اتصلت طفلة عندها 8 سنين برقم 122 بقلم صابرين محمد
اتصلت طفلة عندها 8 سنين برقم 122 وهي بتعيط قالت: بابا وصاحبه هما اللي عملوا فيَّ كده. وبعد أقل من عشر دقايق، لما الشرطة فتحت باب الشقة، الحقيقة اللي اكتشفوها جمدت الدم في عروقهم خلت أقدم ظابط فيهم يفضل ساكت ومش قادر ينطق
كانت موظفة النجدة شغالة بقالها أكتر من 15 سنة رد عليها آلاف البلاغات؛ حوادث حرائق خناقات أسرية، لكن المكالمة اللي وصلتها في ضهر يوم هادي، خلتها تنسى كل اللي سمعته قبل كده. أول ما ردت وقالت: شرطة النجدة اتفضلي. ساد صمت كام ثانية بعدها خرج صوت طفلة صغيرة بيترعش من العياط وهي بتقول: بابا وصاحبه هما اللي عملوا فيَّ كده الحقوني.
اعتدلت في كرسيها وسألتها بسرعة: اسمك إيه يا حبيبتي وعمرك كام سنة؟ قالت: ليلى عندي تمانية سنين. سألتها: إيه اللي حصل؟ ردت وهي بتتوجع بطني وجعاني أوي من بعد ما أكلت الحاجة اللي بابا وصاحبه ادهالي وكل شوية الوجع بيزيد.
الموظفة بدأت تحس إن الموضوع أكبر من مجرد وجع بطن، فسألتها فين بابا ومامتك؟
قالت بابا خرج وماما نايمة بصحيها ومبتردش عليا. كان صوت التلفزيون شغال في الخلفية، لكن البيت كله ساكت بشكل يخوف لا فيه أي حركة كأن مفيش حد عايش جواه.
في اللحظة دي بلغوا أقرب دورية وأقرب إسعاف فضلت موظفة النجدة تكلم البنت لحد ما الشرطة وصلت.
لكن أول ما الظباط فتحوا باب الشقة، فهموا إن الجملة اللي قالتها الطفلة: بابا وصاحبه هما اللي عملوا فيَّ كده. خلت كل واحد يسمعها يفهم حاجة، بينما الحقيقة كانت مختلفة تمامًا…
يا ترى إيه اللي حصل داخل الشقة؟ وإيه السر اللي خلى الطفلة تتصل بالنجدة وهي في الحالة دي؟
#صابرين_محمد
صلي على سيدنا محمد ﷺ ولو نفسك تعرف الحقيقة سيب لايك وكومنت
لكن…
أول ما الظباط فتحوا باب الشقة، فهموا إن الجملة اللي قالتها الطفلة: بابا وصاحبه هما اللي عملوا فيَّ كده. خلت كل واحد يسمعها يفهم حاجة، بينما الحقيقة كانت مختلفة تمامًا.
دخلوا الشقة بسرعة وهم بينادوا:
شرطة محدش يتحرك!
لكن محدش رد.
ريحة أكل محروق كانت مالية المكان التلفزيون شغال بصوت عالي في الأرض أطباق مكسورة وكوباية عصير واقعة ولسه السائل مالي السيراميك.
فتشوا أوضة وبعدين التانية…
لحد ما وصلوا لأوضة النوم.
هناك…
كانت الأم مرمية على الأرض جنب السرير شها كله كدمات شفايفها بتنزف هدومها متبهدلة من أثر الضرب أنفاسها طالعة بالعافية، لدرجة إن أول ظابط شافها افتكر إنها فارقت الحياة.
