها سريعاً. -ممكن ماتبقيش توطي كده في الشارع تاني -الله كنت عايزة أكلمك. -كنتي عايزة حاجة يعني هزت رأسها يميناً و يساراً، و وقفت متلعثمة تفرك أصابعها في بعضهم. ليرأف هو بحالها ويهمس لها. -طيب أنا رايح شغلي وهارجع قبل المغرب بأمر الله، يلا ادخلي بقى ولو عوذتي حاجة إبقى كلميني. اومئت له براسها ودلفت داخل البيت متخطيه والدتها التي ما زالت تقف تراقبهم وعندما تخططها اشارت له بيدها متسائله بمعنى - في ايه رفع كتفاه ومط شفتيه السفلى لها بمعنى انه لا يعلم ثم اشار لها بالسلام واستقر سيارته وسريعا ما رحل. ❈-❈-❈ اغلقت ماجده بالمنزل واتجهت خلف ابنتها التي تصعد الدرج سريعا لتوقفها - استني يا شذى مش تقولي لي عملتِ ايه في الامتحان وقفت على الدرج ناظره لها لترد عليها وتسالها بنفس الوقت. -الحمد لله يا ماما هو مالك مشي -اه مشي يا حبيبتي اطلعي غيري لبسك وانزلي كلي حاجه. - لا انا هنام شويه هي خالتو فين - في المطبخ انزلي سلمي عليها واقعدي معانا شويه وبعدين ابقي نامي زي ما انت عايزه. أومئت لها براسها مؤكده - طيب يا ماما انا هنزل لكم كمان شويه صعدت الدرج سريعا واتجهت والدتها للداخل حيث شقيقتها كانت جالسه كعادتها تحضر الطعام وعندما ولجت عليها شقيقتها سالتها الحاجة مجيدة. - ها رجعوا ماجدة نافية. - لا دي شذى بس اللي دخلت وطلعت اوضتهم مالك مشي تاني بالعربيه - تلاقيه رجع المستشفى تاني وهي عملت ايه في الامتحان. -بتقول الحمد لله، بس مش عارفة مالها زعلانة ليه -ياختي هي من إمتى بنتك دي بان عليها فرح، إلا ما شوفتها مرة بتضحك، ربنا رزقها بجمال البنات كلها بتحسدها عليه وهي عاملة زي البومة. -على فكرة بقى الله يسامحك. قالتها شذى الوقفة على الباب تستمع إلى حديثهم. ضحكت الحاجة مجيدة مشاكسة لها. -هايسامحني على ايه ولا ايه بس، دا كفاية إني بليت الواد الغلبان بيكي. شذى بحزن. -كده برضو يا خالتو يعني أنا بلوة -أه وبلوة كبيرة كمان، تعالي اقعدي هنا يا بت انتي جلست بجوارها تفصص معها حبات البزلاء، لتكمل خالتها. -ها مالك زعلك في ايه النهاردة؟ بكل سلبية أجابتها. -عادي بقى يا خالتو أنا أخدت على كدة خلاص. نفخت الأخرى بنفاذ صبر. -أنطقي يا بت ماتطلعيش روحي معاكي. شذى باحباط -انا بجد تعبت من عصبيته دي تصوري اني لما خرجت من الامتحان كنت هموت من الخوف وانا لوحدي ولما لقيته مستنيني فرحت وجريت عليه عارفه عمل ايه اول ما وصلت له الحاجه مجيده مبتسمه لها -عمل إيه يعني ضربك. - لا جرني من ايدي وراه زي المعزه وحدفني جوه العربيه وقعد يزعق ويقول لي، فاكره نفسك طفله ولما وصلنا هنا بكلمه من شباك العربية لقيته بيزعق ثاني ويقول لي ما توطيش في الشارع كده التفتت ماجده من امام الطاهي وهتفت - ومش واخده بالك ان دي غيره يا شذى شذى منتبهه الى والدتها -غيرة ازاي يا ماما بس. اردفت خالتها مؤكده بمثل شعبي قديم. - زي الناس يا روح..... قال اللي ما يشوفش من الغربال يبقى اعمى يعني يعمل لك ايه اكثر من كده عشان يثبت لك انه غيران عليكِ، يحطك في صندوق ويقفل عليكِ عشان تصدقي. شذى بإنهيار. - مش عايزاه يغير عليا عايزاه يبطل عصبيته دي كل شويه يا خالتو خالتها ضاحكة. - والله خايبة مش عارفه مصلحتك فين دا الغيره اساس الحب يا عبيطه. ❈-❈-❈ اصدرت الحاجة مجيدة امرها للجميع بأن يلتفو حول مائدة الطعام، لم تأكل اي منهم شئ، حتى يستأنس بهم في افطاره، و ها هو يحضر من المسجد، بعد أن صلى صلاته مع ابيه. كانت تجلس بجواره ساكنه تماماً، تعبث في طبقها و لم تأكل شيئاً، لاحظ هو هذا و همس لها... -مابتكليش ليه؟ فرحت لأهتمامه بها، رفعت عيناها من علي الصحن ملتفته اليه، لتراه يأكل بشراهه ولم ينظر إليها، لتهم بالوقوف من علي مقعدها بوجه عابث، هامسة بكلمه واحدة... -شبعت امسك يدها قبل أن تقف، مجبرها على الجلوس مره اخرى، مائلاً برأسه نحوها قليلاً. -مش قولتي ان احنا في هدنه، وانا وفقت عليها، خلصي طبقك كله و هاجبلك حاجه حلوه. لمعت عيناها بفرحه أخيراً، و علت ثغرها ابتسامه لطيفة، التفتت الي صحنها لتجده قد بدله لها باخر ممتلئ بكل انواع الطعام، كما قطع لها قطعة اللحم، و أشار لها عليه أمراً.... ماتقوميش غير لما الطبق ده يخلص. -بس دا كبير قوي. -و انتي في اليومين دول خسيتي قوي، يا ريت بقى تاكلي عشان ماتبقيش رفيعة. واذا به يلقى داخل اذنها بكلمة احمرت وجنتيها، و هو يقف من جانبها، دون أن يسمعه احدهم. -احم انا مش بحبك رفيعة. في غضون ثواني كانت قد انهت طبقها بالكامل، لدرجة ان وجهها قد احمر بالكامل. ❈-❈-❈ جلس مع ابيه على الاريكة الخشبية يحتسون الشاي، و يتحدثون سوياً، بينما جلسو الشقيقتان يتابعان التلفاذ، أما عنها هي فكانت تنظف الصحون بغرفة الطعام، ليلاحظ هو عدم وجودها، و يذهب اليها. مالك واقفاً عند الباب -شذى انا رايح اصلي العشا، لو سمحتي عايز لما ارجع الاقيكي صليتي و قاعدة بتذاكري بره. شذي بأبتسامه هادئة -حاضر ابتسم لها و ذهب من امامها، لتلتفت هي الي ما بيدها و تكمله. و بعد وقتٍ ليس بقليل كانت جالسه على الاريكة، مفترشة علي الطاولة الصغيرة بعض الأوراق، و منحنية عليها تمسك بيد هاتفها و بيدها الاخري قلم. جلس هو بجانبها بعد أن عاد، ليضع امامها حقيبة صغيرة بها بعض انواع الشيكولاته. فتحتها و امسكت ما فيها بفرحة كبيره، و بدون اي مقدمات ارتمت على صدره و عانقته مقبله وجنته كالاطفال. ليتفاجئو بفعلتها و ينظرو الي بعضهم بفرحة، لتهتف والدته بمشاكسة. الحاجة مجيدة -ليكم أوضة تعملو فيها الحاجات دي، بلا قلة أدب. لترد شقيقتها بلطافة -الله ماتسيبي العيال يضحكو شوية مع بعض يا مجيدة هما عملوا ايه يعني، بت يا شذى هو مالك جايبلك ايه، هاتي حته. شذي ناظرة إليهم بشر -لاء مالك جايبهم ليا انا بس، و ماتركزوش معانا بقى من اول الليلة الله يبارك لكم. فتح هو جهاز حاسوبه و قرر ان يشغل نفسه به بعد أن قبل رأسها و ابعدها عنه برفق، متابعاً مشاكستهم معاً، ويرى أيضاً وجه ابيه الواجم. مجيدة بأسف -حسرة عليا، الا ما دخلت على امك بحتة شيكولاته واحدة، لكن الأميرة شذى تجيلها شنطة مليانه مش كده. مالك ملفتاً نظرها -قللي انتي بس السكر اللي عندك و انا اجبلك اللي انتي عايزه يا سكر. أسرعت ماجدة خاطفة واحدة من الحقيبة و همت تجري من أمام ابنتها على الدرج بضحك. -طب انا بقى ماعنديش سكر، و هاخد واحدة يعني هاخد ههههههه. قفزت شذى من علي الاريكة، تجري خلفها و سقط حجاب رأسها من عليها لينسدل شعرها على ظهرها امامه، لتعم المنزل فرحه غريبة و تعلو به أصوات الضحكات. شذي بشراسة -و كمان اخدتي اكبر واحدة، طب والله يا ميمي ما هاسيبك. هتفت مجيدة بضحك وهي جالسة مكانها -شاطرة يا بت يا ماجدة، كليها كلها و ماتسبيش ليها حاجة يا بت. التفتت شذى إليها عابثه -اخ ياني منك انتي يا ماري اروح منكم فين بس يا اخواتي. همت ماجدة بفتحها، لتلتهمها و هي تصعد الدرجات قائله بفم ممتلئ -هاكلها كلها. للتتعثر في اسدالها و تسقط على الدرج في مقابلة ابنتها التي اسندتها منفزعه عليها بصرخة -يا لهوي ماما الحقني يا مالك. ماجدة متئلمة -اه ماتخفيش يا شذى، انا كويسة. مالك منحنياً عليها -خالتي انتي كويسة بجد قومي اقفى كدة. اتكأت على قدمها و همت بالوقوف مستنده على راحة يده، لكنها تألمت قليلاً. -الظاهر ان رجلي اتجزعت طلعني اوضتي يا مالك. مالك نافياً ناظراً الي قدمها -اوضتك ايه بقى، البسي نقابك يا شذى و حصليني على العربية. جرت شذى سريعاً للأعلي هاتفه بخوف -حاضر حاضر. ماجدة بعدم فهم -هاتوديني على فين، انا كويسة. مالك بضجر و هو يحملها -بلا كويسة بلا ني... بقى، انتو ايه مابتعرفوش تفرحو ابداً، من غير ما يحصل حاجة. همت الحاجة مجيدة بالذهاب خلفه و هي تلف حجابها -محسودين و النبي يا ابني والعين علينا، مش مكتوبلنا نفرح ابداً. اجلسها مالك على مقعد السيارة الأمامي مستغفراً -استغفر الله العظيم واتوب اليه، انتي رايحة على فين انتي كمان، ادخلي جوه لو سمحتي يا أمي. الحاجة مجيدة مزيحة يده فاتحه الباب الخلفي للسيارة -وسع يا واد انت من سكتي، انا مش هاسيب اختي يا حبيبي. ترجلت الصغيرة سريعاً على الدرج مرتدية نقابها، لتتقابل مع ذلك الكهل الكاره لها بالأسفل، ليقذفها بكلماتٍ صاخبه. الشيخ حسان -عمرك ما هتبقى مصدر سعادة ليه ابداً، هاتفضلي دايماً مصدر تعبه و حزنه. سالت دمعاتها و رمقته بنظرة كارهه، وغادرت المكان سريعاً، و هي تبكي بشدة. ❈-❈-❈ أخذها الي المشفى، و عندما وصلو الي هناك كان الألم قد تملك منها و ازداد ورم قدمها، ليأمر هو العاملين بأخذها الي قسم العظام وبحث عن الطبيب المختص، و الذي يدعي بالدكتور عبد الرحمن الفولي. هو راجل بأواخر العقد الرابع من عمره، ولكن من يراه يحتسبه شاب ثلاثيني، نظراً لجسده الرياضي و وجهه ذو الملامح الوسيمة. العجيب انه انجذب الي عين ماجده من اول نظره، كما ابتسم جداً علي حيائها، و خجلها منه، فكلما أراد الكشف على قدمها، اسدلت طرف اسدالها عليها ناظره الي ابن اختها بخجل. سألها الطبيب بعض الأسئلة من ضمنها، كان السؤال الذي لا يعجب النساء دائماً. دكتور عبد الرحمن -عندك كام سنه يا مدام ماجدة. ماجدة ناظرة له شرزاً -خمسة و أربعين سنه. دكتور عبد الرحمن بضحك -بس شكلك أصغر من كده على فكره، ثم وجه حديثه لمالك، -لازم نعمل اشاعه على رجليها يا دكتور، شكله كسر مضاعف انتي وقعتي ازاي. لم تخبره او حتى ترفع عيناها له، و ازداد احمرار وجهها لتخفض رأسها موارية عيناها منه. اردف مالك بدلاً عنها ضاحكاً -كانت طالعه السلم بتجري و هي بتاكل شيكولاتة فوقعت من عليه. صفعه قوية أخذها على يده منها، لتأدبه و هي تهمس له -اسكت يا ولد انت. الدكتور عبد الرحمن ضاحكاً على خجلها -طب هو يعني ماكنش ينفع تاكليها و انتي قاعدة، السن برضو ليه حكمه. اردفت ماجدة هامسه لمالك بعد أن أعطاها ظهره -ايه قلة الذوق دي، في حد يقول كده لواحدة ست. مالك ضاحكاً -الله ما هو الراجل برضو معاه حق. ماجدة مغتاظة منه -كسر حقه على حقك، و الله يا مالك لقول لمجيدة عليك، استنى عليا بس اما رجلي تخف دي بتوجعني اوي. مالك مبتسماً لها -ههههه معلش بقى يا ميمي ما هو السن ليه حكمه و العضمه كبرت برضو. ماجدة مشتعلة من الغيظ -كده يا مالك والله لوريك بس اما نروح. لتشهق بخضه عندما اتاها صوت الطبيب من خلفها. دكتور عبد الرحمن -يلا عشان نعمل الاشعة. مد مالك يده مدخلاً بعض خصالها الناعمه المتمرده داخل حجابها، لتقوم هي بعدله، و إذا به يبتعد عنها و يتركها للممرض ليزج المقعد الجالسه عليه للخارج. نظرت هي له برجاء الا يتركها وحدها، فوقف بجانب والدته و زوجته، رافعاً كفيه لها بعلامة الاستسلام. ❈-❈-❈ أخذهم وجلسو بأنتظارها في مكتبه، حتى تأخذ زوجته راحتها، و ترفع نقابها عن وجهها الممتلئ بالدموع. جلست بجوار خالتها، والتي بدورها امالت رأسها على صدرها تربت عليها بحنان. الحاجة مجيدة مطمئنة -ماتخفيش عليها يا شذى ماما هتبقى كويسة يا حبيبتي. شذي موجهه حديثها الي زوجها -انتو لقيتو في رجلها ايه يا مالك؟ مالك بجدية -رجلها اتكسرت يا شذى و الدكتور بيعمل ليها إشعة عشان يعرفو الكسر فين بالظبط. شذي ببكاء -يا حبيبتي يا ماما. مالك بهدوء -ممكن تبطلي عياط وتقعدو هنا لحد ما اخلص انا و هي و هاجي اخدكم تاني. شذي نافية -لاء خدني معاك ليها. مالك بأمر -لاء اقعدي هنا، و مش عايز كلام كتير سيبيني اشوف شغلي بقى. و هنا تدخلت الحاجة مجيدة قبل أن يحتد الأمر بينهم -خلاص يا مالك انا هاقعد انا و هي هنا لحد ما الاشعة تطلع و بعدها هانروح ليها. اجلستها مرة اخري بجانبها، ليومئ هو برأسه لهم، و يتركهم و يذهب. ❈-❈-❈ ذهب إلى قسم الأشعة، حيث كانت قد بدئت بالفعل عملها، و وقف رافعها امامه يشاهد ما بها، ليجد الكسر مبين في كاحل القدم اليمني. فاشار للدكتور عبد الرحمن بجدية -كسر مضاعف في الكاحل. ليردف الطبيب ايضاً -هاتحتاج لجبيرة من الجبس لمدة واحد و عشرين يوم. مالك موافقه الرأي -تمام، احنا مستنين ايه. الطبيب بضحك -الحقيقة هي بدئت تحس بالألم، و بصراحه كمان من كتر خجلها مش عايزة تخلي حد يقرب ليها. ابتسم مالك له و هتف -طب اتفضل حضرتك معايا و انا هاعرف اتصرف معاها وانتو بتعملوا ليها الجبيرة. الدكتور عبد الرحمن بخجل -هي اختك يا دكتور مالك؟ مالك ناظراً له ضامماً حاجبيه -لاء يا دكتور هي خالتي و ام زوجتي. ظهرت ملامح الحزن على ملامح الطبيب، الذي احنى رأسه و اردف -متزوجة. مالك مبتسماً له -ارملة. عادت الابتسامه الي وجهه مره اخرى، ونظر اليه فرحاً -كده شكلنا هيبقى لينا كلام تاني مع بعض في الموضوع ده يا دكتور. دلفو إليها ليجدها تبكي متألمة في صمت. مالك رابتاً على كتفها امامه -ايه يا ميمي الجميل زعلان ليه. وكأنها وجدت طوق نجاتها أمسكت يده متشبثه به -مالك الحقني تعالي شوف الراجل ده عمل في رجلي ايه، من ساعة ما عملي الاشعة وهي قايدة نار. جحظت عين الدكتور عبد الرحمن ورفع لها حاجبه الأيمن هاتفاً -حرام عليكي يا شيخه، هو انا لسة جيت جانبك، عشان تتبلي عليا كده. ماجدة ضاممه حاجبيها هامسة لمالك -ايه يا اخويا البلاوي دي. مالك بضحك -هههههه انا عارف يا اختي. الفصل الرابع والثلاثون ❈-❈-❈ كلما اقترب من قدمها الممدده امامها، ابعدت يده قبل أن تلمسها، تحاول اخفائها تحت اسدالها بتألم. ليهتف الدكتور عبدالرحمن فيها بوجه مغتاظ: -و بعدين معاكي يعني انا كده مش هاعرف اشوف شغلي. ماجدة ببكاء هادئ -شغل ايه يا بتاع الجبس انت، فاكر نفسك بتشطب شقه ولا ايه. رفع حاجبه بضجر، و يبدو على هذا الطبيب ان رفع الحاجب طبع من طباعه. دكتور عبد الرحمن -بقى الدكتور عبد الرحمن الفولي يتقاله بتشطب شقه يا جبارة. همست لنفسها بغضب ظانه انه لا يسمعها: -مغرور اوي. -سمعتك على فكره. رمقته بعناد -لو سمحت ماتقربش مني، و هاتلى الدكتور مالك ابن اختي، خليه يجبلي دكتورة تعالجني. زم شفتيه و ترك اشيائه من يده وجلس على المقعد بجانبها، مردفاً بلا مبالاه. -طب تمام خليكي بقى قاعدة تعيطي بوجع كده لحد ابن اختك ما يجيلك، وعلى فكرة مافيش دكاترة عظام ستات موجدين دلوقتي. لم تبالي به و كورت يدها تحت وجنتها، تنتظر ابن اختها بألم. ليهز رأسه نافياً بتفكير -عنيدة، ممكن اسألك سؤال. نظرت له شرز و اردفت بملل -اتفضل انحني للأمام ممسكاً بأشيائه مرة اخري -لو نفرض مثلاً انك وقعتي في الشارع بدل البيت، و جيه راجل غريب يساعدك، ماكنتيش هاتخليه يساعدك وانتي بحالتك دي، ولا كنتي هاتخلصي نفسك عشان تقدري توقفي على رجلك تاني. ماجدة وهي تشعر بأن قدمها قد تخدرت من شدة الألم. -خلاص المعلومة وصلت، اتفضل شوف شغلك وخلصني. ضحكة صاخبة أطلقها ناظراً لها -انتي ليه محسساني انك بتكلمي نقاش مش دكتور عظام خالص. علا جانب شفاها العلوية ساخرة -لاء ازاي دكتور و سيد الدكاتير كمان ، ماتقولش على نفسك كده، بس يا ريت تخلصني بقي. ضحكته العالية أظهرت وسامته، معلقاً على كلامها -الدكاتير دي اللي هي جمع دكتور يعني. ❈-❈-❈ فتح الباب مقبلاً عليهم و هو متمسك بيد زوجته الباكية، و من خلفهم دلفت والدته. جرت شذى لتحتضن والدتها -يا حبيبتي يا ماما، انشالله انا و انتي لاء. ماجدة محتضنه ابنتها بخجل - بعد الشر عليكي يا شذى انا كويسه يا حبيبتي و الله، حتى اسألي الدكتور قولها حضرتك. انهي الطبيب عمله، و نظر لهم بأبتسامة -اطمني خالص ماما زي الفل، بس انتو حاولو بقى ماتخدوش منها الشيكولاته، عشان ماتضطرش تجري وتكسر زي الأزاز كده تاني. ضحكو جميعاً بينما خجلت هي من مشاكسته هذه، ورمقت مالك بغضب. ماجدة ملقية عليه اللوم -عجبك كده، كان لازم تقوله على الشيكولاتة. مالك ضاحكاً هامساً لها -الله مش انتي اللي خطفتيها و جريتي، و هو سألني اكدب يعني. -لاء يا اخويا ما تكدبش، افضحني انا مع صاحبك، دا زي ما يكون ماسك عليا زله يا مالك. زجته والدته من جانبها و هو يضحك لتردف لها -سلامتك يا ماجدة الف سلامة عليكي يا حبيبتي، حاسة بأيه دلوقتي. ماجدة مطمئنة لها -انا كويسة يا مجيدة، ثم اردفت مداعبة لهم، و النبي يا جماعه ما تخوفوني على نفسي، و لا تحبو اقوم اجري ليكم تاني يعني. فاجئهم الطبيب برده منزعجاً منها -لاء مانحبش و يا ريت بقى ترتاحي الواحد و عشرين يوم دول خالص، و تحاولي بقدر الإمكان ماتضغطيش على الجبس او تجيبي عليه مايه. نظرت ماجدة الي ابنتها، ثم التفتت إلى شقيقتها، و عادت لتجذب مالك من يده، لتجبره على الانحناء لها مزمجرة له -مشيني من هنا قبل ما اقوم اخنق الراجل ده. ❈-❈-❈ عادو بها إلى المنزل، و الجميع يضحكون معها إلا شذى، التي كانت هادئة حزينة ملتصقة بوالدتها. عاونها مالك على المكوث بغرفتها و ارقدها في فراشها، لتتفاجئ بأبنتها تقتسم معها الفراش بعد أن تخلت عن نقابها. ماجدة ضاممة حاجبيها بأستهجان -بتعملي ايه يا شذى؟ شذي جاذبة الغطاء عليهما -هنام جانبك، انا اصلاً مش هاسيبك تاني ابداً. ماجدة بغضب - قومي يا بنت علي اوضتك بلاش دلع، ثم التفتت الي مالك الذي مازال واقفاً و اردفت. خد مراتك و سيبوني ارتاح يا مالك يلا بقي انا عاوزة انام. مالك بمحبه -خليها معاكي عشان لو عوزتي حاجه انا كده كده طالع الخلوه، عشان هاقيم الليل. ماجدة نافية -لسه بدري على قيام الليل، ادخلوا ارتاحوا شوية و لما يجي ميعاد قيام الليل تبقى تيجي تنام هنا. شذي بحزن - انتي بتدوري على راحته هو، و سايبة بنتك على العموم ريحي نفسك يا ماما انا مش هاقوم تاني، و هافضل لازقة فيكي كده علطول. ابتسم مالك على ضجر زوجته و قرر تركهم معاً -طب عن اذنكم انا بقى، تصبحي على خير يا خالتي و لو حسيتي بتعب او ألم مش قادرة تستحمليه، اتصلي بيا وانا هنزلك. ماجدة ممتنة له بمحبه -تسلملي يا حبيبي، انا تعبتك معايا النهاردة. ذهب مالك و تظاهرت هي بالنعاس، لتلكزها والدتها. -قومي نامي في اوضتك و بطلي دلع يا شذي. شذي بوجه عابث -دلع ايه يا ماما، واحدة و مش عايزة تسيب مامتها التعبانه، يبقى فين الدلع في كده بقى. ماجدة محاولة افهامها - يا حبيبتي انا هنام، و مش هحتاج حاجة، و اللي محتاجك دلوقتي هو جوزك، اللي كان جايبلك الشيكولاته يا شذى. ضمت حاجبيها بعدم فهم -و فيها ايه يا ماما لما يجبلي شيكولاته، بيديني رشوة مثلاً عشان عايزني اعملوا حاجه. ماجدة بغيظ من ابنتها -اه يا ختي رشوة، لتزجها بيدها من علي الفراش اقولك على حاجة قومي يا بت انتي، روحي نامي في اوضتك انا مش عايزكي تنامي جانبي. وقفت من علي الفراش قبل أن تسقط بضحك، و اذا بها تلتف بجانبها من الجهه الاخري تحتضنها و تقبل رأسها. شذي بحب -انا بحبك اوي يا ماما. ربتت ماجدة على ذراعها، و احنتها لتطبع قبلة على وجنتها بحنان. -انا كمان بحبك اوي يا قلب ماما، يلا يا حبيبتي اطفي النور و روحي ارتاحي، و انا لو حسيت بحاجة هاندهلك. اومئت لها برأسها، و اغلقت إضاءة المصباح لها و ذهبت. ❈-❈-❈ فتحت باب غرفتها وجدتها مظلمة، فاعلمت بأنه لم يدخلها، كان الجو دافئاً في هذه الليلة، فاقررت ان تشلح ادنائها من عليها ، و تنام بمنامتها الداخلية القصيرة. تمددت على الفراش و جذبت الغطاء عليها، لتشعر بأنفاس منتظمة جانبها، مدت يدها ببطئ، لتتحسس مكانه لتجده غافي بجانبها عاري الصدر، شعرت بالدماء تنفر من عروقها، فاشهقت و انتفضت حين رفع ذراعه دون وعي، و حاوط خصرها به. انتفض هو الاخر و اعتدل جالساً ليسقط الغطاء من عليهما، منير ضوء المصباح الجانبي الصغير. سحبت هي الغطاء عليها تداري صدرها و كتفيها به، فهتف منزعجاً بنعاس. -الله انتي مش قولتي هتنامي عند مامتك، جيتي ليه؟ شذي محاولة جذب الغطاء عليها أكثر. -ماما قالتلي عايزه تنام براحتها، انت مش قولت انك هاتطلع فوق. رقد مالك مرة اخري على الفراش غير عابئ بهذا الغطاء الذي سحبته بالكامل، معطيها ظهره. -قولت انام انا كمان ساعة و لا حاجة، و بعدها هاطلع ماتقلقيش، ليمد يده و يغلق ضوء المصباح مرة أخرى. شعرت بالاسف من أجله، اعتدلت جالسه هامسة له بحزن -انا متشكرة. التفت برأسه لها و همس -بتشكريني على ايه يا شذي. ضمت ركبتيها الي صدرها، واسندت ذقنها عليهم لتجيبه بشهقاتها و عينها الدمعه. -على كل حاجه يا مالك، على انك وافقت اننا نبطل خناق شوية، و على انك حاولت تفرحني النهاردة بالشيكولاته، و على تعبك مع ماما كمان. اعتدل على ظهره متألماً من أجلها -ودا بقى اللي مخليكي تعيطي، طب يا ستي ماتشكرنيش على حاجة تاني. ما زادت كلماته عليها الا بكاءً، حاولت كتم أنفاسها براحتي يدها، حتى لا يعلو صوتها، ليتفاجئ هو بفعلتها هذه، أضاء المصباح مرة أخرى، والتفت إليها ليظهر امامه جسدها شبه العاري. كان على وشك ان يلمسها، لكنه تراجع وابعد يده عنها.... -طب بتعيطي ليه دلوقتي؟ بدون اي مقدمات نظرت اليه، والقت نفسها على صدره... -عشان مش عايزة ابقى لوحدي، انا لما ماما وقعت و روحنا المستشفى النهاردة خوفت اوي. مالك محاولاً السيطرة على نفسه خوفتي من ايه بس، مانا جانبك و معاكي اهو. غمرت وجهها في صدره، ولفت يدها حول خصره واجهشت في البكاء.... -لاءه انت عايز تسيبني، و ماما لو جرالها حاجة انا هبقي لوحدي يا مالك، مش هيكون معايا حد تقدر بقى تقولي هاعمل ايه و انا لوحدي. ضمها الي صدره اكثر مهدئاً لها -مش هاسيبك حتى بعد ما ننفصل عن بعض، برضو هتبقى تحت عيني و هاخلي بالي منك. رفعت وجهها له تلومه بدمعها واردفت بكلمه واحدة -ننفصل! مالك رابتاً على شعرها، هابطاً بيده الي عنقها بطئ. -مش احنا اتكلمنا في الموضوع ده قبل كده، و قولنا هناخد هدنه و مش عايزين نتخانق. شذي بحب -بس انا مش عايزة ننفصل يا مالك. مالك بضعفٍ أمام جمالها الهادئ -صدقيني ولا انا كنت عايز كده، بس انا مش عايز حد فينا يندم يا شذى. -عمري ما هندم وانا معاك. -انتي قولتي انك مش عايزة واحد ضعيف، و انا طول عمري في حالي و مش بحب المشاكل. -بس بتحبني، قولها يا مالك سمعهالي. ابعدها عن صدره محاولاً الالتفات للجهة الاخري، هارباً من سحر عيونها. -اقولك ايه بس نامي يا شذى. شذي ملتفتة الي الجهه الاخري -انا بجد اسفه، ماتزعلش مني، و صدقني عمري ما هاطلبها منك تاني، و لا هاطلب منك انك ماتسبنيش تاني. استدار على جانبه الاخر لها، ضمها الي صدره بتملك قبل عنقها من الخلف برفق، هامساً لها. -طب ممكن تنامي بقى و تسيبيني انام انا كمان. شذى محاولة فك يده من عليها. -طب سيبني عشان انام. -بس انا عايزك تنامي في حضني كده. شذي مجففه دمعها -مش كل حاجة انت تعوزها تحصل، في حاجات كتير اوي بنعوزها و مابتحصلش. فقد كل السيطرة الان و همس لها -عايزة مني ايه، بتتعبيني و بتتعبي نفسك ليه. شذي بأنكسار وضح عليها -مش عايزة اكون لوحدي، عايزاك معايا حبني و خاف عليا ، ماتسبنيش يا مالك. لفها بين يده كاعرائس الماريونت و هتف -بحبك يا شذى. اقتحمت قبلته كرزتيها، و لم يلقى اي اعتراض منها بل شعر وكأنها تستقبل قبلته بكل ترحيب. تتجاوب معه و تهمس بها مرة تلي الاخري، و في كل مرة كان يشعر بتجاوبها معه، وهو يتحسس جسدها المرمري بكل راحة. ليلحق صرخة كادت ان تفلت من ثغرها بقبلة طويلة، معلناً لنفسه ولها بأنها أصبحت زوجته حبيبته شرعاً و قانوناً. وتنهي شهرزاد ليلتهم صامته عن الكلام المباح. ❈-❈-❈ الليلة اكتملت فرحته بها، كانت السعادة تغمره، و هو يجلسها على قدمه، يحتضنها جيداً، يمطر وجهها بقبلات رقيقة سريعة متفرقة. لقد أصبحت زوجته بكامل إرادتها، دون أن تزجره او ترتعب منه و تبتعد عنه، مثل كل مرة، أظهرت له دليل عفتها و طهارتها، وأعلن لها حبه و مضى بكل شوق سق ملكيته عليها. عيناها تسترسل لألئها الماسية بهدوء، و يستقبلها هو بشفاه مجففها لها، تعانقه بيديها، ويحاوط خصرها بتملك تام. مالك مقبلاً عنقها، هامساً داخل اذنها -لسه تعبانة. اومئت له برفق، والصقت وجنتها بجانب لحيته. شذي بشهقات هادئة -هنعمل ايه دلوقتي، مش كنت سمعت كلامي و روحنا شقتنا احسن. مالك ساخراً من نفسه و منها -اعملك ايه بس مش انتي اللي جننتيني، و جيتي في حضني، كان لازم يعني تطلبي الهدنه دي، اديني نهيت الحرب كلها، وانتصرتي عليا بحبك يا شذى. كانت تشتد بيدها على عنقه، و تلتصق به اكثر واكثر، وكأنها تريد أن تسكن بين ضلوعه. شذي متقبلة شوقه بكل ترحيب -عشان تبطل تبعد عني، و تهددني كل شوية بالانفصال، و تحبني بس. ضمها هو الاخر اكثر واكثر، لدرجة انها تأوهت من قوة ضمته -خلاص مافيش حاجة اسمها انفصال، احنا بقينا واحد، عمري ما هاسمحلك تبعدي عن عيني لحظه واحدة. ❈-❈-❈ في تمام الثانية صباحاً، فتح باب المرحاض متلصصاً للخارج، ملتفتاً يميناً و يساراً، متمسكاً بيدها خلفه، وهي مختبئة في جسده. شذي هامسه له -هاه في حد بره. مالك بريبة ينظر للأعلي -لاء مافيش يلا اطلعي بسرعه، وانا هطلع الخلوة بتاعتي أقيم الليل بقى. شذي بدلال له -لاءه ماتسبنيش لوحدي، تعالي صلى في اوضتنا. مالك بسخرية -اطلعي يا شذي الله يهديكي، هو انا لو طلعت معاكي هاصلي اصلاً. جرت من أمامه و هي تضحك، وتلهب قلبه بدلالها ، ليبتسم لها و يعود الي المرحاض، ليتوضأ مرة أخرى. ❈-❈-❈ قبل أن تقبض على باب غرفتها وقفت بفرحة تنظر إلى غرفة والدتها، تريد أن تذهب إليها لتخبرها بمدى سعادتها، لكن كيف تقول هذا و قد أخبروها منذ اول ايام زواجهم به. عزمت امرها ان تذهب إليها، لكن لن تقول شيئاً، ستقول انها اتية لتطمئن عليها فقط إن استيقظت. فتحت الباب بهدوء، ولجت إليها في الظلام، وانحنت على رأسها و قبلتها. استيقظت ماجدة و عيناها كلها نعاس، فاهمست لها بصوت متحشرج -الله شذى، سيبتي جوزك وجيتي ليه. شذي بتلعثم -مافيش يا ماما، مالك طلع الخلوة بتاعته، و انا جيت اطمن عليكي بس. ماجدة بسخرية -طلع الخلوة بتاعته، دانا قولت ربنا هداكم و نمتو بعد الدوشه اللي كنتو عاملينها دي. شذي بشهقة -ها يا لهوي عليكي يا ماما، انتي كنتي سمعانا. ماجدة بضحك -ههههههه اه ياختي، إنما قوليلي انتي نزلتي الحمام و..... دلوقتي. شذي بخجل منها -الله يا ماما بقى. ماجدة بضحك اكثر -هههههههه ربنا يسعدك و يفرحني بعوضك قريب يا حبيبتي. شذي بتفكير - عوضي! ماجدة موضحة لها -اه شدي حيلك بقى و هاتي لينا بيبي صغير كده نلعب بيه و يملي البيت كله فرحة. شذي بتذكر - ان شاء الله يا ماما، اصلاً مالك بيحب الأطفال قوي. ماجدة داعية لهم -ربنا يرضيكم ويسعدكم يا رب يا حبيبتي. ❈-❈-❈ انها الثالثة ظهراً مازلت غافية في فراشها، و لم يزعجها اي منهم، بأمر من زوجها الذي ايقظها عند اذان الفجر لتصلي خلفه، و بعدها تركها تغفو كما تشاء. ليعود من عمله و يدلف اليها، جلس بجانبها على الفراش، يعبث في شعرها بحنان. مالك هامساً لها بهدوء -حبيبي مش هيصحي من النوم و يفقولي شوية. فتحت عيناها بلمعة براقة و همست -مالك. مالك بفرحه -قلب مالك و روحه يا ناس. يلا قومي بقى انا عايز حاجة حلوة على الفطار. استدارت شذي معطياه ظهرها بدلع - لاء انا تعبانة. مالك زاماماً شفتيه -سلامتك يا قلبي، يعني هاتفضلي نايمة و سايبة مالك لوحده كده. لفت وجهها اليه ناظرة ومستفهمه -عايز ايه يا مالك. مالك ضاحكاً -هههههههه على فكرة انا صايم يا شذى، و دماغك ماتروحش لبعيد. شذي متأففه -طب خلاص سيبني انام بقى لحد المغرب. مالك محزرها -خلاص على راحتك نامي، بس بقى ابقى شوفي هتقولي ايه يا حلوة لما الحاجة مجيدة تسألك سايبة امك تعبانة لوحدها ونايمة كل ده ليه. قفذت الغطاء من عليها وزجته من جانبها معتدله لتنزلق للأسفل. -يا لهوي على الكسوف اللي انتي فيه يا شذى، قولتلك نروح بيتنا يا مالك. اوقفها سريعاً قبل أن تفتح الباب -رايحة فين بالبيجامة و بشعرك ده. التفتت له بضجر -اوف بقى هو انا لسه هالبس الاسدال. أشار لها بيديه منهياً الحديث -ماتحوليش عشان مافيهاش نقاش دي على فكرة. دبت قدمها في الأرض كالاطفال وجذبت اسدالها من علي المشجب لترتديه. وقف هو من خلفها مقبلاً رأسها هامساً -عايز اكل رز بلبن من ايدك الحلوه دي، يلا صلي العصر واعمليه ليا. التفتت له بحب و اردفت هاعملك حاجه احلى منه و اشوف بقى هتعجبك و لا لاءه، و قبل ان تقبل وجنته ابتعد عنها سابقها الي الخارج. -يلا يا شذى الله يرضى عليكي يا بنتي يلا. ضحكت بصوت مرتفع و هي تراه يهرب سريعاً من امامها. ❈-❈-❈ ذهبت إليهم بالأسفل، و كان وجهها مشرقاً بطريقة ملفته لهم، لتضم خالتها حاجبيها مبتسمة لها -نموسيتك بامبي يا بنت اختي صح النوم يا أميرة شذى. شذي بوجنتان بلون حبات الفراولة -انا نمت كتير النهاردة معلش اصلي كنت تعبانة شوية. ربتت ماجدة بحنان على ظهرها -نوم العوافي يا حبيبتي ماجراش حاجة، ما هو مالك قالنا الصبح. جحظت عيناها والتفت سريعاً الي زوجها تنظر اليه بريبة. مالك مطمئناً لها -طلما السهر في المذاكرة بيتعبك كده ماتبقيش تسهري تاني. تنفست الصعداء و هدئت نفسها واردفت هامسه له -حاضر. وهنا تحدث ابيه بوجه واجم -طب يا ريت بقى تسيبك من الكلام الفاضي ده، وتقول لينا الموضوع المهم اللي سيبت امك عمايل الاكل عشانه. رمقته شذى بعين كارهه، لا تعلم سبب عداء هذا الرجل لها. بينما فاجئهم مالك بجملة، اجحظت عيونهم، و شهقت نفوسهم. مالك ناظراً الي خالته مبتسماً -ماجدة جايلها عريس. -يا نهار اسود. كان هذا رد ماجدة عليه حين تفاجئت بكلماته، لتوقفها شقيقتها معنفه. الحاجة مجيدة بفرحة غريبة ناسود ليه يا هبله ما هو ابيض بلون الجبس اهو، قولنا يا واد يا مالك، مين يا حبيبي العريس ده. مالك ضاحكاً -هههههه بتاع الجبس يا أمي. الحاجة مجيدة -يا الف نهار ابيض، والنبي من ساعة ما شوفته وانا حاسة. ماجدة ناهرة لها -اسكتي يا مجيدة، عريس ايه و.... ايه لاء طبعاً قوله طلبه مرفوض يا مالك. رفع مالك كتفه بلا مبالاة و هتف -خلاص زي مانتي عايزة بس ممكن اعرف رافضة ليه، متهيألي دا عريس مايترفضش يعني، دكتور كبير، و له مركزه. ماجدة نافية -و انا مالي بمركزه، هو انا هاطلع ليه بطاقه و لا اصلاً عايزة اعرفه. مجيدة بضجر لاختها -و هاتعملي ايه بوحدتك يا ختي، بنتك وانتي مطمنه عليها مع جوزها، وانتي مش كبيرة اوي، وحلوه تقدري تقوليلي هتقعدي لوحدك في البيت ازاي، انا اصلاً ماكنتش هاسمح ليكي تقعدي لوحدك يبقى تقولي لاء على العريس ليه بقى. ماجدة بصخب - انتي خلاص خلتيه عريس، و لا تكوني ناسية اني ارملة لسة مكملتش تلات شهور، و لا أصلاً تكونو ناسين اللي انا و بنتي فيه. التفتتو جميعاً الي تلك التي مازالت واقفة، تفرك يدها في بعضهم بصمت. ليشير لها زوجها بأن تأتي له -الله واقفة كده ليه يا شذى تعالي اقعدي جانبي هنا. اعطتهم ظهرها و التفتت للرواق سريعاً، وهي تردف بغضب -اقعد ليه الموضوع كله مايهمنيش من أصله. ❈-❈-❈ وقفت بعين دامعة تكمل ما كانت تطهيه خالتها من طعام الإفطار، و لم تنسى أن تعد له حلواه. ولج هو من خلفها، ليفهم منها لما الحزن او الرفض الذي قرأه في عيناها. مالك بهدوء -بتعملي ايه. شذي بتهجم -بسبوسة مالك متصنعاً الفرحة -الله الله بسبوسة مره واحدة، خدي بالك انا بحب الحلويات، و انتي كدة هاتخليني اتخن و هيبقى شكلي وحش. مازلت محتفظة بوجومها لكنها همست -لاء انت حلو في كل حالتك. مالك بضحك -دي معاكسة صريحه بقى. شذي بحزن -سيبني في حالي يا مالك. مالك رابتاً على كتفها -خلاص يا قلب مالك حالك بقى هو حالي، قوليلي بقى الجميل زعلان ليه و مزعلني معاه. شذي و قد نظرت له بعين دامعه -عايزني افرح و امي جايلها عريس. مالك ضاممها الي صدره مأنباً لها -ماتبقيش أنانية يا شذى، انتي عجباكي وحدتها دي، مامتك لسه صغيرة و حلوة، و حرام تعيش وحيدة. رفعت وجهها و ابتعدت عنه -هي مش لوحدها و لا حاجة، ما هي قاعدة معانا اهيه و انا مش بسيبها الا وقت النوم بس، و لو عايزة انام معاها في الاوضة كمان، مش هاسيبها بس ماتتجوزش حد بعد ابويا. قرص مالك على اذناها من اعلى حجابها معنفاً لها بهمس -تنامي فين ها، الكلام ده كان ممكن اسمح بيه قبل اللي حصل بينا امبارح، إنما النهاردة لاءه يا حبيبتي انتي مش هتنامي جنب حد ولا في حضن حد غيري انا، ثم تعالي هنا، ابوكي اللي يرحمه يا ستي مات و سابها اكيد هي بقي مش هاتترهبن يا عنى. شذي ضاربه على يده بخفه -لاء تترهبن هو ابويا كان شوية، مش هو ده محمد العسال حب عمرها اللي هربت وسابت ليكم البيت كله عشانه، جاية دلوقتي تشوف عريس غيره، دي حتي لسه ماوفتش عدتها، طب كانت تصبر شوية. مالك جالساً على المقعد واضعاً قدم فوق الاخري -انتي بتتكلمي كده و كأنها تعرف العريس وموافقة عليه ، دا الراجل لسه شايفها امبارح وقفت شذى أمام الطاهي تقلب الطعام ناظرة اليه بجانب عيناها -و لما هو لسه اول مره يشوفها، يقوم يطلبها للجواز النهاردة، ولا هو راجل عنيه زايغه بقى. مالك عابثاً الوجه -لاء على فكره دا راجل متدين و محترم جداً بس هو مطلق من فترة كبيرة و لما شاف مامتك امبارح حس انها مناسبة ليه. شذي برعونة -مناسبة ليه من ناحية ايه بقى انشاء الله. رد مالك عليها بجديه -من حيث فرق السن بينهم يا شذى، ومن حيث كمان القبول من ناحيته لمامتك، و من حيث تدينها وخجلها منه وهو بيجبس ليها رجليها. شذي ناهية الحوار -وحضرتك جاي تقنعني انا ليه بص لو هي اللي بعتاك عشان أوافق، روح قولها ان الطلب ده مرفوض. الفصل الخامس والثلاثون ❈-❈-❈ كانت الاجواء بينهم كاشرارة خرجت من سلك شائك، صعدت الي غرفتها غير عابئه بأي منهم. حتى لم تجلس معهم على مائدة الإفطار، و فضلت ان تجلس وحدها بغرفتها تستذكر دروسها. هو أيضاً لم يهتم بها، فهي ليس لها أي حق في الرفض أو القبول، ولا حتى لها الحق في ان تغضب هكذا. أتم افطاره معهم وذهب ليؤدي فرض العشاء في الضريح، بالأساس كان فرحاً من داخله بأنها أصبحت زوجته، و بانها اثبتت دليل برائتها من كل ظنونه، ظل يصلي ويشكر ربه مدة لا بأس بها، و حين عاد كان والده و والدته يستعدون للصعود الي غرفتهم، وخالته تجلس بأنتظاره حتى يعاونها على الصعود هي الاخري. مالك متعجباً -الله انتو هاتطلعو تنامو من دلوقتي دا لسه بدري. اردفت الحاجة مجيدة بحزن -و هانقعد نعمل ايه ما المحروسة نكدت علي الكل، انا مش عارفة البت دي بتفكر ازاي بس. الشيخ حسان بصوت جدي -قولتلك يا ماجدة ماتسمعيش كلامها، هي حتة العيلة دي هتمشي كلامها عليكي وعلى الكل ليه؟ هي اصلاً مالهاش اي حق. مالك مهدئاً لوالده -براحة بس يا ابويا، هي يمكن فعلاً ملهاش حق في كده، بس برضو مش عايزين ننسى انها متعلقة بمامتها. ماجدة مؤيدة كلامه -صح يا مالك، انا بنتي ملهاش حد في الدنيا دي غيري انا، انت دلوقتي ربنا يخليك ليها، صحيح بقيت امانها و سندها في الدنيا، بس برضو انا هافضل ليها الحضن الدافي اللي بترمي همومها فيه، امها واختها وصاحبتها انا سرها، عشان كدة مش لازم ابعد عنها، بكره تقول للدكتور صاحبك ده أن طلبه فعلاَ مرفوض. مالك ناظراً الي والده و والدته -طب اتفضلوا انتو اطلعو، و انا هاقعد مع ماجدة شوية و بعدين نحصلكم احنا كمان. اومؤ له برؤوسهم بالموافقة، وسحب الشيخ حسان زوجته خلفه قبل أن تتحدث برعونة، ثم التفت مالك إليها متجهاً نحوها. جلس في مقابلتها على الاريكة الاخري، و مد يده مجتذب إحدى اطباق الحلوى الموضوعه على المنضدة امامه متذوقاً قطعة بسبوسة ليردف بعجاب. -الحقيقة بنتك شاطرة اوي في عمل الاكل والحلويات يا ماجدة. ماجدة ضاحكة -هههههه بالف هنا يا حبيبي ما هو الحلو مش بيعمل غير كل حاجة حلوه يا مالك. مالك مؤيداً رأيها -فعلاَ عندك حق، وهي حلوة اوي في كل حاجة، الا العند. ماجدة بحزن -ورثاه من ابوها يا مالك. مالك مجيباً -طب و انتي ذنبك ايه، توافقيها الرأي ليه، مافيش حاجة تجبرك انك تسمعي كلامها و تعيشي باقي عمرك لوحدك. ماجدة نافية -انا مش لوحدي انتو معايا، صحيح هاتنقل في البيت التاني لما رجلي تخف، بس برضو هابقي طول النهار معاكم. مالك متحفذاً -لاء انتي مش هتتنقلي لوحدك في البيت، و بعدين حتى لو فضلتي معانا هنا، مانتي برضو بيجي عليكي الليل بتبقى لوحدك، ثم انتي واثقة ومطمنه ان بنتك معايا، يبقى ليه الرفض بس بصراحة انا مش شايف اي سبب يخليكي ترفضي. ماجدة نافية -لاء في أسباب تانيه، مش رفض شذى بس، انت ناسي اللي احنا فيه ولا ايه. ضم مالك حاجبيه متذكراً -ايه اللي انتو فيه، اه موضوع جوزك وأهله يعني، طب ما هو جوزك مات واهله بعدو عنكم، دا انتو سيبتو ليهم البلد بحالها، و بعدين انا برضو مش هاخليه يجي يتقدم ليكي من غير ما اكون اديته فكرة عنك، و هو كمان قالي تقريباً كل حاجة عنه. ماجدة منتبهه لما يقول -قولتلو ان جوزي اتقتل وأننا هاربنين من الموت يا مالك، قولتله ان بنتي اتعرضت للتحرش وأننا اطردنا من بيتنا قبل مانتف.. في وسط الشارع. تهجم وجهه و نظر اليها شرزاً واردف بغضب: -لاء طبعاً انا ماقولتش حاجة زي كدة، و اظن سيرة مراتي وسمعتها ماتخصش حد غيري، انا اه قولتله ان جوزك اتقتل، وأن عيلته كلها بلطجية، بس هو عرف اللي يخصه من ناحيتك مالهوش دعوة ببنتك يا ماجدة. -يعني قولتله اني هربت زمان عشان خاطر محمد العسال. ظنت انها قد فاجئته بردها هذا، ليبتسم لها و يربت على كتفها بمودة. -اه يا خالتي قولتله، والرجل مابينش اي اعتراض، بالعكس ده قال ان حياتك في الماضي تخصك انتي بس و هو مالوش انه يحاسب او حتي يتكلم في ده. -يعني فض... قدام الراجل و لسه عايز الرد، دا باينه مابيفهمش و لا ايه. -هههههههه لاء على فكره دا دكتور محترم جداً، بس هو اللي الدنيا لطشت معاه اوي، كان متجوز واحدة يونانية وخلف منها ولدين توأم و هو عنده تلاتين سنه، اخدتهم منه و رجعت بلدها بعد ما طلبت الطلاق، و من ساعتها و هو مايعرفش عن ولاده دول حاجة، وعايش لوحده. اردفت ماجدة بطيبة -يا عيني يا مالك دا تلاقيهم كبرو وبقو شباب دلوقتي، ماهو برضو شكله مش صغير. قرر ان يخبرها كل شئ يخص صديقه الطبيب، عندما وجدها متشوقة لسماع قصته. -عنده تسعة وأربعين سنه، و بيشتغل في المستشفى و عنده عيادة خاصة بيه، قريبة من فيلته، على فكره هو راجل ارستقراطي كده وتحسيه مرتب في كل حاجة، وأهم حاجة بقى انه مش همجي و هادي خالص، يعني مش هيتعبك نهائي في اي حاجة. -حيلك يا بني، انت بتتكلم كده و كأني وافقت. -و ترفضي ليه بس، انا نفسي اعرف انتي هتستفيدي ايه من وحدتك دي. -بنتي معايا. -لاء بنتك معايا انا، ومتفكريش اني ممكن اسيبها لحظة ليكي او لأي حد. ماجدة بحزن -بس هي رافضة. مالك وقد شعر بلين رأسها -وافقي انتي ومالكيش دعوة بيها، يا ستي إن كان على موافقتها انا هاجبها لحد عندك، وهي بنفسها هاتبلغك بيها. نظرت ماجدة له بابتسامة و قد رأي في عيونها الموافقة فأومئ لها برأسه قائلاً بمداعبة. -على خيرة الله يا ماجدة يا بنتي، بيقولو السكوت علامة الرضا، يلا نطلع بقى وربنا يتمم بخير، و يقدرني على المجنونة اللي فوق دي. ضحكت ماجدة كثيراً من قلبها على كلماته وصعد بها وهو يضحك معها، ثم ولج بها داخل غرفتها ليعاونها على التمدد في فراشها. ماجدة رابته على راحة يده -مالك ماتبلغش صاحبك بأي حاجة غير لما تكون متأكد من موافقة شذى، و لو هي صممت على رأيها يبقى تبلغه برفضي انا كمان. دثرها مالك بالغطاء و هتف -اطمني يا خالتي، انا مش هاعمل غير اللي يريحك، وإن كان على شذي، فدي بقي سيبيها عليا هتوافق يعني هتوافق. - دلف إليها وجدها جالسه خلف مكتبه، فاتحة جهاز الحاسوب تبعه، تستذكر عليه دروسها منهمكة بحماس. جحظ مالك عينه واقترب منها سريعاً، ظناً انها تفتش فيه، ليري ما تفعله بجهازه -انتي بتعملي ايه. شهقت شذى بفزع وصاحت بصوت عالي -في ايه خضتني يا اخي. لف مالك الجهاز و انحني امامه ليعبث وجهه و هو يرى تلك الملفات التي حملتها، وفتحتها عليه. -مين قالك تفتحي اللابتوب بتاعي، وكمان حملتي عليه حاجات، اسمعي انا مش بحب كده، الجهاز ده متسجل عليه عمليات وأفلام وثائقية مهمه جداً. شذي بحزن -وانا مالي و مال عملياتك، على العموم انا اسفة انا بس عيني وجعتني من المذاكره على التليفون، قولت انقل الفولدرات على الجهاز بتاعك عشان الكتابة تبقى أوضح، ماكنتش اعرف انك هتزعل كده، بس خلاص امسحهم، ولا تضايق نفسك، انا مش هقرب من اي حاجة تخصك تاني. اغمض مالك عينه لمدة ثانيه بتعصب، قابضاً على اصابع يده، يدق بها على مكتبه وهو ينطق بنفاذ صبر. -شذى، بطلي هبل مافيش حاجة بينا اسمها تخصني وتخصك. بس انا محضر على اللابتوب ده، كل شغل المؤتمر الطبي، وكان ممكن تقوليلي انك عايزة لابتوب وانا اجبلك واحد جديد على فكره بدل ما تبوظي ليا شغلي. زجته شذى بلا مبالاة، واتجهت نحو فراشهم، شالحة مأزرها المخملي من عليها لتظهر امامه بمنامة ذات شورت قصير وحملات رفيعة من علي اكتافها متمردة عليه بأنزعاج. -مش عايزة منك حاجه ، انا اصلاً خلاص خلصت مذاكرة، وعلى فكره بقى انا مش جاهله عشان ادخل على شغلك و ابوظه ليك. ابتلع مالك لعابه بشوق لها، واتجه نحوها محتضنها من الخلف ضاممها الي صدره قبل أن تتمدد على الفراش، مقبلاً عنقها هامساً بحب. -انتي مش جاهله، بس عنيدة و دماغك ناشفة، ومتمردة على كل حاجة. لفت جسدها داخل يديه والقت سهامها النارية وسط سماء ليله، واضعة راحتي يدها على صدره سأله بنعومة -و ايه كمان. مالك تائهاً في جمالها -و حبيبتي وروحي كمان، بس لو تبطلي عندك ده. شذي بدلع -انت بتحب عندي ده. -انا بعشق كل تفاصيلك اصلاً، ماتزعليش يا ستي من بكره هايكون عندك جهاز لاب خاص بيكي انتي. شذي بخجل منه -لاء يا مالك مالوش لازمه، اصلاً بكره اخر يوم في الامتحان. -شششش سيبك من الكلام ده، مش احنا الاتنين بقينا واحد خلاص. شذي عابثة في ازرار قميصه ناظرة الي صدره بخجل -اه يا حبيبي خلاص. مالك خاطفاً قبله من وجنتها -يبقى لما تحتاجي حاجه تطلبيها مني انا، و من غير اي تردد. جلس بها على فراشهم وهي على قدمه تبادله القبل بمودة -طب انا عايزة اروح شقتي مش عايزة اقعد هنا، عايزة اخد راحتي يا مالك. -اكتر من كده.... قالها مالك ناظراً الي جسدها شبه العاري بأندهاش، ليغمز لها بطرف عينه. -مانتي واخدة راحتك على الآخر اهو، ولا نسيتي امبارح و عايزاني افكرك. شذي محاولة فك ذراعيه من حولها -قليل الادب، اوعي كده سيبني. مالك ضاحكاً على خجلها -اسيبك ايه، هو في حد يقدر يسيب روحه بردو. زمت شفتيها وهمست له -انا مش بقولك نمشي عشان حاجة مزعلاني، بس انا حابه تبقى لينا حياتنا الخاصه يا مالك، ماما سمعتنا امبارح و قعدت تضحك و تلمحلي وانا بصراحة مش عايزة حد يعرف عننا حاجة. مالك موافقها الرأي -طيب يا حبيبتي انا هاتصرف في الموضوع ده. شذي بفرحه -هانرجع بيتنا. مالك نافياً -لاء انا ماقولتش كده، بصي يا شذى انا بصراحة مرتبط بالمكان هنا قوي زي ما انتي شايفة كده، يعني المسجد والبيت هنا وامي و ابويا، انا عاشق للحي كله، عامل زي السمك اللي مايقدرش يعيش بره المايه. شذي بوجه متهجم نافضه يده من حولها. -طب اوعي بقى خلي المايه اللي انت عايش فيها دي تنفعك، وانا بصراحه ماعنديش استعداد اسمع كلمه تكسفني من اي حد، دا انا بدخل الحمام وانا بتلفت حواليا زي الحرامية. وقف مالك بوجه عابث يبدل ملابسه، وهو يراها ترقد تحت الغطاء الثقيل معطياه ظهرها، هاتفاً لها. -خلاص قولتلك هاتصرف، هاوضبلك البيت التاني وننقل فيه واظن لأمي ولأمك هايرفضو، بعد ما مامتك تتجوز. انفزعت من رقدتها وهمت لتجلس امامه صارخه في وجهه. -ومين قالك انها هاتتجوز. ❈-❈-❈ تلك النمرة المتوحشة التي عزم أمره على أن يروضها، هاجمته بشراسة وقفت على الفراش بجسدها شبه العاري، و ظلت تصرخ فيه... -قولتلك ماما مش هتتجوز، ممكن تبطل تجيب السيرة دي بقي. كان قد شلح قميصة من علي جسده، و انتفض منفزعاً من صياحها، اقترب سريعاً منها محاولاً انزالها من علي الفراش، واخراسها عن صراخها هذا. مد مالك يده ليمسك يدها منفعلاً عليها : -بطلي صريخ و هبل بقى و انزلي. امسكها بين يديه، ضاممها نحوه، ليصمتها ويسيطر على غضبها. زجته في صدره محاولة الإبتعاد عنه وهي تصرخ -اوعي سيبني بقولك، هي فاكرة نفسها لسه صغيرة، هي ناسية كانت مرات مين، الهانم اللي جوزها دمه سال قدام عنيها ولسة ماخلصتش شهور عدتها، ال بتفكر في الجواز. -اخرسيييييي بقي. قالها مالك بغضب وهو يضم رأسها من الخلف كاتم صراخها في صدره. خربشة اظافرها اسالت الدماء في صدره، لينفضها من يده ملقيها على الفراش بقوة، و اذا به يتفاجئ بوالدته تفتح باب الغرفة عنوة، وكاعادتها متمسكة بسلاحها الفتاك. قذفت الحاجة مجيدة جرزانها في وجه شذى، ليقف مالك متصدي له، قبل أن يسقط على رأسها و يتفاقم الأمر اكثر من ذلك. الحاجة مجيدة بصوت جهور -هي مين دي اللي كبرت وبتفكر في الجواز يا س.... يا ام لسان طويل، بتتباهي بابوكي البلطجي اللي اتقتل على ايه، إلا ما شافت معاه غير الهم، من يوم ما اتجوزته ولحد ما مات وهي متبهدلة بسببه. جحظت عيناها من وقت دخول خالتها عليهم، لتجذب الغطاء مدثرة نفسها جيداً بخجل، ناظرة الي زوجها الذي وقف حائراً خاجلاً هو الاخر بينها وبين والدته. مالك محاولاً رد والدته عنها -لو سمحتي يا أمي اتفضلي على اوضتك دلوقتي ماينفعش تدخلي علينا بالطريقة دي. الحاجة مجيدة رابتة على كتفه العاري بغضب -لاء ينفع يا حيلة، اصلي جيت عشان اشوف بنت اختي وهي مبسوطة في حضن جوزها، و عايزة تحرم اللي حلله ربنا لأمها. ايه يا ست شذى، مش حضرتك برضو فرحانة ومبسوطه مع جوزك، مع ان ابوكي مابقلوش تلات شهور ميت، ماحزنتيش عليه ليه بقى يا ست شذى، و لا عايزة تشيلي امك الحزن بس. انتفضت شذي من علي الفراش ملتقطة مأزرها مرتدياه سريعاً بصراخ -بس بقى كفاية ذل وإهانة لحد كده، ابنك عندك اهو خليهولك، وابعدو عني انا وامي ماحدش له دعوه بينا، اذا كنت عايز تطلقني يا سيدي عشان امك ترتاح طلقني. تخطها سريعاً لترحل من الغرفه، لتجده يقبض على شعرها من الخلف مانعها من الخروج بهيأتها هذه، أمراً لوالدته... -روحي نامي يا أمي من فضلك، و لو سمحتي ماتدخليش علينا بالطريقة دي تاني. رمقته بنظره غاضبة هو وتلك التي تضرب عل يده بشراسه لاتحاول فك أسر شعرها من قبضته، لتتأفف وترحل دافعة الباب خلفها. وعندها قذفها مالك من يده لتسقط ارضاً تحت قدميه منحنية الرأس. مالك بسكون ما قبل العاصفة -ازاي تسمحي لنفسك انك تخرجي من باب الأوضة بالهدوم دي. رفعت شذى رأسها بأندهاش -هو ده بس اللي اخدت بالك منه، لتصرخ قائلة... مأخدتش بالك هي دخلت علينا ازاي، ماشوفتش هي هانتني ازايييي. جلس مالك على الفراش، واضع رأسه بين كفيه يحاول ان يكظم غضبه. -امي تقول وتعمل اللي هي عايزاه، و لا نسيتي هي عملت ايه عشان تجوزك ليا. وقفت شذى تصرخ في وجهه متهوره في كلامها كالعادة -يا اخي ياريتني ما اتجوزتك، و لا كنت دخلت حياتي من أصله، انا زهقت منك ومن قلة حيلتك دي، حتى امك مش عارف تاخدلي حقي منها. مالك منتبهاً لما تقوله -شذى فوقي واعرفي انتي بتقولي ايه، المره دي مش هاسامح واغفرلك غلطك تاني. -انشالله ما سامحت، هو انت ماتعرفش تعمل ر... غير عليا انا بس، لتحاول الخروج مره اخرى، -لتجده يدفعها بقوه للداخل و اذا به يرد لها اهانتها بصفعه قوية على وجنتها. ساحبها من شعرها و ملقيها على الفراش. مالك حازماً امره -اقسم بالله لعرفك انا را... و لا لاء وحياة عشقي لجمالك يا شذى لربيكي من اول و جديد، اتفضلي نامي عشان الامتحان اللي عليكي بكره، و بعدها انا هعرفك ازاي تتكلمي معايا بالطريقة دي. ❈-❈-❈ فتحت باب غرفة شقيقتها وجدتها جالسه على الفراش تبكي وحدها، اذاً لقد استمعت الي صراخ ابنتها وكل ما قالته في حقها. اقتربت منها وجلست بجانبها لتشد من ازرها قليلاً. اردفت الحاجة مجيدة مزمجرة -بتعيطي ليه هو انتي هاتستجدي على بنتك وصوتها العالي. وضعت ماجدة رأسها على صدر اختها وهمست -شوفتي قالت عليا ايه يا مجيدة، انا اصلاً غلطانه اني سمحت لنفسي اتكلم في موضوع زي ده روحي قوليله اني رفضت، و خليه مايزعلش شذى. الحاجة مجيدة بلوم -ياختي ماتزعل ولا تتفلئ حتى هو انتي ما بتفكريش غير في راحتها، وهي اصلاً بت أنانية مابتحبش غير نفسها. واذا بهم يسمعو دفعة باب قوية، لتجري الحاجة مجيدة للخارج حتى ترى ما يحدث. واذا بها تجد ابنها يغلق باب غرفته، ويوصده جيداً بالمفتاح من خلفه. -الله مالك رايح على فين يا بني؟ زفر مالك أنفاسه بضجر مستغفراً ربه على مايفعلوه نساء هذا البيت به و صاح في وجه والدته بغضب -استغفرالله العظيم، رايح في ستين.... حلو عني بقى. ❈-❈-❈ أعلنت ساعة مذياع سيارته الثامنة صباحاً، كانت تجلس بجواره هادئة مستكينة، مختبئة تحت نقابها من عيونه اللتي تقذفها جمراً، و معه كل الحق في غضبه هذا، حتى لو قذفها أسفل عجلات السيارة، لن تلومه فما قالته لا يغفره احد ابداً، لكنه أخطأ أيضاً حين رفع يده عليها وضربها للمرة الثانية وهي أيضاً لن تغفر له هذه الفعلية. أوقف السيارة داخل الحرم الجامعي، لتترجل منها وتغلق بابها خلفها، ابتعدت قليلاً غير ملتفته الي السيارة. واذا بها تسمع صرير عجلاتها، لتخبرها انه يرحل عنها ويتركها وحدها، استدارت سريعاً لتراه وتنظر له هامسة من تحت نقابها -ماتمشيش يا مالك خليك معايا. لكنه لم يلتفت إليها، و لا حتى ليطمئنها وذهب. لا تعرف من أين جائتها كل هذه الطاقة السلبية، جرت لتقف أمام لجنتها خائفة بل مرتعبة تريد أن تحتمي بأي شئ، ظانه انه سيأتي احد ما و يتهجم عليها بأي لحظة. الي ان فتح باب اللجنة و كانت هي اول من دلف بها. ❈-❈-❈ ذهب إلى مول تجاري قريب من الجامعة، جلس في إحدى الكافيهات يحتسي كوب من قهوة الصباح، يفكر في جنيته شقيته ومعذبته. برغم تهورها واندفاعها في الكلام الا انها معها كل الحق في طلبها، فما فعلته والدته بالأمس كان معناه جرح لخصوصيتهم، لم يكن لها أي حق في ان تدلف عليهم بتلك الطريقة المهينة، لذلك عزم أمره على أن يبدء في توضيب البيت من اليوم، لكن دون أن يخبر تلك الشقية التي تعركل عقله دائماً، وتذيب قلبه بنظرة من سمائها او هماستها. وبعد أن احتسي قهوته، ذهب إلى إحدى المحلات المخصصة لبيع الأجهزة الإلكترونية، وابتاع لها جهاز حاسوب جديد، ليأخذه ويرحل من المول كله عائداً إليها بسيارته. ❈-❈-❈ طريق العودة بها إلى المنزل، كان صورة طبق الأصل من طريق الذهاب، لم يزد عليه أي شئ سوي شهقاتها و رجفتها بجانبه فقط. ازعجته بشهقاتها و رجفتها هذه ليصيح فيها بغضب... -ممكن تسكتي وتخليني اركز وانا سايق. -سيبتني ومشيت ليه انا كنت هاموت من الخوف. كان هذا ردها المميت لكل نظرة كره يلقيها بها، لكم ود ان يوقف السيارة ويلتقطها على قدمه يضمها الي صدره يربت على ظهرها كالاطفال. لكنه عوضاً عن ذلك صاح فيها وهو يعتصر عجلة القيادة بيده، لا والله ماكنتش فاضيلك عشان اسيب شغلي واقعد جانب حضرتك. شذي بصراخ مكتوم -انا مش عايزة ارجع الحسين وديني شقتنا لو سمحت، انشالله حتى تسيبني لوحدي فيها وماترجعش ليا تاني بس خليني اروح هناك، الا والله هاترجع من شغلك تلاقيني مموته نفسي هاه بس. القى مالك عليها نظرة جانبية بطرف عينه ثم اردف وهو يفكر بشئ ما: حااااضر انتي تؤمري يا شذى، بس خليكي فاكرة انك انتي اللي طلبتي ده. غير مسار سيارته واتجه بها إلى طريق شقته الحديثة، عازماً أمره على أن يتركها وحدها فتره من الوقت حتى يعاقبها على ما فعلته. وحين فتح الباب وجدها تنفد من جانبه للداخل سريعاً وذهبت راساً الي غرفة نومها شلحت نقابها وادنائها من عليها، ودلفت الي المرحاض لتغتسل وتهدء جلد وجهها من البكاء قليلاً، لتفتحه وتترجل منه متجهه نحو غرفة الملابس لتجد زوجها يقف معطيها ظهره، ويبدو انه يدس شئ ما بخزانة الملابس. سحبت مانمتها المخملية ذات الاكتاف الساقطه، و ارتدتها سريعاً غير عابئه به و بما يفعله، وذهبت سريعاً نحو الفراش وارتمت عليه. بدل هو أيضاً ملابسه و وضع عطره الذي يثير جنونها وترك لها الغرفه بأكملها و ذهب. استنشقت عبيره بحرارة قبل أن يرحل عنها، لتزفره متنهدة وهي تلمح طيفه قبل أن يغلق باب الغرفه عليها و يتركها مره اخرى تدمع العينين. و قبل ان يرحل مرة أخرى استمع لرنين هاتفها الملقى داخل حقيبتها الموضوعه على هذا الكنسول الرخامي بجانب الباب الرئيسي. فتح الحقيبة واجتذب الهاتف، ليجد ان المتصل ليس بأحد سوي والدتها. نظر الي الساعة الملتفة حول معصمه، ليجدها أصبحت الثالثة عصراً، فأجاب الاتصال على الفور إذ ربما تكون قلقة عليهم. -السلام عليكم يا ماجدة. ماجدة مجيبة عليه بقلق -و عليكم السلام انتو فين يا مالك، شذى مش بترد عليا ليه. اردف مالك محاولاً تهدئتها -ماتخفيش عليها احنا رجعنا شقتنا يا ماجدة. ماجدة ببكاء هادئ -ليه بس يا مالك هي لسه زعلانه طب ادهاني اكلمها، و انا هقولها ان الموضوع ده مش هيحصل، قولها يا مالك اني رفضت العريس ده خلاص. مالك بانزعاج مما تقوله -موضوع ايه اللي خلص وعريس ايه اللي رفضتيه، مافيش حاجه من دي هاتحصل يا ماجدة وان كان على شذى، هي اللي طلبت تيجي هنا بعد اللي حصل امبارح، سيبيها بس يومين كده تهدى وبعدها هنرجع تاني و هتكون موافقة كمان. استسلمت ماجدة الي كلمته وهمست -هاقول ايه بس ما باليد حيلة، طيب يا مالك سيبها على حريتها بس قولها اني مش موافقة على حاجة هي مش عايزها. مالك مستغفراً ربه -استغفر الله العظيم واتوب اليه، يعني انتي عايزة تجننيني انتي كمان، اقفلي يا ماجدة و لازم تفهمي حاجة، شذى مش هتمشي كلامها علينا كلنا لمجرد انها رافضة حاجة بغبائها ده. الفصل السادس والثلاثون ❈-❈-❈ انه اليوم الرابع لها وحدها، علمت معنى كلمته لها وما كان يقصده عندما نفذ لها طلبها مردفاً لها. -افتكري انك انتي اللي اختارتي. نعم كان اختيارها هي، و لذلك كان عليها إن تتحمل نتيجته. وصل بها العند ان تغلق هاتفها ولا تجيب على اتصالات والدتها، او تهاتفه هو و لا حتى فكرت ان تراسله كما فعلت بالسابق. مع انها كانت خائفة من وحدتها، لكن هي بأمان تام طلاما وحدتها هذه في سجنه. ❈-❈-❈ طيلة الاربع ايام كان منشغلاً مع هؤلاء العمال، الذين حضرو بأمر منه ليبدؤو العمل في هذا البيت، و هو يقف على رأسهم لينهوه بأسرع وقت، تحت نظرات والده الحاقده والغير راضية عن مايفعله. ليهتف فيه الشيخ حسان بضجر.... -انا مابقتش فاهم انت عايز ايه بالظبط يابني، منين بتقول هطلقها، ومنين قولت لخالتك وامك انك بتوضب البيت ده ليك انت وهي. مالك متنهداً بصبر -افتكرت ان أبغض الحلال عند الله الطلاق يا حاج. -أبغض الحلال اه لكن مش حرام يا مالك. مالك ضامم له حاجبيه نوانا ماقدرش اني غضب ربنا، حتى لو ده حلال لكنه ابغضه. الشيخ حسان مستهذئاً به - بنت ماجدة حتة العيلة الصغيرة دي، عملتك انت بجلالة قدرك يا دكتور لعبه في ايديها خليتك يويو، ترميك وتشدك ليها وقت ماتعوز. كظم مالك غيظه مغمضاً عينه بقوة هامساً له: -الله يسامحك يا ابويا، انا بس نفسي اعرف انت بتكرها كده ليه. الشيخ حسان منتفضاً من جانبه -عشان انت تستاهل واحدة احسن من دي بكتير، دي لا كانت من قيمتك ولا من مقامك، انت تستحق واحدة متعلمه زيك، دكتورة زيك مش حتة بنت فاشلة أهلها كلهم بلطجية بيقتلو في بعض. هذه المرة سخر مالك من ابيه -الدكتوره اللي حبتها رامتني على طول دراعها وراحت اتجوزت واحد معاه فلوس يا حاج، أما بقى بخصوص أهل شذى، فامحدش بيختار اهله يا ابويا، شذى صحيح طايشه ولسانها طويل، بس هي من جواها زي امها طيبة، وشرسة زي خالتها برضو. ليشير له باصباعيه، واخدة طبع الاتنين يا حاج شوفت نصيبي بقى. كاد والده ان يذهب من أمامه ليلتفت له قبل أن يرحل -بتلتمس اعزار لمين وبتدور على حجج فارغه ليه بنت محمد العسال مش هيجيلك من وراها غير المصايب يا دكتور. زفر بحنق متأثراً من كلام والده، ليقف حائراً مزمجراً لنفسه -ليه كده بس يا حاج، هو انا ناقص رعب عليها، مش كفاية اللي انا فيه بس يا ربي. ❈-❈-❈ الليلة كانت دافئة يبدو أن الشتاء قد شرف على الرحيل. كانت جالسة على مقعد وثير بجانب تلك النافذة المطلة على النيل مباشرةً، تلبس كنذة صوفية سوداء اللون بفتحة دائرية كبيرة من علي صدرها على شورت قصير اسود اللون أيضاً ليطغي عليه بياض قدميها، وتمسك بيديها كوباً من الكاكو الساخن تحتسية، وتراقب حركة تلك القوارب الصغيرة ذات الاضئات الملونة، و تستمع على هاتفها الي اغنية اصاله الشهيرة.... خانة الزكريات. لم تشعر به حين ولج إليها، حيث كانت مغضة العينين، يبدو أنها غافيه على مقعدها وهي متكورة بهذه الطريقة على المقعد بعد أن احتست ما بيدها. قادته قدماه الي صوت الهاتف و كان بلحظه يقف امامها، ليراها على حالتها هذه، بالرغم من جمالها الا انها كالوردة الزابله، لكم يود الان ان يجذبها اليه و يحتضنها، سحب الهاتف من علي قدمها واغلقه، جذب ذلك الكوب من يدها و ضعه على المائدة الصغيره. وهتف بخشونه -شذى قومي نامي جوه، كانت غافية حد الثمالة لدرجة انها فتحت عيناها قليلاً لتري طيفه كالشبح امامها، و بدون ارادة همست له. -مالك حبني. -لاء بطلنا و الله خلاص، فوقي يا ماما وقومي غيري الار.. ف اللي انتي لابساه ده و قاعدالي بيه قصاد الشباك. انفزعت أثر سماع صوته الخشن، و انتفضت واقفة وهي تعتصر جبينها،.... -انت هنا من امتى. -من ساعة خانة الزكريات اللي حتطيني فيها ياختي. -وايه اللي فكرك بيا،جيت ليه انت مش رمتني هنا من اربع ايام وسيبتني. وقف ينظر إليها وكأنها حيوان ذو رأسين، ليتخطها متجهاً الي غرفة ملابسه وهو يستهزء بها. -غبية و مترددة صرخت وجرت امامه لتوقفه بشراسة وهي تزجه بيدها في صدره. -ماتشتمنيش! انت رمتني هنا وقفلت عليا وسيبتني لوحدي وجاي دلوقتي تشتمني. -وأكسر رقبتك كمان، انتي اتجننتي، بتمدي ايدك عليا يا شذي. لم تفزع من صوته ولم تبعد يدها عنه، بل زادت ضربتها على صدره ظانه بهذا انها تألمه. -تكسر رقبة مين دانا شذى بنت محمد العسال، فاكرني هخاف منك انت. -كده طب تعالي بقى وانا اعرفك هتخافي ولا لاء. حملها بين يديه معتصر يديها بقوه خلف ظهرها، وبلحظه كانت ملقاه على الفراش، استدار ليغلق الباب و هو يشلح قميصه من عليه، ليجدها تقف خلفه وتضغط باسنانها على كتفه. -يا مجنونه بتعملي ايه، زجها بعيداً عنه، لتسقط على الأرض ويتبعثر شعرها حول وجهها المنحني، لتنظر له بكل شراسة وتصرخ... -باخد حقي منك، انت مش بتضربني، هضربك زي ما بتضربني وبتمد ايدك عليا. -لاه دانتي ضربتي على الآخر، و حياة جمالك دا لأخليكي ترجعي قطه مغمضه تاني تعاليييي. جذبها من شعرها ليلقيها على الفراش، لتحاول الانزلاق من الجهه الاخري لتجده يقبض عليها محتجزها اسفله. وتحول الفراش فجائة الي دائرة للعبة الكونغوفو، حيث كانت حركتهم اشبه بها. هي تضربه وهو يشل حركتها، الي ان تلاقت أعينهم وخرست ألسنتهم. لم يتحدث أحدهم بكلمة، هدئ موج البحر الثائر في ضباب ليله. امسو ليلة لن ينساها اي منهم وحفرت في ذاكرتهم للأبد. حتى لو أصبحت لياليهم الف ليلة. بالرغم من قسوته عليها، الا انها كانت متقبله كل ما يفعله بها لدرجة ان كل لمسه من يده كانت بمثابة مخدر لها. هو أيضاً عاشق متيم بها، يحبها ولا يريد الا هي. صرخاتها بين ذراعيه تشعل قلبه، و تزيد من احتراق، لكنه عزم أمره بأن يقهرها حتى تخضع له. ❈-❈-❈ وفي الصباح كانو غافيان باحضان بعضهم، متشابكان الاذرع. تحتضن خصره بيديها وملقيه بجسدها على جسده، يضمها اليه و يحتجزها بين ذراعيه ويتلفح بشعرها المموج. لكن ما افزعه و جحظ عينه دموعها الملتصقه على وجنتها، وردته الجميلة تبكي َوهي غافية، شعر بغصه في قلبه، وازاحها عنه ببطئ شديد ليعدلها على وسادتها. جفف دموعها بشفاه طابعاً على وجنتها قبله رقيقة هامساً لها. -انا اسف بس انتي اللي اضطرتيني لكده. ❈-❈-❈ وبعد مرور ساعتين من الوقت كان قد قضى روتين الصباح وصلي فرضه و وقف داخل غرفة طهي الطعام يصنع لنفسه كوباً من القهوه. اما عنها هي فكانت مستيقظه في فراشها، لا تقوى على الحركه دامعة العينين، لكنها مبتسمة راضية عن ليلتهم كل الرضا، عابثة لتئلم جسدها. ظنت انه قد رحل في الصباح الباكر، بيدٍ مرتعشة تمسكت بقميصه الملقى بجانب الفراش وجذبته إليها لترتيده، وتترجل للخارج بهيئتها المبعثرة هذه. ولجت غرفة الطهي وفتحت البراد، لتجلب لنفسها الماء لتروى به ظمئها. وقف يحتسي كوب القهوة وهو ينظر إلى هيئتها هذه بأبتسامة نصر تملئ وجهه، مشير على ما تلبسه، ملقي عليها بسؤاله. -ايه اللي لبسك قميصي؟ رفعت قنينة المياه من علي فمها، شاهقة بفزعة من صوته. -انت لسة هنا؟ اوصد يديه حول صدره بعد أن وضع ذلك الكوب من يده قائلاً. -ومش همشي انا قاعدلك هنا النهاردة شذي بلا مبالاة -براحتك خليك قاعد. -طب ممكن نقعد نتكلم بهدوء زي الناس العاقلين. -بص انت عايز تقعد براحتك، لكن ما تفرضش عليا اني اقعد واتكلم معاك، انا مش عايزة اتكلم مع حد. جذبها اليه قبل أن تخطو قدميها الباب وجمدت يده على رسغيها ناظراً في عيناها بقوه. -لاء هاتقعدي و هاتتكلمي معايا بكل هدوء، و مش هاسمع منك غير كلمة حاضر يا مالك، يا ترى كلامي مفهوم ولا فيه حاجة غريبة عليكي. لتردف هامسة وهي تضع جبهتها على صدره -سيب ايدي بتوجعني، اصلاً جسمي كله بيوجعني يا مالك. لانت يده و لان قلبه أيضاً لها، ليضمها اليه و يقبل رأسها بحزن. -انتي السبب في اللي احنا فيه ده، لسانك الطويل و قلة... هما اللي خلوني اعاملك بالطريقة دي. -اوعي سيبني انا عايزة اطلق منك. تنهد بقلة حيلة و ازاح يده عنها و هتف... -تمام لو ده طلبك هنفذه ليكي و مش هاعترض طريقك، اصلاً انا من الاول كنت عايز اسيبك زي مانتي وانتي اللي رفضتي ده. شذي بدموع منهمرة على وجنتها -عشان كنت حمارة و فاهمة انك بتحبني بس للأسف طلعت مش عايزني دانت بتكرهني كمان -في حد بيكره مراته بيعاقبها العقاب ده يا متخلفة انتي؟ سئل مالك هذا السؤال بعين كالجمر و صوت جاهور. جلست على الاريكة تبكي بحرارة وتصرخ له. -و مافيش واحد بيحب مراته يقوم يجيب لأمها عريس يا دكتور. وقف غير مستوعباً ما تقوله هاتفاً -ودا ايه علاقته بحبي ليكي يا شذى؟ -يا مالك افهمني بقى انا ماقدرش ابعد عن امي دي هي كل حياتي. سخر من كلماتها رافعاً جانب شفاه العلوي -دا على اساس انك نايمة في حضنها دلوقتي مانتي سايبنا كلنا مش هي بس بقالك اربع تيام، ايه اللي فرق بقى، يا شيخة دانتي حتى التليفون من ساعة ما جيتي هنا وانتي قفلتيه ومش بتردي عليها فيه، يبقى مين اللي اختار البعد بقى. احنت رأسها دون أن تتحدث معه لتسمعه يهتف لها بأمر. -كلمه واحده هاقولهلاك، جوازنا دلوقتي متوقف على موافقتك بجواز امك لو انتي وافقتي مش هاطلقك، لكن لو رفضتي اعرفي انك كده نهيتي كل حاجه بينا يا شذى. رفعت رأسها له بعين جاحظه -انت بتحط دي قصاد دي يا مالك. اومئ لها برأسه معانداً -اه مش انا مش را.. في نظرك، قابلي بقى اللى جاى يا شذي ويكون في علمك احنا هانرجع الحسين على اخر الاسبوع وهاتعتزري لأمي ولأمك على كل اللي عملتيه ده، ولو رفضتي هترجعي تعيشي مع امك تاني، أما بقى لو وفقتي فا بيتك الجديد مستنيكي يا قلبي. ثم تركها تجلس كما هي تفكر فيما القاه في جعبتها. ❈-❈-❈ اليوم عادت اليهم بعد أن أعطته رأيها بالموافقة لكنها ظلت متحفزه على خصامها له ولم تتحدث مع أي منهم أيضاً عبر الهاتف. دلف بها إليهم وهم جالسون ليجذب من علي عينيها نقابها ويهتف. اعتذري. ❈-❈-❈ رمقته بنظرة غاضبة ثم التفتت إليهم واحنت رأسها ولم تتفوه بأي كلمه. زفر مالك معنفاً لها بنظرة عينه -يلا يا شذى انتي وافقتي على اتفاقنا، و عشان كده جبتك لهنا تاني. عيناها امتلئت بالدموع، وتسمرت مكانها و اردفت له بهمس -انا ماغلطش فيهم ليه عايزني اعتذر عن حاجة معملتهاش. كبريائها يمنعها عن الاعتذار و مع ذلك هو يريد أن تتخلى عن عنادها. -هاترجعي تعندي تاني انتي عارفه دا معناه ايه. ظلت متماسكة، لم تنظر اليه لتجد يد من انجبتها، تنتشلها من هذا المأزق و تغمرها بحنانها تجذبها إليها، متكئه على كتفها قبل أن تسقط. ماجدة محتضناها و رافعه نقابها -وحشتي ماما اوي يا قلب ماما، كده برضو يا شذى هونت عليكي تسيبيني وانا في الوضع ده و تمشي. شذي بدموع - انتي اللي عايزة تسيبيني يا ماما. ربتت ماجده على كتفها وهمت لتحثها على الجلوس -اسيبك واروح فين بس وانا متجبسه كده، تعالي اقعدي جانبي هنا. جلست مقابل خالتها التي كان وجهها جامد وكأنها تقول لها انتي غير مرحب بكى. التفتت شذى الي زوجها الغاضب أيضاً و تحدثت -مش قولت هنطلع نجيب الشنط ونروح البيت التاني. اردف بلغزٍ لا يعرف حله احد الا هي فقط -انا قولت بس انتي ماعملتيش. رفعت عيناها لتقابل عين خالتها، لتعاود النظر الى والدتها تحاول أن تغير الحوار. -عاملة ايه دلوقتي يا ماما لسة رجلك بتوجعك. تفهمت عليها والدتها التي ربتها على عزة النفس و عدم التخلي عن كبريائها.. -يعني شوية ابتديت اخد على الجبس، بس بقى اللى تعبانة معايا بجد، هي اختي حبيبتي، خالتك تقريباً مابتسبنيش يا شذى. ابتسمت لها شقيقتها وهتفت توبخها على ما تقوله -بس يا هبله هو احنا في بينا شكر بردو. انتهزت شذى هذه الفرصة وتدخلت في الحديث -ربنا يخليكم لبعض، خالتو مجيدة دي امنا كلنا اصلاً. لم تردف بكلمة فقط اصتنعت لها ابتسامة صفراء، و اومئت برأسها. تنهدت شذى لتصبر نفسها و وقفت بإتجاهها بقلة حيلة - طيب انتي تكسبي، ثم همست بصوت خفيض حتى لا تسمعها انا اسفه يا خالتو. لكنها إنبهت لما تقول لتصيح فيها - اسفه! هو انتي دوستي على رجلي من غير ما تقصدي يا بنت اختي ال اسفة ال. تدخل مالك جالساً بجوارها بعد أن تنفس الصعداء حين قالتها - خلاص بقى يا أمي، شذى عرفت انها غلطانه واعتذرت على غلطها، مش عايزين نفتح الموضوع ده تاني لو سمحتي. ربتت الحاجة مجيدة على فخذه موافقاه الرأي وسألته -خلاص يا حبيبي بس قولي رديت على الدكتور ولا لسه. نظر مالك إلى خالته و ابنتها التي التفتت لما يقولونه و قرر ان يفتح الحديث امامها. -ايوة رديت عليه زي ما ماجدة قالت بالظبط قولتله انه ينتظر لما تفك الجبس، و هو في الحقيقة وافق بس طلب انه يجي يكشف على رجلها ويشرب معانا كوباية شاي. التفتت ماجدة الي ابنتها بخوف، همست لها -ماتخفيش هطفشه. ابتسمت شذى لها وقررت ان تداعبها هي الاخري -شكله كده لزقه و مش هايطفش بالساهل، ده باينه واقع من اول نظره ههههههه. تفاخرت ماجدة بنفسها مجارية ابنتها في هذا الحديث الخاص بهم. -طبعاً يا بنتي هو هيلاقي في جمالي فين؟ اعتلت ضحكاتهم سوياً، و بدئت شذى تداعبها بيديها و هي تهامسها. -ايوا يا جوجو يا أسرة قلوب الرجال ههههههه -ربنا يبسطكم و بلاش انا. كانت هذه كلمة الحاجة مجيدة الصاخبة بنظرها عليهم. لتلوي شذى ثغرها لوالدتها بعلامة الخوف، كتمت ماجدة ضحكتها على ابنتها وهتفت -دانتي الخير والبركه يا حبيبتي هو احنا لينا غيرك يا مجيدة. ضرب مالك على قدمه ضربه خفيفة و وقف جاذباً زوجته من يدها.. -طيب يلا شذى تعالي شوفي البيت الجديد. ضمت شذى حاجبيها بعدم فهم -مش قولت هانجيب الشنط من فوق. مالك ضاحكاً -شنط ايه يا بنتي الشنط راحت هناك من زمان. ❈-❈-❈ رتب البيت بأكمله ليصبح بيت يليق بالحياة الزوجيه، فعل لها ما تريد دون أن يحرم نفسه من المكان الوحيد الذي يعشقه و يرتبط به جداً. فعل كل هذا بعد أن أخبرته بموافقتها على ما قاله، بعد حديثها مع والدتها عبر الهاتف. فلاش باك قررت الاتصال بها للمرة التي لا تعرف كم عددها الان، ليأتيها صوت رنين أخيراً. اتاها صوتها الهادئ الباكي من الجهه الاخري. شذي بهدوء حزين -الو ايوه يا ماما. تهللت اساريرها واجابت بلهفة -أخيراً فتحتي تليفونك كده بردو يا شذى هانت عليكي ماما. -و اشمعني انا هونت عليكي عايزة تتجوزي وتسبيني يا ماما. -اسيبك! انتي مش واخدة بالك انك اتجوزتي قبلي ليه يا شذى، بصي انتي فين دلوقتي و انا فين يا شذى، -يا حبيبتي انتي قاعدة في بيتك و مع جوزك و انا بقى كل اللي بعمله اني قاعدة عالة على اختي يا شذى. -لاء يا ماما انا مش هاخليكي عالة على حد هاخدك تقعدي معايا في البيت الجديد، بس و النبي اوعي تتجوزي يا ماما. -يعني انتي عايزانى بدل ما اكون عاله على اختي ابقى عالة على ابنها مش كده يا شذى. -انتي ليه بتفهميها كده ليه مش تقولي اني محتاجة ليكي اكتر من اي حد تاني. -يا حبيبتي يا بنتي انتي بتعيطي يا شذى، خلاص يا حبيبتي انا شيلت الموضوع ده من دماغي ومش هافكر فيه. -انتي بتاخديني على قد عقلي يا ماجدة، منين بتقولي لي كده وانتي قولتي لمالك انك موافقة. -هاه بصي بصراحه انا قولتله كده عشان يبطل يزن عليا، بس ماتخفيش اكيد هنلاقي حجه نلغي بيها الموضوع ده قبل من يبدء فرحت شذى من كلام والدتها و هتفت: يا رب يا ماما ونرجع نقعد مع بعض تاني، و مافيش حاجة تفرق ما بينا ابداً. اغلقت معها الهاتف، و ترجلت من الغرفه لتخبره بموافقتها. كان منهمك في عمله و يمضي بعض الاوراق الخاصة بالمشفى، وقفت بجانبه منحنية الرأس صامته حتى لاحظ هو وقفتها. مالك بانزعاج -خير واقفه كده ليه؟ شذي بتنهيدة -عايزة اتكلم معاك. -مش فاضيلك دلوقتي. -مالك لو سمحت؟ قفذف القلم من يده ليسقط على الأوراق المرصوصة على الطاوله و هتف. -افندم في ايه. جلست بجانبه على الاريكة و همست له.. -انا موافقة. اعتدل في جلسته حتى يشملها بنظرته القوية. -موافقه على ايه بالظبط. -على جواز ماما من صاحبك الدكتور ده. - وليه دلوقتي اتنزلتي و وافقتي. صمت عم المكان لمدة دقيقة كامله، يعلم انها وافقت حتى تتم باقي الاتفاق بينهم ولكنه أراد أن يسمعها منها. اردفت شذى وهي ناظرة في عينه -عشان مش عايزة اطلق يا مالك. ثم اجهشت في البكاء وجرت من أمامه لتختبئ في غرفتها مره اخرى. مالك معاتباً لها - و لسه لما تكملي باقي الاتفاق يا شذى. باك. ❈-❈-❈ وقفت في بهو البيت المكون من طابقان، معجبة جداً بديكوره وطرازه. من يشاهده من الخارج، يراه كأي بيت من بيوت الحي العتيقة لكنه حرص ان يكون من الداخل على أحدث طراز عصري بلمسه هادئة. اردفت شذى بأعجاب -الله البيت حلو قوي يا مالك. استند مالك بجزعه على حافة المقعد و عقد ذراعيه في بعضهم -طب الحمد لله انه عجبك. ابتسمت له واقترب منه واضعه يدها على رسغه -بصراحة زوقه حلو اوي، من بره حاجة و من جوه حاجه تانيه خالص. -ماحبتش اعمله كله على الطراز القديم، بصراحه خوفت لا تزهقي منه، اصل انتي قلابه و بتزهقي بسرعه. ضمت شذى حاجبيها واغمضت عيناها بتفكير - قصدك تقول عليا اني ماليش امان مش كده. -كويس انك قولتيها دا معناه انك متصالحه مع نفسك جداً يا شذى. ابتعدت عنه و تنهدت هذه المره بزهق لتهتف بضجر مما يفعله بها زوجها -بص انا مش هاخد كلامك ده على أنه جد أو أنه زم فيا، بس انا هاقولك حاجه انا يمكن اكون متهوره ومندفعه في كلامي، بس انا مش خبيثة ولا كدابه يا مالك. مالك بغضب -متهورة ومندفعه ومتردده و انانية يا شذي، ايوه انتي أنانية وطماعه كمان. عايزة كل حاجه ليكي، مش مهم اي حد تاني المهم انتي و بس، ماشيه على المنهج اللي بيقول نفسي ثم نفسي ثم يأتي الطوفان، مش كدة يا شذى هانم. ادمعت عيناها و زفرت بحزن -انا ابسط من كده بكتير، انا مش عايزه حاجه من حد، كل اللي انا عايزاه اني اعيش حياة بسيطة في هدوء معاك و وسط عيلتي، مش طالبة حاجة اكتر من كده. -حتى في طلبك ده انتي أنانية يا شذى. -ليه بتقول كده. -لأنك عايزه تملكينا، بتربطي امك بيكي مع انك بقى ليكي حياتك الخاصة و معا ذلك مش عايزها تفارقك ثانية دي مش اسمها انانيه يا شذى. و انا! -انت انت ايه يا مالك! هو انت مش جوزي. -جوزك! اللي قولتي عليه مش را..، واول ما قولتلك هاننفصل قولتي لاء انا مش عايزة اطلق تبقي أنانية و لا لاء يا شذى، دا انتي حتى مافكرتيش تعرفي رأيي انا ايه -هو انت ليك رأي تاني يا مالك. صمت ولم يجيبها، لتنفزع في وقفتها وتجري عليه تفك حصار يديه من حول صدره رغم عنه وتحتضن خصره بذراعيها معلنه تملكها اياه. -لاء يا مالك اوعي يكون ليك اي رأي تاني قول عليا أنانية قول طماعه لكن ماتسيبنيش عشان خاطري، مالك انا اتعودت على احساس الأمان جوه حضنك حتى لما كنت لوحدي في الشقة، كنت مطمنة ومبسوطه وانا شامه ريحتك في كل مكان فيها. وضع مالك يديه في جيوب بنطاله و وقف صامداً كجبل من جليد... وعندما طال الصمت بينهم رفعت عيناها الدامعه له تحاول أن تطلب منه السماح -طب لو عايز تفضل زعلان انا موافقة لكن ماتبعدش عني ماتحولش تسيبني يا مالك هتف مالك بأمر مغيراً مجري هذا الحديث بينهم -اثبتيلي انك بتحبيني و عايزاني بالفعل مش بالكلام والعياط كل شويه يا شذى. شذي بحب واضح عليها -اعمل ايه، كل اللي هتقولي عليه هاعمله. مالك بصبر - اطلعي غيري هدومك وحضري نفسك عشان تروحي الدرس. ابتسمت له و اومئت برأسها -حاضر هاعمل كل اللي انت عايزه. جرت من أمامه صاعده للأعلي، لتفعل ما طلبه منها ليهمس هو لنفسه. -عارف انك مع أول مشكله هتحصل بينا هترجعي في كلامك ده تاني. بقلم ميادة مأمون. رواية ساكن الضريح.